2 Goriinto 13:7 - NEAJEEDA EESH BEA BUUNEESSEAN

⁷ Iiduw geamoashchi Aseetta ea moosni ng'asheanda muy, mii gideaba geegasayi eadaheasa gideaba sismeasa gil, geegasayi asna ng'asheanda doabiiw, earappeadi suwuurjeewi aseasa fuga raay.

Bibliyeeda Ghaydit

⁷ Iidu geamoashchi ASEETA ea moosini ng'asheanda muy, mii gideaba geegasayi eadaheasa gideaba sisimeasa gil, geegasayi asina ng'asheanda doabiiw, earapeadi siwuurjeewi aseasa fuga raay.

2 Goriinto 13:7 Mawu Ofanana

Mattayo 6:13

Adigealleasa jeeda simsimda, ak gighuhaneasa gitta muyiin.

Yohaana 17:15

Aniini mwamwaashi gideaba geandeawana jeeda ng'eanyiida, geagasayi gideaba gayfura aba gitta muyiin.

Ruumi 1:28

Hean nea ghwadaa gideaba mwahida gideaba gayghamwas Aseetta, ghwanung'waada Aseetta gwasin searoojiga munyas gasa fugheerga nyaawa.

Ruumi 12:17

Iisimaneey siida ng'asheanda muy ea aduwaldaawi ng'asheanda muy, asna ng'asheega miyaas aba madeeda buuneeda.

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktumeeda, mii ng'asheega munyas gil ea hiseadayeandumeeda, mii jaliida gil ea lajoodeaba ghuut.

Ruumi 16:10

Oakghada Appeeleeyda was siida doabiiwaat aba jeeda Gristo. Ak gookeacheewi fuga gheeh Aristobulo.

1 Goriinto 11:19

aba gideaba jeedeang'wa ghaghanyi gwanda foolayda ak abeeda fuga sumwas aba heedeang'wean abeeda geanal.

2 Goriinto 10:10

Aba gideaba gwayeena, “Barawajeegaaschi eadurmani nea gwandeawa uurda nea saseadaannyi iimida hiji ea ng'arng'ar, nea eara girgweageadaannyi geefool.”

2 Goriinto 10:18

Aba gideaba mii siida gwarageawiini gil jea eamwas geaghus siitta jea ghaghwar Ng'uttamiidean.

2 Goriinto 13:6

Ak ghaararji gideaba gajanala gideaba aseasa miyearaanya.

2 Goriinto 13:8

Aba gideaba meammuusi eesna ng'asheanda wassean yamuuji sea huumeanda, geaghus eesna ng'asheanda was huumeanda.

2 Goriinto 13:9

Aba gideaba geehoosannyi isuwoschi ng'arng'ari ak gondeawi agooga uurda. Gissumwaashchi Aseetta gideaba gagasa amajeegiitta.

2 Goriinto 6:4

nea iisuwuurjeewi soomjooga Aseetta abeeda geaghwarji geat aba naweadinga sean, aba naweetta haw bea milkghteaydean, aba sawanaduutka, hang'ooynachcheekka habitkwajeega,

2 Goriinto 8:21

nea geeshsheedi ghanyi eapkaada ng'asheega miyaas, nea mii ammadeeda Ng'uttamiida gil akghwahit, earaba madeeda buuneeda.

Filippi 4:8

Asi oorjoogiyya gidahuydean jea otteemsheesiina nii, ng'asheega sean was gea huumwa, ea gea mideawa mureeda, ea gea doobiiweadi, ea gea miyaasi, ea gea subwariiyi, ea dagheerjeandumeeda iimida miyinda wassean, ghana giigheambiitta miy wassean, otteemsheesiina ng'asheesu.

1 Desaloniikke 5:23

Gagasa ghoammiidu Aseetta mideawa weayda sasanuukkeagwa sean, nea gaba geaw; ak gagasa gahamiyaasiit gamiyeasiidi guroruunatkeagwa ea jeesingeagwa ak geemmajeek nea meerukunana badayda ng'asheega munyas aba damanda hinnooda Ng'uttamiideanya was Yeesu Gristo.

1 Dimotteo 2:2

Amooriisiina sugoodiga ghawooda ea fuga hees sean mideawa gheambalmeeda, ak geanyaschi gibinda siippiit ng'eanyi ea hoyyooyda, ak geabwachchi Aseetta nea geepiidi naweeda miy.

2 Dimoteo 2:15

Milmiliida eadaanyi gideaba nimwasnyi Aseetta, siida gadiyeeda mwabwaspwasa aba gadiyeedaanyi, ak ginaali ng'asheanda huumwa aba gidamisiinda.

2 Dimoteo 4:18

Ak gaygwalealneani Ng'uttamiida aba ng'asheanda wassean muy, ak gayghaghamwadan ea dahitta gheambalmeedanyi bea humng'eeda. Gigheambiita daanyi gil ea ghwoaw eaweega manda mudeanooda. Amin.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

1 Betro 2:12

Andeawana searoojiga miyaas aba jeeda Emoojiga, aba gideaba iisinapsa badahuukkeang'wa ng'uyyeega gideaba goosinnyi ng'asheega munyas, hean iing'ula sinaweegeagwa miyaas ghoaghaambiit Aseetta eaweeda jea ghwahinna.