Ebraniya 1:3 - NEAJEEDA EESH BEA BUUNEESSEAN

³ Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Bibliyeeda Ghaydit

³ Aba gideaba niny ghoahiimu weeshinda giigheambiita ASEETA nea gwandeawa giirooraneeda ea seareadaanyi, ak ghwasar ng'eanyiida aba ng'asheandaanyi mideawa uurda. Iing'ata nea nisin giimiinnooda riing'eeda, hean goopteada aba meatkweeda geatinda dugwa bea ASEETA was Ng'utamiida aba hoowa bea dea daliiliin.

Ebraniya 1:3 Mawu Ofanana

Mattayo 22:24

nea gwayeeshsha, “Giinealshoochcheanda, ghayi gwayi Muusa, ‘Siida iimeah, nea mwoabuuda diibiga, gayghaghi masiing'eandida ittannyiin oorjeeda ghaamwat, ak gwanyaksa oorjeeda ghaamwat diibiga.

Marko 16:19

Iiduw Ng'uttamiida was Yeesu gobalool saawa amahit, geanung' gawa humng'eeda gobiida meatkweeda geattinda dugwa bea Aseetta.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Yohaana 1:29

Muchchu ghwadaa Yeesu nea ghwaan headaannyi ak gwayeeshsha, “Ngulla Dayeenda Gisilleanda bea Aseetta jea gageanda ring'eeda jeeda ng'eanyiida!

Yohaana 1:4

Jeadaannyi gwanda eaweega, nea eaweesu ea weeshinda buuneeda.

Gadiyeeda Giijasoodiga 2:33

Nea geettiing'da ea ghwahitta meatkweeda geattinda dugwa bea Aseetta, iiduw nea ninyas aba heeda Bwaabwa helleesiinda Gurorooda Ghaydit, ng'atta goodalealsa gitta oadaayi nea ghoayiinnyiin.

Gadiyeeda Giijasoodiga 7:56

Ak gwayi, “Ang'ulla, ghaadaayi humng'eeda nea ghwajaada, nea Balleanda Siida ghamiinaada aba meatkweeda geattinda dugwa bea Aseetta.”

Ruumi 1:16

Aba gideaba maydabwaspwas aba Giijasta Miy, ba gideaba uurda Aseetta gil dea eadu lealeanooda aba heeda siida wassean mideawa masaweega, heeda siida Yahuudi ammadeeda ak gabassa siida Yunaani.

Ruumi 8:34

gaygoorgweakseegwa ng'eaha? Gristo Yeesu gil, ghayi meah, huumwa, ak gwaduunna miyeeda, ak gwanda geattinda dugwa bea Aseetta, amaduw gamusiischoaweasa?

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Golosaayi 3:1

Asi agooga isittunneegwa sea Gristo, asi agassa haleanjeeda mida humng'eeda hooweanji mida Gristoohiin, niny nipteada aba geattinda dugwa bea Aseetta.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Ebraniya 1:13

Ak ea niyeeshsha ana malaykajean, “Apteada aba meatkweeda geattindeanyu bea dugwa, ea dayiin weajoodigaagu ghoaw hoorgeeda geeshangaagu?”

Ebraniya 10:12

Nea Gristo iyadayda nibwagi lukghumeeda aba ring'eega, hean goopteada aba meatkweeda geattinda dugwa bea Aseetta,

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

Ebraniya 7:27

Niny manda gidagasa, mawuurji ashoohoodikka heesiin, iissa ghoadayda lukghumajeega galeagasean, iissa ghanyi ghoadayda appadayda ring'eegaaschi niny amaduw ghoadayda geaw.

Ebraniya 8:1

Asi ghamneawa huumeanda surgu nihi: geendeawi ashoohoochcheanda haw uurjunu, siida apteada aba meatkweeda geattinda dugwa bea hoorgeeda sugoochcheandumeeda Aseetta was Ng'uttamiida aba humng'eeda,

Ebraniya 9:16

Nea heeda mida hearaniischooda, abeeda miyeeda siida ghayi sin gayghang'eat ghuutta.

Ebraniya 9:26

aba sareani gwachchi gaygabiikkiida jeeda sawanateeda ghang'eada dea ghayi sisna sindeetta ng'eanyiida. Ak aba nii, ghwahidu nibwagi aba mudeanooda damanda ak gageanda ring'eeda aba gidaydeaydeaba geaw ghoaw lukghumeadaannyi.

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

1 Betro 3:22

nea niny eanuwa humng'eeda ak gwanda meatkweeda geattinda dugwa bea Aseetta, sea malaykajeega, ea gheambalmeeda, ea uurda ak gagadiyeesa niny.

2 Betro 1:16

Aba gideaba meayaadi geeshta ghwasiildeanga sisna milmilinda damanda sinung' anala uurda ea hinnooda Ng'uttamiideanya was Yeesu Gristo, geewoschi muushoodiga daa aba gheanyanga uurdaannyi.

2 Betro 1:17

Nea aba damanda nyasa mureeda ea gigheambiitta aba heeda Aseetta was Bwaabwa ak ghwanya ghuutta leabu heeda dea mideawa uurda gigheambiitta, “Nii Balleandeanyu abwariinnyi, ahoosanana muuchchi,”

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

1 Yohaana 3:5

Nea ghoanalli gideaba niny ghwaan gageanda riing'eega, nea niny jeadaannyi ea manda riing'eeda.

Yuuda 1:25

heeda Aseetta bwageaw, lealnoochcheandeanya aba naweeda Yeesu Gristoyda was Ng'uttamiideanya, daba gigheambiitta niny, ea hawunda, ea sugoochcheandumeeda, ea gheambalmeeda, dea ghayi ng'eada garayi, ea ghoaw ghamneawa, ea ghoaw damanda manda muudeanooda. Amin.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

Giidaheechta 4:11

“Ng'uttamiideanya was Aseetta gammiiseey ang'iing'i gigheambiitta ea mureeda ea uurda, aba gideaba ghayi gisni haleanjeessean, nea aba gidigassiidi gisni ak goobiida.”