1 Goriinto 9:1 - NEAJEEDA EESH BEA BUUNEESSEAN

¹ Neada aniini meabali geawi? Aniini meawosi giijasoochcheanda? Aniineeda ea mii dadaa Yeesuuyda was Ng'uttamiideanya? Agooga moowosi gadiyeedeanyu aba jeeda Ng'uttamiida?

Bibliyeeda Ghaydit

¹ Neada aniini meabali geawi? Aniini meawoosi giijasoocheanda? Aniineeda ea mii dadaa Yesuheeda was Ng'utamiideanya? Agooga moowoosi gadiyeedeanyu aba jeeda Ng'utamiida?

1 Goriinto 9:1 Mawu Ofanana

Gadiyeeda Giijasoodiga 13:2

Ghayi eaweechcha nea ghabwat Ng'uttamiida, nea ghwarat jalooda, hean gwayeeshsha Gurorooda Ghaydit, “Aloada Barnaba ea Saulo gwasin gadiyeeda eaguursi gwasin.”

Gadiyeeda Giijasoodiga 14:14

Iiy giijasoodiga was Barnaba ea Baulo ng'asheanji, hean ghabwaashaada hang'weakka nyaawa ak gwasalda gaweay jeedeaba emeetta nea gooyyeawda.

Gadiyeeda Giijasoodiga 14:4

Gwaheelli fugeaba mujiineedida; gea maba meatkweeda fuga Yahuudi suuk gaba meatkweeda giijasoodiga.

Gadiyeeda Giijasoodiga 23:11

Hean eaweeda bassa gwadaah Baulo nea ghamiinaada Ng'uttamiida aba murdeadaannyi ak gwayeeshsha, “Adibeali, aba gideaba nimuwwuunean aba Yerusaleemu, ak gaymuwwuuni aba Ruumi.”

Gadiyeeda Giijasoodiga 9:15

Gwayeeshsha Ng'uttamiida niny, “Una, aba gideaba siisi dabichcheanda siloat gil iitteanyu ghwaat gheawungeasu jeeda Emoojiga ea sugoodiga ea fuga Israeeli;

Gadiyeeda Giijasoodiga 9:17

Iiduw gawa Anania ea gawa jeedeaba gheedida. Ak ghwayiin geattingaaschi uhuuda nea gwayeeshsha, “Oorijeediyya Sauli, Ng'uttamiida was Yeesu heetta iroonyeewi aba naweeda nea abeeda gigalu hiji, goojeakneani ghwajaada gheanyangaagu nea ginyasi uurda Gurorooda Ghaydit.”

Gadiyeeda Giijasoodiga 9:3

Iiduw nea gwanda naweeda nea gwaneekiissa Dameski, deagheatta ghoabwaay murdajeegaaschi sean weeshinda leabu humng'eeda.

Gadiyeeda Giijasoodiga 9:5

Gwayeeshsha, “Ang'iing'i ng'eaha gil, Ng'uttamiida?” Ghwasha nea gwayeeshsha, “Aniini geawoschi Yeesu, dea ghamneawa ighabwasi;

Ruumi 1:1

Baulo, soomjeanda Yeesu Gristo, suguursa ghoaw giijasoochcheanda, sisach aba gadiyeeda giijasta miy bea Aseetta

Ruumi 1:5

nea appadaydeaba niny ghayi geanyaschi dagheerjeandumeeda ea giijasoochcheandumeeda ak ghwanyas mureeda ea masaweega aba ghawungaaschi aba jeeda emoojiga sean;

Ruumi 11:13

Asi ghamneawa geebaloolleegwa agoogeeda was Emoojiga. Aba gideaba geewooschi giijasoochcheanda Emoojiga,

1 Goriinto 1:1

Baulo, ghayi suguursa aba gidagassiida Aseetta ghoaw giijasoochcheanda Gristo Yeesu, ea oorjeediyya was Sosteene,

1 Goriinto 10:29

geargu gitta mwachmwach fughareadaannyiin, mii geagwa gil, adiiduu giyaagi.) Ghwasaan abeeda inyas gibaldeanyu bea geaw jea goorgweaksa fughareemba siinuut?

1 Goriinto 10:30

Abeeda iyaagi nea geabadiischeesi Aseetta, abeeda ghwasaan inyas geeng'ng'eawwean aba gili naabwachchi Aseettean?

1 Goriinto 11:16

Amadeeppa gwanda siida gasa ghang'ut foolayda, ghanyea meanali seareeda nuut ghana eara ganiisajeega Aseetta.

1 Goriinto 3:6

Aniini ghayi geahisti, ak ghwayiin Appolo beega, nea dea arruudu ea Aseetta.

1 Goriinto 9:19

Earappdi eaballi geaw aba heeda buuneessean iin geasinyi geaw ging'ng'oonyaneeda buuneessean, ak abeeda geanyaksi geaw fuga saang'a.

2 Goriinto 10:7

Ang'ulla haleanjeeda mida madeeda gheanyangeagwa. Siida iirar gideaba gaba Gristo ea dapkaattunu niny gideaba niny siida Gristo, adabeeda earaseasa gewoschi.

2 Goriinto 11:5

Aba gideaba ghaaghanyi manda gidashoadeawanaan aba gidamideawa giijasoodiga hees.

2 Goriinto 6:1

Nea aseasa iisisinnyi gadiyeeda sea niny, hean geemuscheegwa gideaba adiiduw ghoanyaschi dagheerjeandumeeda Aseetta mwadaagha.

Galattiya 1:1

Baulo giijasoochcheanda, nea maleapna heeda buuneeda ghana gwasku naweeda siida, gwasku heeda Yeesu Gristo ea heeda Aseetta was Ghweanda, ak gooduunna niny jeeda miyeeda,

Galattiya 5:1

Aba giibaldeaba geat ninung' Gristo eeppala geat; asi amiinaada nea goomilmiliidayi, ak ea adagudoomwaschi gichcha gideaba gajeerassa gheatkweakkeagwa jokkeeda soomjeandumeeda.

1 Desaloniikke 2:6

nea ghanyea miyeegassa gharbeeda aba heeda buuneeda, ghana heedeang'wa ghana hichpa fii suuk, ghana gwadeeppa ea sigasayi aba gideaba gewoschi giijasoodiga Gristo.

1 Dimotteo 2:7

Ak aniini appadaydeaba nii geayiinan doow gijasoocheanda ak gearukwiidi giijasta nea ghawaschi gineashoocheanda fuga eemoojiga danal masaweega ea huumeanda. (geargu huumwa mearukni ng'uyeega).

2 Dimoteo 1:11

appadaydeaba ng'asheesu geayiinan doaw ginealshoocheanda ea gijasoocheanda darukwiida giijasta miy.