2 Goriinto 7:4 - NEAJEEDA EESH BEA BUUNEESSEAN

⁴ Ak geandeawi muraneandumeeda haw appadahuukkeagwa; ak gaydaghwar geaw muuchchi appadahuukkeagwa; ak ea naanyaschi hawdeayda. Earaba sawanaduutkaasa, aniini geahoosannyi muuchchi.

Bibliyeeda Ghaydit

⁴ Ak geandeawi muraneanduumeeda haw aba badahuukeagwa; ak gaydaghwar geaw muuchi aba badahuukeagwa; ak ea naanyaschi hawdeayda. Eara aba sawanaduutkaasa, aniini geahoosanyi muuchi.

2 Goriinto 7:4 Mawu Ofanana

Gadiyeeda Giijasoodiga 5:41

Gwaritta ak ghang'amwa madeeda girgweageeda, nea gahoosan aba gideaba gamiissa sawanadeeda aba gheawunga Yeesu.

Ruumi 5:3

Ameakghusa nii, aseasa geehoosannyi aba jeeda sawanaduutkaasa, nea geanalli gideaba sawanadeeda iissa gweadu milikghteayda,

1 Goriinto 1:4

Geabadiischeesi Aseetta galeagasean appadahuukkeagwa appadayda dagheerjeandumeeda Aseettaa ghayi sugooneegwa aba jeeda Gristo Yeesu,

2 Goriinto 1:14

gawuurji gitta oanaldi gilimwanang' ng'asheega mwaatkwaan, ak abeeda googwareessi appadahuukkaasa gawuurji gichche eebeaheattaneegwa aseasa aba eaweetta Ng'uttamiida was Yeesu.

2 Goriinto 1:4

geanniida salgheang'deanya sean ea sawanadeeda, ak abeeda geammuuschi earaseasa egeandeawana salgheang'da fukka mida jeeda sawanaduutka seaniin, aba salgheang'da geandeawaneasa Aseettean.

2 Goriinto 10:8

Earappeadi aghwarji geaw gilimwanang'iin aba gheambalmeeda sindeawi, ghayi goaneasa Ng'uttamiida ak abeeda gedeekneegwa nea mii gideaba gajeenyarjaneegwa, ghanyea majeappwaspwaasan.

2 Goriinto 11:21

Aba baspaseegeasu, gaydayi, aseasa geewoschi ng'arng'ari aba ng'asheanji! Nea gidawassean ghwara geaw siida gaydaammu earaniini gaydaghwara geaw, geabalooldi siittasha, earaniini gaydaammu daghwara geaw gitta.

2 Goriinto 2:14

Asi badiischeesiinda gammiisa Aseetta, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaannyi aba hiji wassean.

2 Goriinto 3:12

Ak iinukwa gendeawi rarooda, ng'asheanda uurjunu, ada abeeda gewoschi muranga,

2 Goriinto 7:14

Aba gideaba iyaaghwarji geaw aba madeadaannyi aba ng'asheanda wassean appadahuukkeagwa, ea maydabwaspwas; gaygawuurji haleanjeesean surukuneegwa huumwa gil, ak eara ghwaroodeang'wa bea geat ammadeeda Ditto ea niiw huumwa.

2 Goriinto 8:24

Asi oahhiimda aba madeeda ganiisajeega, bariinyeegeagwa ea gissughwardi geat appadahuukkeagwa aba heedeaba fiisu.

Filippi 1:14

nea oorjooga saang'a bea giyeanya ea sunung' ghamwas Ng'uttamiida aba ghealoonigeasu, ak ea ninyas muraneandumeeda muuchchi ak gwarukwiida ng'asheanda Aseetta nea mwabeala.

Filippi 1:20

ak ea gidaararji gil gideaba ghaaghuschi muuchchi ak ea maydabwaspwas earahay, ak geawoschi majeek gawuurji gideabeawoojusu ak ghamneawa gwasnu Gristo gajeesissa mureeda appadaydeanyu, inameayi ghana iduudanda.

Filippi 1:26

nea aba jeedeanyu gajanyasa gigheambiitta haw aba jeeda Gristo Yeesu, aba hinnoodeanyu bea heedeang'wa gichcha.

Filippi 2:17

Eara eayiinan uhuuda haleanjeeda sisappa geadi bea ghadooweeda appadayda masaweegeagwa, aniini geahoosannyi nea geang'weelayi sea agoogeeni seaniin.

Golosaayi 1:24

Ak ghamneawa geang'weelayi aba sawanadeeda anyaschi appadahuukkeagwa, nea aba saseedeanyu ghahiichchi giikka shoodaan aba sawanadeeda Gristo appadayda saseadaannyi, nea ea ganiisa,

1 Desaloniikke 2:19

Neada raroodeanya ea naaha ghana hooseaneega ghana shiipka jea daghwara geaw aba madeeda Ng'uttamiideanya was Yeesu aba hinnoadaannyi? Neada ea mii agoogea?

1 Desaloniikke 2:2

eara gwasa ning'atta sawanadeedeanya nea geappwaaspwaseasa aba Filippi, aba gidoanaldi, hean goomajeegeasa Aseetteanya ak gearukuneegwa giijasta miy bea Aseetta aba madeeda fuga eang'alealleewi.

2 Desaloniikke 1:4

Amaduw earaseasa ea sugwareesi appadahuukkeagwa aba jeesinga ganiisajeega Aseetta aba milikghteaydeang'wa ea masaweega ondeawi aba ghabasteang'wa sean sea sawanaduutka oamilikghti.

Filimoon 1:7

Aba gideaba naanyaschi hooseaneega muuchchi ea hawdeayda aba bariinyeegaagu oorjeediyya, aba gideaba guroruunatka fuga ghaydidi nihawda appadaydaang'u.

Yakkobo 1:2

Anung' ghoaw haleanjeessean hooseaneega, fuga eaduupcheewi, aba isisimsimeegwa aba gilakkil,