2 Goriinto 5:1 - NEAJEEDA EESH BEA BUUNEESSEAN

¹ Aba gideaba geanalli beadi udahabeascheanji itteanya bea hiji bea muunda ng'eanyiidean eaweeda sinyarjeawa, gendeawi gheeda leabu heeda Aseetta, gheeda meesnana geattinga, ghaydit manda mudeanooda mida humng'eeda.

Bibliyeeda Ghaydit

¹ Aba gideaba geanali beadi udahabeascheanji iteanya bea hiji bea muunda ng'eanyiidean eaweeda sinyarjeawa, geandeawi gheeda leabu heeda ASEETA, gheeda meesinana geatinga, ghaydit manda muudeanooda mida humng'eeda.

2 Goriinto 5:1 Mawu Ofanana

Marko 14:58

“Ghayi Siyiinyi siisi nea gwayeena, ‘Gaydanyarja Gheawi Sibatta Aseetta ghayi sideasa geattingean, ak aba jeemba eawooji samwagu gaydadeas nuut dea meesnana geattinga buuneeda.’”

Gadiyeeda Giijasoodiga 7:48

“Nea Aseetta haw ghanyea meabiitteena jeeda gheeda sideasa geattinga; gawuurji ginnyaashta sibaneeda,

1 Goriinto 3:9

Aba gideaba aseasa geewooschi fuga sin gadiyeeda Aseetta; agooga goowooschi madamnyeanda Aseetta, nea goowooschi gheeda Aseetta.

2 Goriinto 4:7

Asi aseasa geendeawi gheaseeda aba jeeda haleanjeeda sigeeda, ak ghoahiimu gideaba uuri hawiin gwaleabu heeda Aseetta nea maleapna heedeanya aseasa.

2 Goriinto 5:4

Nea damani duu eendana jeedeaba gheawiin, iissa gessiimi aba sawanadeeda; nea meakna gideaba majeekkwealeasa gil, gweagu gideaba gajeekkwealeasa muuchchi, ak abeeda gitta iissa ghamiin abeeda gayghwanukghta eaweega.

Golosaayi 2:11

Nea appadaydeaba niny earagooga siyaadeagwa ghasmeahooda aba ghasmeahooda meesnana geattinga, nea ghoanung'waadi ng'asheega saseeda aba ghasmeahooda Gristo,

2 Dimoteo 1:12

Ak aniini ghaanyaschi sawanadeeda appadaydeaba ng'asheesu ak geawoschi hidaat aba gideaba ghaanali ninyi dea amwaschi ak ghaanali gideaba ghwoamu gafur giita ghayi goonaniini bwak ea ghwahitta damandida.

Ebraniya 11:10

Aba gideaba gang'ula mwadi ghwadaa mujiineeda mideawa sindeetta, nea siida deas ea dea sin ea Aseetta gil.

Ebraniya 9:11

Iimuchchu nea ghwahidu Gristoyda was ashoohoochcheanda haw bea haleanjeeda miyaas jea ghwahidu, hean aba naweeda udahabeascheanda haw majeek (meesnana geattinga, nea maba badaydeaba ng'eanyiin)

Ebraniya 9:24

Aba gideaba Gristo nuwa jeeda, mii gideaba gawa heeda ghaydit sisna geattinga gil, niny gawuurji sea diitta bea huumwaan, niny gawa humng'eeda huumwa, ak ghamneawa ghwahidu nea gawuurji Aseetta appadahuukkaasa.

1 Betro 1:4

ak geanyaschi hearanda may ghwadattasa, mandeawana ririnnyeanda, nea mayghwasis, sighamwat aba humng'eeda appadahuukkeagwa,

2 Betro 3:11

Hean iinukwa gajeattaarda haleanjeessean, gammiisa gideaba gajawosa fuga uurjiin aba jeeda eaweega ea ghaydidanda ea munyinda,

1 Yohaana 3:14

Aseasa geanalli gideaba sisuuchchi miyeeda ak geeweayi jeeda eaweega, aba gideaba geabwariinyi fuga suduupcheewi. Nea damwabwariinya goobiida jeeda miyeeda.

1 Yohaana 3:19

Aba nii gajeanala gideaba geebeayi huumeanda, ak geesikteawi aba jeesingaasa aba madeadaannyi

1 Yohaana 3:2

Oorjooga abwariinnyi, asi ghamneawa suwoschi diibiga Aseetta; ak ea miighwadaajiit gichchea ewuurjeewana, ak geanalli gideaba ihidu gajeewuurjeewana niny, aba gideaba gajeadaaha giduurji.