2 Goriinto 2:7 - NEAJEEDA EESH BEA BUUNEESSEAN

⁷ hean ghang'wana giyami geaw ak gisamsi nea gigeandeawi salgheang'da, ghana gajiiduw ghwajoar giseaneega ng'waan muuchchi.

Bibliyeeda Ghaydit

⁷ hean ghang'wana giyami geaw ak gisamsi nea gigeandeawi salgheang'da, ghana gajiidu ghwajoar giiseaneega ng'waan muuchi.

2 Goriinto 2:7 Mawu Ofanana

1 Goriinto 15:54

Abeeda nii iissa ghamiin eaweetta jea gookkwealla saseeda mayghamiin, nea diitta meewean gookkwa dea mayghami, abeeda aba damani gaygwasa ng'asheanda ghayi sung'waar: “Miyeeda sijoar, ak ea nisa jooriischchooda.”

2 Goriinto 2:8

Ak geamuscheegwa gideaba ohhimsiina nea goommajeekchi bariinyeegeagwa aba headaannyi.

2 Goriinto 5:4

Nea damani duu eendana jeedeaba gheawiin, iissa gessiimi aba sawanadeeda; nea meakna gideaba majeekkwealeasa gil, gweagu gideaba gajeekkwealeasa muuchchi, ak abeeda gitta iissa ghamiin abeeda gayghwanukghta eaweega.

2 Goriinto 7:10

Aba gideaba giseaneega fuga bada Aseetta iissa gweadu dukkuunooda eadu lealeanooda ak ea manda gichchea ghwanung' giisana, nea giiseaneega muunda ng'eanyiida gaygweadu miyeeda.

Efeeso 4:32

asi awosa innyeani jeesin aba heedabuuneeda suurja, bayyiida buuneeda, sammiisa geat, gawuurji gidasamsiindaneegwa Aseetta aba jeeda Gristo.

Filippi 2:27

Aba huumwa ghamnyaan, ea ghwariikghta ghami. Iiduw ghabwayda Aseetta niny, ak ea meakghusa niny, earappadaydeanyu, amaduw ea moawa aba heedeanyu sawanadeeda naawda.

Golosaayi 3:13

daba siisi sar sareambwa nuut, nea goosammiisi geat, iimida siida nidiysa nuut, gawurji gidaghayi samsiindaneegwa Ng'uttamiida, ak gwasnu eara agooga asindunu.

1 Desaloniikke 4:13

Fuga eaduupcheewi asi aseasa meegassi amoanali gil, aba iitteaba fukka nimeewean, ak abeeda ea mogiisandani fuga mandeawana rarooda.

2 Desaloniikke 3:6

Fuga eaduupcheewi, geegoonnyeegwa digheanda, aba gheawunga Ng'uttamiida was Yeesu Gristo, ohhelleewana geat oorjeedagiyeang'wa wassean bea ghaleahu nea masna ng'asheega ghayi sing'ng'waanyaan heedeanya.