2 Goriinto 11:13 - NEAJEEDA EESH BEA BUUNEESSEAN

¹³ Aba gideaba fuga uurji suu giijasoodiga ng'uyyeega, nea iissa gwasin gadiyeeda aba rengaweega, fuga iissa ghwayamgeat ak gwasin geat giijasoodiga Gristo.

Bibliyeeda Ghaydit

¹³ Aba gideaba fuga uurji suh giijasoodiga ng'uyyeenya, nea iissa gwasin gadiyeeda aba reengaweega, fuga iissa ghwayam geat ak gwasin geat giijasoodiga Gristo.

2 Goriinto 11:13 Mawu Ofanana

Mattayo 25:24

“Ghwahidu siitta ghayi siittaw dalanteenagiin ak gwayeeshsha, ‘Siida haw, aniini ghanalli gideaba guwosi siida hang'waay, iissa gilaji heeda mihisani, ak giimughuushi aba heeda mileelsiini;

Gadiyeeda Giijasoodiga 15:1

Iiduw ghapka fiisu ng'ay leabu ng'eanyiida Yahuudi ak ghoanal fuga siduupcheewi, nea gwayeeshsha, “Imeayaadeagwa ghasmeahooda gawuurji gidaghayi bea deaweedeeda Muusa, abeetta ea majeelealneegwa.”

Gadiyeeda Giijasoodiga 15:24

Geeyiinyi gideaba gwanda fiisu ng'ay leabu ng'eang'deanya ak ghamwanmwaneagwa aba ng'asheega nyaawa, nea ghwanung' ea moapta ng'eanyi fughareengeagwa, nea ng'asheesu sin fiisuun ea meattawi aseasa,

Gadiyeeda Giijasoodiga 20:30

nea aba jeedeang'wa agooga gaygwarinna fuga jea gwargu ng'asheega ng'ooweatta, jea ghwanung' ghwaat ginealanga geeshta nyaawa.

Ruumi 16:18

Aba gideaba fuga sina ng'asheesu magadiyeesiina Ng'uttamiideanya was Gristo, saawa gagadiyeesa jeesinga nyaawa, nea gaba geat aba ng'asheega nyaawa bea ng'uyyeega iissa gwareengani guroruunatka fuga manang'i fughareeni.

2 Goriinto 11:15

Adabeeda ea mii ng'asheanda haw gil gideaba eara soomjoagaaschi earaga iissa ghwayam geat ak gawuurji soomjooga doobiiwnatta. Huydeanda nyaawa gaygawuurji sea gadiyoojiga nyaawa.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahhiida ng'asheanda Aseetta; gagasa ewuurjeewana fuga mideawa doobiiwnatta, was fuga adaw Aseetta gadiyeeda, aba madeeda Aseetta iissa geebaloolli appadayda Gristo.

2 Goriinto 4:2

Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

Galattiya 1:7

mii gideaba gwanda giijasta miy nuut gil, iiduw gwanda fuga mwaatkwa adeawiideegwa nea gagasa ghoaschoorda giijasta miy bea Gristo.

Galattiya 2:4

Iiduw appadayda oorjoogiyya bea ng'uyyeega siyeanna makcheameeda, ahuudaan ak ghamwaal giibaldeanya bea geat aba jeeda Gristo Yeesu, ak gagasa ghwaadeasa jeeda soomjeandumeeda,

Galattiya 4:17

Fiisu gagasseegwa, ak ea magasseewaneegwa naweeda miy, saawa gagasa gwajapseegwa jarooda, ak abeeda agooga googasayi saawa.

Galattiya 6:12

Suu fukka gasa gideaba gayghoahiimu geediin gil jea gwadiing'seegwa eata ghasmeahooda, aba gideaba ea meesawana saawa aba beehiida Gristo.

Efeeso 4:14

aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

Filippi 3:18

Aba heeda fuga saang'a, nearukuneegwa ak ghamneawa gearukuneegwa nea ghabuudu dabeakka, anungwaada gawuurji weajoodiga beehiida Gristo.

Filippi 3:2

Ashageada gudajeega, ashageada fuga gadiyeeda munyas, ashageada fukka iissa ghwalajaada saseedean.

Golosaayi 2:4

Geargu nii aba gideaba adiiduw ghoamwaschi gwareenganeegwa siida aba ng'asheega ng'uyyeega.

Golosaayi 2:8

Asi ashageada adaghaghaseagwa siida ak gahuttaneegwa aba fughareedaannyi bea mwadaagha aba searoojikka bea buneedean, aba haleanjeedeaba garayi bea meangeenda mida jeeda ng'eanyiida nea mii dea Gristoohi.

1 Yohaana 2:18

Diibiga, nii damanda huydeani; gawuurji gidaghayi oayiing'di bea gideaba gayghwahidu weajoochcheanda Gristo, ak eara ghamneawa ea goolla ghapka gea saang'a was weajoodiga Gristo; hean ghoaw gidasinali gideaba damanda huydeani.

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

Yuuda 1:4

Aba gideaba gheatta ninyas fuga mwaatkwa gaseadayyi aba makcheameeda ghang'eada garayi ak geegwalu aba girgweaksiinda, fuga maba aseetta hutteawi dagheerjeandumeeda Aseetteanya ak ghoabuutta jeeda hiseadayeandumeeda nea ghwashaang' Siideanya haw assakkalealla was Ng'uttamiida, Yeesu Gristo.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.