1 Goriinto 9:5 - NEAJEEDA EESH BEA BUUNEESSEAN

⁵ Neada ea mammiiseasa gideaba getteayeewi gatmooda, aba jeeda neayeedeanya eewuurjeewana giijasoodiga suurja sea o oorjooga geenyea Ng'uttamiida sea Geefa?

Bibliyeeda Ghaydit

⁵ Neada ea mamiiseasa gideaba geeteayeewi gatmooda, aba jeeda neayeedeanya eewuurjeewana giijasoodiga suurja sea orjooga geenyea Ng'utamiida sea Gefa?

1 Goriinto 9:5 Mawu Ofanana

Yohaana 1:42

Hean ghwaat heeda Yeesu. Daa Yeesu gwayeeshsha, “Ghamneawa gegureweey Simon Balleanda Yohaana? Asi gajegureweey Geefa.” (Nea gideabeadaannyi ea Betro gil).

Mattayo 8:14

Iiduw nea gawa Yeesu jeeda gheeh Betro, ghwadaa gheamatta agweaji Betro nea gwalil aba badayda bulaliida nea gabearji sheagheeda;

Ebraniya 13:4

Geeshshooda dasissiina mureeda buuneessean, nea eara bulaliida gagasa ea mandeawana ririnnyeanda; aba gideaba Aseetta gaygoorgweaksa fuga munyas ea gea mealuuli.

Galattiya 1:19

Ak ea manda giijasoocheanji naadaay nuut geaghus Yakkobo oorjeeda gheamatta Ng'uttamiida.

1 Goriinto 7:39

Gatmooda aradaat iduugwanda siyeadaannyi. Amaduu nea nimi siyeadaannyi, ea niibal geaw ak ghoammu ghaghi siida gasa niny, ak geaghus fuga mida jeeda Ng'uttamiida.

1 Goriinto 7:7

Nea gidagwachchi aabwariiydi aniini gideaballi gawuurjeewean buuneessean, amaduu gaba siisi nyas gidaghayi miy sajaada adaw Aseetta, siisi geattaw gili nea niirja geattaw gilnuut.

Gadiyeeda Giijasoodiga 1:14

Fiisu abeeda ghabwat geat ghamwash Aseetta ghawooda, ak gwanda jeedeaba gadeemsu Mariyayda was gheamatta Yeesu, ea oorjooga ghaamwat.

Ditto 1:6

Iideappa siida ea miyeerukuna badayda ng'asheega munyas nea siyeeda gatmoodassagi gil, nea diibigaaschi gwandeawa masaweega miyeergweaksiina deambilaneandumeeda ghana nyootta mureeda.

1 Dimotteo 5:2

gadeemga woosi gawuurji geamadu, gadeemga manang'i gawuurji haweega giyeang'wa aba alooheeda sean.

1 Dimotteo 3:2

Siida haw bea ganiisa gamiisa gideaba ea meerukna gidamuy appadaydaanyi ng'eedeeda mideawa gatmoonagi, mideawa gheadeenda biissa gwandeawa weaghumeeda, siida aroottooschi haleanjeeda, deapiida buuneeda, naal goonealshi,

1 Goriinto 7:15

Nea fuga nigeennyi mandeawana masaweega igasa ghwadarda, ea dadarda; aba sareani oorjeediyya ea hudiyya ea mii radeadi. Aba gideaba Aseetta gaguurneasa aba hooyyooh.

1 Goriinto 1:12

Asi gideargu nii gil gideaba giliwassih aba heedeang'wa iissa gwayi, “Aniini geabeayi Baulo,” ghana, “Aniini geabeayi Appolo,” ghana, “Aniini geabeayi Geefa,” ghana, “Aniini geabeayi Gristo.”

Ruumi 16:1

Geagasayi danung'uneagwa hudiyya suguura Foibe, was siida gadiyeesa ganiiseeda mida ng'eanyiida Gengreya,

Yohaana 2:12

Iing'atta ghangeat ghwararang'aada gawa Gapernaamu nea godeayi ghaamwat ea oorjooga ghaamwat ea ginealangaaschi; gobiida hoowa askwearjoojusu ng'ay.

Lukka 6:15

ea Mattayo, ea Domaso, ea Yakkobo balleanda Alfayo, ea Simoneeda suguura Selotte,

Marko 6:3

Neada nii ea mii siidida sina behajeega was oorjeeda Mariya bea gennyea Yakkobo bea geaba Yose bea Yuda ea Simon? Neada eara haweega ghaamwat ea manda ng'eang'i?” Geamwachmwach ng'asheagaaschi.

Marko 1:30

Abeeda gwanda Gheamadoanagia agweaji Simon nea gwanda muunda gabearji sheagheeda ng'waan. Duughwahidu Yeesu geebay eattaw iitta.

Mattayo 13:55

Neada siisi ea mii balleandeaba siitta sina behajeegeani? Neada ghaamwat ea megureewana Mariya? Nea oorjooga ghaamwat ea mii Yakkobo gil ea Yoseefu ea Simon ea Yuudahi?

1 Dimotteo 4:3

Inyeessa ghoadeal buuneeda geeshshooda, ea agitta hamichchoojiga nea hamichchoojusu ghayi ghabwat Aseetta ak ghwanung' ghwadeattaawa badiischooda fuga mideawa masaweega naal humeanji.

1 Goriinto 7:8

Ak geayeeshshi fuga mii gageeshshi ea masiinng'weega ghang'wana gwandeawa siida geaw gawuurjeewean aniini.

Lukka 8:20

Geerukusa nea geeyeeshsha, “Geamadu ea oorjooga geamadu ghamiinaada aba jarooda, nea gagasseey.”