2 Goriinto 4:4 - NEAJEEDA EESH BEA BUUNEESSEAN

⁴ Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Bibliyeeda Ghaydit

⁴ Aba sareani aseeteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa giigheambiita Gristo, nea niny gawuurji sea ASEETA.

2 Goriinto 4:4 Mawu Ofanana

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Yohaana 1:18

Manda siida nidaah Aseetta; Balleanda was haghasheeda, mideayi sea Bwaabwa, niny siida adaajiidi.

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

Yohaana 12:35

Gwayeeshsha Yeesu saawa, “Gudandeawana weeshinda gheadi nuwaas. Aneayeena hijiduandeawana weeshindean amwajooreagwa misaneeda; siida neayeewa jeeda misaneeda mwanala eara heeda gal.

Yohaana 12:40

“Ninung' gang'owiidi gheanyanga nyaawa, nea gahang'onyiidi jeesinga nyaawa, adaghwadaa aba gheanyanga nyaawa, nea gwajeeng'u aba jeesinga nyaawa, ak gwayamu geat ak ghahaapchi.”

Yohaana 12:45

Siida nidaahan aniini abeeda nidaah dea ajeaknean.

Yohaana 14:30

Maygutteabaloolaneegwa gichcha ng'asheega saang'a aba gideaba siida ahaaghwa ng'eanyiin gayghwaan. Aba heedeanyu niny moammu gil;

Yohaana 15:24

Inyeetta ea measissiini gadiyeeda dageascheeda nyaawa gadiyoojiga manda siida nisin, gwachchi ea maygwandeawa ring'eeda; ak ghamneawa anidaa ak ghwastan aniini ea Bwaabwa.

Yohaana 16:11

aba ng'asheega girgweaksiinda, aba gideaba siida ambaliischi bea ng'eanyiida sirgweaksa.

Yohaana 8:12

Gabiikta Yeesu gichcha gobalool saawa nea gwayeeshsha, “Aniini geawoschi weeshinda ng'eanyiida; siida eadu geeshteanyu maygwaneayeewa jeeda misaneeda, niny abeeda gaygwandeawa weeshinda eaweega.”

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Gadiyeeda Giijasoodiga 26:23

bea gideaba Gristo gayghwanyas sawanadeeda, ea gideaba niny ihuuw dea asheeda eattuuna miyeeda, gaygwarukkwiida iitta weeshinda aba heeda fugaaschi ea heeda fuga Emoojiga.”

1 Goriinto 10:20

Manda, geargu gideaba haleanjeetta sisappa geadi adayda fuga mandeawana masaweega ghoadaw meangeenda nea moadawa Aseetta. Ak ea meagassi aniini gideaba gajabareannyeewana meangeenda.

2 Goriinto 2:11

adaghwanyas Shattaani gheatta jea ghwanyagaadawa appadahuukkaasa; aba gideaba meewosi dasheahi aba gitta gasean.

2 Goriinto 2:12

Hean nea ghahitti Droa darukkwiida giijasta miy bea Gristo, ghwajaada gidaghuut aba heedeanyu aba heeda Ng'uttamiida;

2 Goriinto 3:11

Nea gitta suunyaan iyeadu gigheambiitta, abeeda gidajea ghwashng'u gaygwandeawa gigheambiitta haw muuchchi.

2 Goriinto 3:14

Iiduw fugheerga nyaawa geanung' gahang'oonyiidi; aba gideaba eara askweareani damanda sissoamwana neajeedeaba garayi, gili sikkwealliisa uhuudean gudugwanda heeda, geaghus egeanda iguuyi siida sea Gristo.

2 Goriinto 3:18

Hean aseasa eesasean, aba gheamamda meedukuta, ng'ulla gigheambiitta Ng'uttamiida, siyam gawuurji sea niny ghang'eada gigheambiitta ea gagul gigheambiitta; aba gideaba ng'asheanji gwaleabu heeda Ng'uttamiida was Gurorooda.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Galattiya 1:4

nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Filippi 2:6

earappeadi niny ghayi uurji sea Aseetta, ea mwanung' ghoaw gil uurjeatta bea Aseettean ak ghoaw gichchea ghoang'ng'waay.

Golosaayi 1:15

Nea niny geegala Aseetta miidaachi ak ea duweachcheeda gil aba haleanjeesean;

Golosaayi 1:27

Aba jeannyaawa ghwaloat Aseetta ak ghwang' ghwanal Emoojiga gitteenna hawunda meanang'oochcheandumeeda ea makcheameeda gheambalmeadaannyi was Gristoyda mida jeedeang'wa, was rarooda gigheambiitta.

1 Dimotteo 1:11

Ak gineashooni ea diitta ghayi sigoonan darukwiida Gijasta Miy bea badayda gigheambiita Aseetta diitta mideawa ghawoodean.

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Ebraniya 6:4

Ak ahang'waay gideaba gaynung' gwaduukkuuna fukka ghayi nidaah weeshinda ammwadiin, fukghayi siittaw gimearda Gurorooda Ghaydit,

2 Betro 1:19

Ak geendeawi muuchchi ng'asheanda siramoaran ak ghoaw huumwa. Ak gisni muuchchi nea gisikteawi ng'asheesu nea gawuurji gheaboonyaneeda yeat aba heeda misana, ea ghaghar gayeew ea gorearu ming'weanda muchchuunooda aba jeesinga guroruunatkeagwa.

1 Yohaana 2:11

Nea siida sit oorjeeda ghaamwat gwanda jeeda misaneeda ak gwaneayeewa jeeda misaneeda ak ea mwanala heeda gal, aba gideaba nidukuta gheanyangaaschi misaneeda.

1 Yohaana 2:8

Ak geang'oorneey digheandeesh bea huumwa aba jeadaannyi ea jeedeang'wa, aba gideaba misaneeda ning'atta ak ea niiboong'u weeshinda huumwa.

1 Yohaana 5:19

Aseasa geanalli gideaba geebeayi Aseetta, ak ng'eanyiissean goombal diitta muyiin.