Ebraniya 8:3 - NEAJEEDA EESH BEA BUUNEESSEAN

³ Aba gideaba giliwas ashoohoochcheanda haw iissa gealoat ghoadayda haleanjeeda ea lukghumajeega; nea eara ashoohoochcheanda gammiisa gideaba gaygwandeawa gichchea ghoadayda.

Bibliyeeda Ghaydit

³ Aba gideaba giliwas ashoohoocheanda haw iissa gealoat ghoadayda haleanjeeda ea lukghumajeega; nea eara ashoohoocheanda gammiisa gideaba gaygwandeawa gichea ghoadayda.

Ebraniya 8:3 Mawu Ofanana

Yohaana 6:51

Aniini geawoschi mukkatteyda eaweega rarang'aana humng'eeda; siida wassean iiyak mukkatteheani, gayghwashng'u eaweega manda mudeanooda; nea mukkatteyda jea daadaw appadayda eaweega ng'eanyiida ea sasedeanyu.”

Ruumi 4:25

ak geenuus aba gidiinyeannyeakkaasa ak gooduudu ak geenyaschi doobiiwnatta.

Ruumi 5:6

Aba gideaba damandida meendeawani uurdean, iiduw nea ghwahitta damanda ghami Gristo appadahuukka fuga munyas.

Ruumi 5:8

Iiduw aniihiimu Aseetta bariinyeagaaschi niny nea gaba geaw appadahuukkaasa aseasa aba gideaba Gristo ghami appadahuukkaasa nea abeeda ea gudeebeaha riing'a.

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Ebraniya 2:17

Asi gajeenung' gawuurji sea fuga duupchi aba gheatkweakka sean, ak abeeda ghoaw siida bayyiida buuneeda ea dea doabiiwaat was ashoohoochcheanda haw bea gadiyeeda Aseetta, ak gaygohuun ring'eeda buuneeda.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

Ebraniya 5:1

Aba gideaba gilinyoo ea ashoohoochcheanda haw siloat aba jeeda buuneeda gealoat gwasin gadiyeeda aba hoorgeeda buuneeda aba giduupcheeda sea Aseetta, ak ghoadayda haleanjeeda ea haleanjeeda lukghumajeega appadayda ring'eeda.

Ebraniya 7:27

Niny manda gidagasa, mawuurji ashoohoodikka heesiin, iissa ghoadayda lukghumajeega galeagasean, iissa ghanyi ghoadayda appadayda ring'eegaaschi niny amaduw ghoadayda geaw.

Ebraniya 8:4

Inyeeda gwachchi gwanda badayda ng'eanyiida, ea mayghoaw ashoohoochcheanda eara hay, nea gwanda ashoohoodiga adayyiida haleanjeeda aba ginnyaashta deaweeda.

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.