2 Goriinto 11:3 - NEAJEEDA EESH BEA BUUNEESSEAN

³ Iiduw ghabealli, gawuurji gidaghayi renganniida ichchibooda Haawa aba milmilandaannyi, gajeehutteawi fughareengeagwa ak ghoanung'waadi doobiiwnatta ea alooheeda Gristo.

Bibliyeeda Ghaydit

³ Iidu ghaabeali, gawuurji gidaghayi reenganiida ichibooda Hawa aba milmilandaanyi, gajeehuteawi fughareengeagwa ak ghoanung'waadi doobiiwnata ea alooheeda Gristo.

2 Goriinto 11:3 Mawu Ofanana

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

Ruumi 12:8

ea siida reekkwiisa buuneeda gil, aba jeeda reekusiindaannyi; ea siida adayyiida haleanjeeda, aba jeedeesh; ea siida weeda buuneeda mideawa doobiiwnatta; siida sina gadiyeeda baydeayda, biissa gahoosani.

2 Goriinto 1:12

Aba gideaba aseasa geaghwari geat ng'asheanji, nea gitta muuwwu fughareengaasaan gil ak ghoaw gissibeadi aba jeeda ng'eanyiida, ak gabiissa ghwaraanya muuchchi aba heedeang'wa, aba ghaydidanda ea baditta Aseetta bea huumwa, nea mii aba weaghumeeda ng'eanyiida gil geaghus aba dagheerjeandumeeda Aseetta.

2 Goriinto 11:20

Aba gideaba iissa ghoamilikghti eara siida nung' ahuuwa ging'ng'oonyanga ghana ghwanukghutaneegwa, ghana ghwanyagaadawaneegwa, ghana ghwayiineegwa heettiyeada, ghana ghwalas gheamamuunatkeagwa.

2 Goriinto 11:29

Ak ea ng'eaha gil siida ng'arng'ar, ak amwang'arng'ariidi aniini? Ak ea ng'eaha siida sinung' ghoabeada, ak amwanyareasi aniini?

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahhiida ng'asheanda Aseetta; gagasa ewuurjeewana fuga mideawa doobiiwnatta, was fuga adaw Aseetta gadiyeeda, aba madeeda Aseetta iissa geebaloolli appadayda Gristo.

2 Goriinto 4:2

Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

Galattiya 1:6

Aniini nihamwan ng'eanyi aba gidoobay anung'usiinda heeda dea ghayi guurneegwa aba jeeda dagheerjeandumeeda Gristo ak gooyamsi geat giijasta miy nuut,

Galattiya 2:4

Iiduw appadayda oorjoogiyya bea ng'uyyeega siyeanna makcheameeda, ahuudaan ak ghamwaal giibaldeanya bea geat aba jeeda Gristo Yeesu, ak gagasa ghwaadeasa jeeda soomjeandumeeda,

Galattiya 3:1

Ea fuga Galattiya dasheahi! Goong'ushooneegwa ng'eaha, Yeesu Gristo geala bwadaw ak geengoor aba eeshpwara aba madeedeabeang'a?

Galattiya 4:11

Aniini ghaabealli aba agooga ghaghanyi gideaba gadiyeeda easinnyi aba badahuukkeagwa niiw mwadaagha.

Efeeso 4:14

aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

Efeeso 4:22

Oappuuda searoojigeagwa bea garayi bea giibinda biissa eamuy aba haleanjeeda sigaseadayyi reengani fih,

Efeeso 6:24

Gagasa gagooneegwa Aseetta dagheerjeandumeeda sea Fuga sean bwariiy Ng'uttamiida was Yeesu Gristo, appariinyeega manda mudeanooda.

Golosaayi 2:18

Asi adaghaweadaneegwa sih gil, aba giimajeekta eatteaba geaw bea ng'eanyi ea ghadoowanda malaykajeega, nea ghamiinaada aba giidaheachchteaba geaw, nea ghaghwar geaw mwadaagha aba fughareadaannyi bea saseeda,

Golosaayi 2:4

Geargu nii aba gideaba adiiduw ghoamwaschi gwareenganeegwa siida aba ng'asheega ng'uyyeega.

Golosaayi 2:8

Asi ashageada adaghaghaseagwa siida ak gahuttaneegwa aba fughareedaannyi bea mwadaagha aba searoojikka bea buneedean, aba haleanjeedeaba garayi bea meangeenda mida jeeda ng'eanyiida nea mii dea Gristoohi.

1 Desaloniikke 3:5

Gwasnu earaniini aba damanda muttammuuseawa gichcha milikghteayda, geajeagu siida danal masaweegeagwa, aamwahinna siitta jea gwasmeegwean ak gwasmeegwa, amaduw gaba gadiyeedeanyu mwadaagha.

1 Dimotteo 1:3

Damanda ghayi eaweewi Makkedoniya geamuscheeyi gideaba abiidana Efeso. Ak eara ghamneawa geamuscheey aba gideaba gwanda fiisu anaal ginealshooda ng'uyyeega aghuuma fiisu.

1 Dimotteo 2:14

Ak Adam ea miyerengani geereengani gatmooda muuchi ak ghwabitta jeeda ramaseanda.

2 Dimoteo 3:13

Ak fuga munyasearooji ea gea ng'uyyeega gayghang'atta mwadi ak ghwaranya buuneeda nea eara saawa geereengani.

Ditto 1:10

Aba gideaba gwanda fuga saang'a manda mureeda, mideawa ng'asheega mwalooda gil, nea gwareengani buuneeda, nea ghwaranya gikka siyaat ghasmeahoodean,

Ebraniya 13:9

Adiiduw ghoayaachchi geeshta ng'asheega saang'a ea ginealshajeega hidu; aba gideaba ghwahit geemmajeek gurorooda aba dagheerjeandumeeda, nea mii aba hamichchoojiga gil, ak ea mwanyagaada aba gidaat geeshta.

2 Betro 3:17

Asi fugeasu aabwariinyi, iyoobean anala ng'asheesu ammwadi, asi afrageat, adaghwaadaneegwa ghaat giidiinyeannyeekkeaba fiisu, ak ghoanung'wi heeda giibindeang'wa majeek.

2 Betro 3:3

Gidamadeeda geagasayi anala ng'asheanji bea gideaba damanda huydean gay ghapka fuga bwariiy shikkooda nea gay gwashikeagwa, nea ghwaat geeshta gidagasa sasanuukka nyaawa

1 Yohaana 2:18

Diibiga, nii damanda huydeani; gawuurji gidaghayi oayiing'di bea gideaba gayghwahidu weajoochcheanda Gristo, ak eara ghamneawa ea goolla ghapka gea saang'a was weajoodiga Gristo; hean ghoaw gidasinali gideaba damanda huydeani.

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

Yuuda 1:4

Aba gideaba gheatta ninyas fuga mwaatkwa gaseadayyi aba makcheameeda ghang'eada garayi ak geegwalu aba girgweaksiinda, fuga maba aseetta hutteawi dagheerjeandumeeda Aseetteanya ak ghoabuutta jeeda hiseadayeandumeeda nea ghwashaang' Siideanya haw assakkalealla was Ng'uttamiida, Yeesu Gristo.

Giidaheechta 12:15

Hean gwarinna ghuutteaba ichchiboodida beega uurji gea enda, appadayda gatmootta, ak ghwanung' ghwaat guldeayda.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 20:2

Ak ghoang'ng'waay ichchibooda was ichchiboodida bea garayiin was meang'nyeandeenda ea Shattaani, ak ghwarada gweanyeew sagalama,