Efeeso 1:18 - NEAJEEDA EESH BEA BUUNEESSEAN

¹⁸ Gheanyanga mida jeesingeagwa gagasa eayyeat, ak ghoanalli rarooda gidaguurdeaydaneegwa giduurji, ea meanang'oochcheandumeadaannyi ea giigheambiitta hearaniischoodaannyi aba heeda fuga ghaydidi,

Bibliyeeda Ghaydit

¹⁸ Gheanyanga mida jeesingeagwa gagasa eayeat, ak ghoanali rarooda gidaguurdeaydaneegwa giduurji, ea meanang'oocheanduumeadaanyi ea giigheambiita hearaniischoadaanyi aba heeda fuga ghaydidi,

Efeeso 1:18 Mawu Ofanana

Mattayo 13:15

Aba gideaba guroruunatkeaba fiisu nidurmaniidi, nea iidiga nyaawa ea mayiingshi muuchchi, ak ea niiluulan gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak gwajeeng'u aba guroruunatka nyaawa, ak gwayamsean geat ak ghaahaapchi.’

Marko 10:17

Ng'eat Yeesu nea gaygawa bareannyeakkaaschi, gafaju sih ama hidu gwatkuy aba madeadaannyi ak gwayeeshsha, “Ea Ginealshoochcheanda waam, akkaydasin naaha ijadanyas eaweega manda mudeanooda?”

Lukka 24:45

Ng'atta ghwajaat fughareenga nyaawa ghwanal ng'ooruutka.

Gadiyeeda Giijasoodiga 16:14

Abeeda gwanda gatmoanagi aleeyseasa iit suguura Lidiya, leabu mujiineeda Diyattira, nea gwasheahhiida hang'weakka oomng'i, haw sheayeat ak gabada Aseetta. Hean ghwajaat Ng'uttamiida guroroadaannyi goleeysiit muuchchi ng'asheega rugu Baulo.

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Ruumi 11:29

Haleanjeeda sugu ea guurnooda moammu ghwayamwa.

Ruumi 2:4

Ghana ang'iing'i irari nga'sheega baruureega aba ng'eenindaannyi ea gidamajeekta ea riyeang'deayda? Ak ea minali gideaba ng'eeninda Aseetta gayghoadoabiiwnyi ea ghoahiittaneey jeeda dukkunooda?

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Galattiya 5:5

Aba gideaba aba gurorooda aba naweeda masaweega geammuughu gissirarji aba doobiiwnatta.

Efeeso 1:11

Aba niny, aba gitta gassiida ninyiin was dea ahiit haleanjeessean aba gitta gassiidean,

Efeeso 1:7

Aba niny geendeawi ghuhooda aba foojeandaannyi, was samsiinda ring'eeda, aba gitteenna dagheerjeandumeadaannyi.

Efeeso 2:12

oapkaada gideaba eara agooga aba damandida sihheellaneegwa sea Gristo, ak geehheelaneegwa sea emeeda Israeeli, ak goowoschi rabasta neajeeda heelleessiindida, ak ea mondeawani gidoararji nea manda Aseetta jeeda ng'eanyiida.

Efeeso 3:16

hean abeeda aba gitteenna meanang'oocheandumeeda gigheambiittaannyi gwadeeppa gagooneegwa gimajeekta ea uurda aba naweeda Guroroadaannyi aba siideaba jih,

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

Efeeso 4:1

Asi aniini, geawoschi siida ghealooniga appadayda Ng'uttamiida, geamuscheegwa gideaba oattoabiiwa eaweega deeschi sea gurnooda ghayi suguurneegwa,

Efeeso 4:4

Saseeda aagi, ea Guroroonagi, gidaghayi siguursiindaneegwa,

Efeeso 5:8

aba gideaba ghayi agooga gowoschi misaneeda, ak ghamneawa gowoschi weeshinda aba jeeda Ng'uttamiida; asi abeada diibiga weeshinda

Filippi 3:14

Geamajeekchi beatta dagal heeda gidabuurbuuji jea danyasa gimear jea gwaleabu gurnooda leabu heettiyeada bea Aseetta aba jeeda Gristo Yeesu.

Golosaayi 1:12

nea goobadischeesi Bwaabwa nung' eammuusa eanyasa gheatta hearaniischooda sea fugaaschi ghaydidi aba jeeda weeshinda.

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

Golosaayi 1:27

Aba jeannyaawa ghwaloat Aseetta ak ghwang' ghwanal Emoojiga gitteenna hawunda meanang'oochcheandumeeda ea makcheameeda gheambalmeadaannyi was Gristoyda mida jeedeang'wa, was rarooda gigheambiitta.

Golosaayi 1:5

aba gideaba gidoararji jea egooneegwa aba hoowa bea humng'eedean. Aba ng'asheanda noobay ayiinya ammwadi aba jeeda giijasta miy bea huumwaan,

Golosaayi 2:2

abeeda geemmajeek guroruunatka nyaawa, nea gaguuyi aba barinyeega, ak ghwanyas meanang'oochcheandumeeda sean bea huumwa, ak ghwanal makcheameetta bea Aseetta was Gristohiin,

Golosaayi 3:15

Ak ghoanung' goombalischi hoyyoo Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.

1 Desaloniikke 2:12

ak ghoabeadi gidahaguuwdaneegwa aba madeeda Aseetta, ghayi guurneegwa agooga ak abeeda goweayi jeeda sugoochcheandumeadaannyi ea gigheambiittaannyi.

1 Desaloniikke 5:8

Duukku, aseasa deesuwooseewi fuga askwearda, gagasa endeawana gheadeenda, nea geediinyi daghanuunatkaasa igeambooda masaweega ea bariinyeega, nea nngoofanjeandeanya bea gharinyeanda gagasa eanung' ghoaw rarooda jea gweadu lealeanooda.

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

2 Desaloniikke 2:16

Nea abeeda Ng'uttamiideanya was Yeesu Gristo niny, ea Aseetta was Ghweandeanya, ghayi bwariinyeasa ak gageandeawaneasa salgheang'da ea ghoaw eaweega mammuudeana ea gidamiy sirarji aba jeeda dagheerjeandumeeda,

1 Dimotteo 6:12

Ng'uchcheena muuchchi ng'uchcheedida bea masaweegean, ang'ng'waanya eaweegiga manda mudeanooda ghayi suguurnaneeyiin, ak gimuuwwu muuwwunooda miy aba madeeda muushoodiga saang'a.

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

Ditto 3:7

ak abeeda gegoaneasa doobiiwnatta aba dagheerjeandumeedaannyi ak geararji hearanda eaweega manda muudeanooda.

Ebraniya 10:32

Asi apkaada askwearjoojiga ghayi bea mwadi damanda sippwaanyaneey, hean ghoarjeang'di ng'uchcheeda ng'waan ea sawanadeeda,

Ebraniya 6:4

Ak ahang'waay gideaba gaynung' gwaduukkuuna fukka ghayi nidaah weeshinda ammwadiin, fukghayi siittaw gimearda Gurorooda Ghaydit,

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,

1 Betro 3:9

Adowalliideawi ng'asheanda muy dea muy ghana ging'weakka ea ging'weakka; ghang'wana gidawi ghawooda, aba gideaba geeguurneey appadaydeaba ng'asheanji, ak abeeda ginyasi ghawooda.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.