Efeeso 1:3 - NEAJEEDA EESH BEA BUUNEESSEAN

³ Ghawooda daba Aseetta ea Bwaabwa Ng'utaamiideanya was Yeesu Gristo, ghayi goaneasa ghawooda aba jeeda Gristo aba giliwas ghawooda gurorooda aba daroorakka humng'eedean,

Bibliyeeda Ghaydit

³ Ghawooda gaba ASEETA ea Bwaabeeda Ng'utamiideanya was Yesu Gristo, ghayi gooneasa ghawooda aba jeeda Gristo aba giliwas ghawooda guroorooda aba darooraka humng'eedean,

Efeeso 1:3 Mawu Ofanana

Lukka 2:28

ghoang'ng'waay aba geattingaaschi ak gabadiischeesa Aseetta nea gwayi,

Yohaana 14:20

Eaweettida gajanala gideaba aniini geandi jeeda Bwaabwa, nea goondi agooga jeedeanyu, nea geandi aniini jeedeagwa.

Yohaana 17:21

ak abeeda ghwoaw fiisu gilagi; gawuurji gidindeatti jeedeanyu ang'iing'i Bwaabwa, nea geandi aniini jeadaang'u, eara saawa gobiida jeedeanya, ak abeeda ghamwas ng'eanyiida gideaba guwosi siida ghayi ajeaknean.

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Ruumi 12:5

gwasnu eara aseaseeni saang'aan, geewooschi saseanagi aba jeeda Gristo, ak gaba roobadeeni roochchi sea nuut.

Ruumi 15:6

abeeda aba ghuudagi abeeda ghoakghambiichchi Aseetta ea Bwaabwa Ng'uttamiideanya was Yeesu Gristo.

1 Goriinto 1:30

Niny gumdooda eaweegeagwa gil aba jeeda Gristo Yeesu, ghayi nung' Aseetta ghoaw weaghuumeedeanya, ea doobiiwnatteanya ea gimmiinnooda, ea lealeanooda;

1 Goriinto 12:12

Gawuurji gitta waseatta agi saseedean ak gabiissa gwandeawa damealga saang'aan, earappeadi damealga saang'aan gaba saseanagi, ak ea giduurji earaba heeda Gristohi.

2 Goriinto 1:3

Gagasa eakghambiida Aseetta, Bwaabwa Ng'uttamiideanya was Yeesu Gristo, Bwaabwa mideawa baydeayda, Aseetta geanniida salgheang'da sean,

2 Goriinto 11:31

Aseetta was Bwaabwa Ng'uttamiideanya was Yeesu, ninnyeeda ghayi sibadiischeesa ea ghoaw damanda manda mudeanooda, ghwanal gideaba mearukuni ng'uyyeega.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

2 Goriinto 5:21

Appadahuukkaasa geanung' ghoaw niny ring'eeda nea niny ea mwanala ring'eeda, ak abeeda aba niny geahuuyi doobiiwnatta Aseetta.

Galattiya 3:9

Nea fukka mideawa masaweegean, gajeattaw ghawooda gawuurji Abrahaamooda mideawa masaweega.

Efeeso 1:10

ak goguuyi haleanjeessean aba niny, haleanjeeda mida humng'eeda ea gea mida badayda ng'eanyiida.

Efeeso 1:17

ak abeeda Aseetta Ng'uttamiideanya was Yeesu Gristo, Bwaabwa gigheambiitta, gagasa gagooneegwa gurooroodaannyi bea weaghuumeeda ea dea gidaheechta jea analana niny,

Efeeso 1:20

ghayi ahiit aba jeeda Gristo damanda aduunna jeeda miyeeda, ak ghwanung' goopteada aba geattindaannyi bea dugwa aba daroorakka humng'eeda,

Efeeso 2:6

ak goodunneasa sea niny ak ghwanung eepiitpiida sea niny aba jeeda ng'eanyiida guroorooda, aba jeeda Gristo Yeesu,

Efeeso 3:10

ak aba naweeda ganiisa abeeda weaghumeeda Aseetta meammu ettean abeeda ghwanal sugoodiga ea gheambalmeeda aba jeeda daroorakka humng'eeda.

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Filippi 2:11

ak gaygaba siisi rukuna ghuutaannyi gideaba Yeesu Gristo Ng'uttamiida gil, aba gigheambiitta Aseetta was Ghweanda.

Ebraniya 8:5

Gwasin gida uurji diitta was jirooneeda haleanjeeda ghaydidi mida humng'eedean; aba gideaba damanda ramagu gwasin Muusa maheemajeanda, ghoadoabiiw Aseetta, nea gwayeeshsha, “Sikteawana gideaba gisni haleanjeessean gawuurji gidaghayi sihhimdaayda aba uhuuda gijeeda.”

Ebraniya 9:23

Ak ghwadoabiiw gideaba haleanjeeda uurji gea humng'eeda gideaba geammiidu aba naweani, nea haleanjeeda humng'eeda geammiinna lukghumajeega miyaas mawuurji suu.

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,