2 Goriinto 7:1 - NEAJEEDA EESH BEA BUUNEESSEAN

¹ Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Bibliyeeda Ghaydit

¹ Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

2 Goriinto 7:1 Mawu Ofanana

1 Desaloniikke 4:7

Aba gideaba Aseetta maguurneasa eppiidana jeeda ririnnyeanda was ng'asheega munyas, gagasa eppiidana jeeda ghaydidanda.

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.

Yakkobo 4:8

Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

1 Yohaana 3:3

Nea giliwas sih rar niny iissa ghoammiidu geaw gawuurji gidamiyda niny.

1 Desaloniikke 5:23

Gagasa ghoammiidu Aseetta mideawa weayda sasanuukkeagwa sean, nea gaba geaw; ak gagasa gahamiyaasiit gamiyeasiidi guroruunatkeagwa ea jeesingeagwa ak geemmajeek nea meerukunana badayda ng'asheega munyas aba damanda hinnooda Ng'uttamiideanya was Yeesu Gristo.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

1 Goriinto 6:20

Agooga geashaheagwa. Asi, oakghambiida Aseetta aba sasanuukkeagwa.

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

Ebraniya 4:1

Asi helleesiinda beatta jeeda giibindaannyi gwanda heeda, ak gidabal geabealli ak ea mwaramwasa sih aba jeedeang'wa ak geergweaksiina gideaba mwanyasa.

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

Mattayo 5:8

Ghang'wana fuga mideawa guroruunatka miyaas, aba gideaba gayghwahitta Aseetta.

1 Yohaana 1:9

Nea isidukkuni ring'eagaasa, niny awaam nea doabiiwaat, ak gaygwasamsa ring'eagaasa, ak gohuuneasa aba haleanjeessean mwadoabiiwa.

Efeeso 2:3

aba suu ghayi earaseasa sippiidi eesasean jeeda haleanjeeda gasa sasanuukkaasa, nea geayaachchi geeshta haleanjeeda gasa saseeda ea uhuuda, nea geebean eewosa diibiga nyarasta, ak geewuurjeewi fuga mwaatkwa.

Ruumi 5:20

Deaweeda ghwahidu ak gwaheedu gidinyeandida muuchchi, ammuchchu nea gwaheedu ring'eeda hean gwaheedu dagheerjeandumeeda ea ghwanaawda,

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

Ebraniya 12:28

Asi eahuuwa fuga mideawa badiischooda aba nyasooda sugoochcheandumeeda majeettuumduum, ak geattawji Aseetta ghadoowanda huumwa, aba mureeda ea mooshta ghawooda.

Ebraniya 12:23

ea heeda fuga bwat geat was gea sishsheeda eeji sung'oorsa gheawunga nyaawa humng'eeda, nea dea laja girgweaguutka ea Aseetta buuneessean i, ea heeda guroruunatka fuga doobiiweadi geemiyaas,

1 Desaloniikke 3:13

ak gomajeek guroruunatkeagwa ea meyeatteeweegwa ghuusi aba ghaydidanda aba madeeda Aseetteanya was Ghweanda, aba damanda jea ghwahinna Ng'uttamiideanya was Yeesu sea fugaaschi sean ghaydidi.

2 Goriinto 1:20

Aba gideaba helleesiinda sean bea Aseetta iissa ghwanyas Eah aba jeadaannyi. Nii gissurukkuuni Amin gil appadaydaannyi, aba gigheambiitta Aseetta.

Gadiyeeda Giijasoodiga 9:31

Iiduw ganiisa aba jeeda Yudeeyayda sean ea Galilaaya ea Samariya ghwanyas hoyyoo nea gedeegu; hean ghabeawa muuwda aba heeda Ng'uttamiida nea gageanda salagheang'da Gurorooda Ghaydit ak ghoahaada.

Mattayo 12:33

“Asna geetta ghammiidu ak ghamiyasiit eara haghweagaaschi, ghana anung'u gamunyiit geetta ak gamunyasiidi eara haghweagaaschi aba gideaba geetta geenalla haghweagaaschi.

Ebraniya 6:9

Asi earappeadi sibalooldunuun, aba badahuukkeagwa, fuga abwariinyi, geanalli muuchchi ng'asheega miyaas bea lealeanooda.

1 Betro 1:15

asi deaghayi guurneegwa aaghaydit, earagooga awosa ghaydidi aba giibindeang'wa sean;

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.