2 Goriinto 9:2 - NEAJEEDA EESH BEA BUUNEESSEAN

² aba gideaba ghaanalli gidowosti hidaat, ak ghaaghwari geaw appadahuukkeagwa aba heeda fuga Makkedoniya, nea gideaba fuga Akkaya ahidaat ghang'eada nndeara; iiduw gidoogasayi eanimajeek fuga saang'a mwaatkwa.

Bibliyeeda Ghaydit

² aba gideaba ghaanali gidoowoosti hidaat, ak ghaaghwari geaw aba badahuukeagwa aba heeda fuga Makedoniya, nea gideaba fuga Akaya ea hidaat ghang'eada indeara; iidu gidoogasayi ea niimajeek fuga saang'a mwaatkwa.

2 Goriinto 9:2 Mawu Ofanana

Gadiyeeda Giijasoodiga 18:12

Ak damanda waseewa Galiyo sugoochcheanda ahaghwa ng'eanyiida Akkaya, gaguuyi fuga Yahuudi ak gang'eessa Baulo ak geayaat gheeda sirgweachcha,

Gadiyeeda Giijasoodiga 24:17

Iing'atta gweanyeekka saang'a ghawunnyi deassa fuga emeedeanyu haleanjeeda sisappa geadi bea ghadooweeda ea gujaweeda.

Ruumi 15:26

Aba gideaba gahaguuw fuga Makkedoniya ea gea Akkaaya ghoawaam gujaweeda aba weetta fuga ghaydidi mida hoowa bea Yerusaleemu biissa ea barbariin;

1 Goriinto 16:15

Asi ghamneawa, fuga eaduupcheewi, agooga ghoanalli gideaba gheah Stefaano fuga madeeda gil asheeda gwayamu geat aba ng'eanyiida Akkayahi, ak ea niidayda geat aba gadiyeesiinda fuga ghaydidi;

2 Goriinto 1:1

Baulo, was giijasoochcheanda Gristo Yeesu aba gidabwariiyda Aseetta, ea Dimotteoyda was orjeediyya. Heeda ganiiseeda Aseetta mida Goriinto, sea fuga ghaydidi sean mida jeeda ng'eanyiida sean bea Akkaaya:

2 Goriinto 7:14

Aba gideaba iyaaghwarji geaw aba madeadaannyi aba ng'asheanda wassean appadahuukkeagwa, ea maydabwaspwas; gaygawuurji haleanjeesean surukuneegwa huumwa gil, ak eara ghwaroodeang'wa bea geat ammadeeda Ditto ea niiw huumwa.

2 Goriinto 7:4

Ak geandeawi muraneandumeeda haw appadahuukkeagwa; ak gaydaghwar geaw muuchchi appadahuukkeagwa; ak ea naanyaschi hawdeayda. Earaba sawanaduutkaasa, aniini geahoosannyi muuchchi.

2 Goriinto 8:10

Nea appadaydeaba ng'asheanji gadagooneegwa badiida: ghwahit muuchchi ghamneawa aba heedeang'wa gihiitteaba gitta gweayda heetta ng'attaan ak ea meakghusa sinooda gibwadi gassooda,

2 Goriinto 8:11

asi aba gidowosti hidaat aba gidoogassiidi gagasa gweatteayyi sea gidoahhiitti aba jeeda haleanjeeda ondeawi.

2 Goriinto 8:19

ak ameakghusa nii akghwahit, niny ghwaloat ganiisajeega ak geanung' etteayeewana damanda sibeawi eesnanaa gadiyeedeanya bea bariinyeega, aba gigheambiitta Ng'uttamiida ak ghoaw gwadeagooda gitta miy gasa jeesingaasaan.

2 Goriinto 8:24

Asi oahhiimda aba madeeda ganiisajeega, bariinyeegeagwa ea gissughwardi geat appadahuukkeagwa aba heedeaba fiisu.

2 Goriinto 8:8

Asi geargu ng'asheanji nea mii gideaba geagonnyi digheanda, geagasayi asikteawana aba dagheerjeandumeeda buuneeda suurja ak abeeda bariinyeegeagwa earada gaygaba huumwa.

1 Desaloniikke 1:7

hean ghoahuuyi gichchea eegala aba heeda buuneessean mideawa masaweega aba ng'eanyiida Makkedooniya, ea ng'eanyiida Akkaya.

Ebraniya 10:24

ak geanalli gichchea eanung' gabarinnyiida geat buuneeda ea gadiyoojiga miyaas,