Efeeso 1:21 - NEAJEEDA EESH BEA BUUNEESSEAN

²¹ hean goombal fuga ambaliischi sean ea gheambalmeeda ea uurda ea sugoochcheandumeeda, ak ghang'attaawa gheawunga sean ghayi sing'at, ak ea mii aba seaygeeni gil eara diitta jea ghwahiduun;

Bibliyeeda Ghaydit

²¹ hean goombal fuga ambaliischi sean ea gheambalmeeda ea uurda ea sugoocheanduumeeda, ak ghang'ataawa gheawunga sean ghayi sing'at, ak ea mii aba seaygeeni gil eara diita jea ghwahiduun;

Efeeso 1:21 Mawu Ofanana

Mattayo 12:32

Amaduw gichcha siida jea gwarukuna ng'asheanda muy badayda Balleanda Siida gajeesamsa, dukku siitta jea gwargu ng'asheanda muy badayda Gurorooda Ghaydidiin, ea majeesamsa aba jeedeaba ng'eanyiini, ghana earaba ng'eanyiitta jea ghwahiiduunu.

Gadiyeeda Giijasoodiga 4:12

Ak ea manda lealeanooda aba hichpa siinnuut, aba gideaba manda gheawun suuk hing'eadayda humng'eeda ghayi siittaw buuneeda jea gwalealneasa.”

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 3:10

ak aba naweeda ganiisa abeeda weaghumeeda Aseetta meammu ettean abeeda ghwanal sugoodiga ea gheambalmeeda aba jeeda daroorakka humng'eeda.

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Golosaayi 2:10

Ak agooga eanoonyaschi eaweega hidaat appadaydeaba niny, nea niny ahaweewa fuga ahaaghwa ng'eanyiida ea gea ambalischi.

Golosaayi 2:15

Ak ghoareat fuga mideawa uurda gheambalmeeda dabitta ng'uchcheeda ak geanu ghoaw gichchea eahhiimda aba eeshpwara aba saawa, ak gahoosan appadahuukka nyaawa.

Ebraniya 1:4

Ak ea sunung' gwaheedu ea ghoadaraam malaykajeega aba gideaba gheawunga ninyas ahaweewa ea ghang'al gaanyaawa.

Ebraniya 2:5

Aba gideaba Aseetta moadawa malaykajeega ng'eanyiida jea ghwahidu, was dea sibalooli.

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

1 Betro 3:22

nea niny eanuwa humng'eeda ak gwanda meatkweeda geattinda dugwa bea Aseetta, sea malaykajeega, ea gheambalmeeda, ea uurda ak gagadiyeesa niny.