Ditto 2:14 - NEAJEEDA EESH BEA BUUNEESSEAN

¹⁴ nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Bibliyeeda Ghaydit

¹⁴ nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ditto 2:14 Mawu Ofanana

Mattayo 1:21

Gaygwaji balleanda ak gayguureewana ghawungaaschi Yeesu, aba gideaba niny gaygwalealu buuneadaannyi aba jeeda riing'eega nyaawa.”

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Mattayo 3:12

Niny gidaannyi alleeliida gwanda geattindaannyi, ak gaygoobuus muuchchi bugharjeandaannyi, ak gooweamsa nganoadaannyi gijigooda, nea looyda gayghaghwarda aba beesta maygamis.”

Yohaana 10:15

gidanaldanaan Bwaabwa, ghaanalli Bwaabwa; aniini ghaghaashti eaweegeasu appadahuukka gisilga.

Yohaana 6:51

Aniini geawoschi mukkatteyda eaweega rarang'aana humng'eeda; siida wassean iiyak mukkatteheani, gayghwashng'u eaweega manda mudeanooda; nea mukkatteyda jea daadaw appadayda eaweega ng'eanyiida ea sasedeanyu.”

Gadiyeeda Giijasoodiga 15:14

Simon ghwasaan nea nirgu gidaghayi deaptaayda Aseetta fuga Emoojiga, ak ghwaloat fiisu ng'ay aba jeannyaawa ghoaw fugaaschi. Ak aba nii ghamwas ng'asheega sibanga, gawuurji gissung'waarda.

Gadiyeeda Giijasoodiga 15:9

ak ea masna shiitmeeda aba aseasa ea saawa, ak goohuun guroruunatka nyaawa aba masaweega.

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Gadiyeeda Giijasoodiga 9:36

Abeeda gwanda ng'eanyiida Yoppa ginealaneeni suguura gheawungaaschi Dabitta, nea gideaba Dorkas gil. Abeeda gwasna gadiyoojiga ninyas nea gaweeda buuneeda.

Galattiya 1:4

nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Galattiya 3:13

Gristo goottinnaneasa jeeda mooshteayda deaweeda, aba gideaba niny sumwaashta aba badahuukkaasa aba gideaba gwayi Ng'ooruutka, “Sumwaashta gilinyoo ea sii gil siratta aba uhuuda geetta,”

Efeeso 1:11

Aba niny, aba gitta gassiida ninyiin was dea ahiit haleanjeessean aba gitta gassiidean,

Efeeso 2:10

Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

1 Dimotteo 1:15

Ng'asheanji huumwa gil, ak gamiisa masooda muuchi gideaba Gristo Yeesu ghwahidu munda ng'eanyiida gwalealu fuga ring'eega, ak siida madeeda aba jeedeaba fiisu ea aniini.

1 Dimotteo 2:10

Ak suulga nyaawa gidabal ea gibinda nyaawa miy gil aba gideaba nii gidamiisa gadeemga awali Aseetta.

1 Dimotteo 2:6

nini gabeagu eaweegaaschi nea gabwageaw ak ghoaw siida jea goottin buuneessean, ak gajeemuuwwu aba damandaanyi.

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Ditto 2:7

Ahiimda geaw aba mureeda sean eadaa ormeeda gadiyoojiga miyaas, nea aba ginealshoodaang'u gihiimu seareeda miy, ea gideeneadayda,

Ditto 3:8

Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Ebraniya 10:24

ak geanalli gichchea eanung' gabarinnyiida geat buuneeda ea gadiyoojiga miyaas,

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.

Yakkobo 4:8

Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

1 Betro 1:18

Agooga ghoanalli gideaba leendeedeagwa meawalda aba haleanjeeda ghayi ohearannyi aba ghweanigeagwa, nea mii aba haleanjeeda jea ghwadattassa gil uurji lappiya ghana lagheanga meangmeang'i,

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

1 Betro 2:12

Andeawana searoojiga miyaas aba jeeda Emoojiga, aba gideaba iisinapsa badahuukkeang'wa ng'uyyeega gideaba goosinnyi ng'asheega munyas, hean iing'ula sinaweegeagwa miyaas ghoaghaambiit Aseetta eaweeda jea ghwahinna.

1 Betro 2:9

Nea agooga goowoschi emeeda siloat, ashoohoochcheandumeeda ambaliischi, emeeda ghaydidi, was fuga Aseetta, ak abeeda goorukkwiidi sinaweagaaschi deamdeameadi was dea guurneegwa arinnana jeeda misaneeda ak gooweayi jeeda weeshindaannyi haw.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

1 Yohaana 1:9

Nea isidukkuni ring'eagaasa, niny awaam nea doabiiwaat, ak gaygwasamsa ring'eagaasa, ak gohuuneasa aba haleanjeessean mwadoabiiwa.

1 Yohaana 3:2

Oorjooga abwariinnyi, asi ghamneawa suwoschi diibiga Aseetta; ak ea miighwadaajiit gichchea ewuurjeewana, ak geanalli gideaba ihidu gajeewuurjeewana niny, aba gideaba gajeadaaha giduurji.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 5:9

hean gwasarman sarmeedeesh, nea gwayi, “Gammiiseey ang'iing'i geannooda gittaabu ak giittin giiroorangaaschi, aba gideaba ghayi gealach ghaattaang'u nea aba foojandaang'u giidaydi leadeeda buuneeda aba heeda Aseetta aba giliwas eamwa ea iitta ea buuneeda ea ng'eanyiida,