1 Goriinto 8:3 - NEAJEEDA EESH BEA BUUNEESSEAN

³ Nea siida iibwariiy Aseetta, abeeda siisi ghwanal Aseetta.

Bibliyeeda Ghaydit

³ Nea siida iibwariiy ASEETA, abeeda siisi ghwanal ASEETA.

1 Goriinto 8:3 Mawu Ofanana

Mattayo 7:23

Abeeda gaydayeeshsha saawa, ‘Aniini moang'wa danaleagwa eara hay, ang'amwana heedeanyu, agoogeeda sina ng'asheega munyas.’

Yohaana 10:14

Aniini geawoschi haghweadoochcheanda miy; aniini ghaanalli geasu ak eara geasu ghwanalan,

Yohaana 21:17

Gabiikta ghoanyaash deaba samwagu, “Simon, balleanda Yohaana, gibwarinyaani?” Gagiisan Betro aba gideaba geannyaash deaba samwagu gideaba “Gibwariinyaani” Gwayeeshsha niny, “Eah, Ng'uttamiida; ang'iing'i ginali haleanjeessean, ang'iing'i ginali gideaba aniini ghabwarinyeay.” Gwayeeshsha Yeesu, “Ahaaghwana gisilgeasu.

Ruumi 11:2

Aseetta mii ghaheawa fugaaschi ghayi bay ghwanal. Ghana moanali ng'asheega ghayi rugu ng'ooruutka appadayda Eliya, gidaghayi ahaaktaayda fuga Israeeli ammadeeda Aseetta?

1 Goriinto 13:12

Aba gideaba ghamneawa geeng'ulli geat giyooh aba jeeda misaneeda, nea damandida gaygwaroonnyi gheanyangaasa. Asi ghamneawa ghaanalli aba meatkweenagi; damandida gajadanal muuchchi, aba gideaba Aseetta ghwanalan muuchchi.

1 Goriinto 2:9

gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

Galattiya 4:9

nea ghamneawa iinoanalli Aseetta, ghana ghwanaleagwa Aseetta, gajabiiktaydaan bwadaw gichcha jeeda haleanjeeda ng'arng'ari was meangeenda, ak googasayi abiikta jeeda ging'ng'oonyaneandumeeda gichcha?

2 Dimoteo 2:19

Ak sindeetta ghayi inni Aseetta ea nimiinaada nea majeek, nea uhuudaanyi geengoorsa ng'asheesu, “Ng'uttamiida ghwanal gea was gaaschi.” Ak gicha gilinyoo gwarukku gheawunga Ng'uttamiida adanung'waada ng'asheega munyas.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

1 Betro 1:8

Earappeadi miyadaaha ninyiin ghoabwariinyi; ak earappeadi ghamneawa miyadaaha ninyiin noamwaschi niny ak gohoosannyi aba ng'weellooda ea gigheambiitta meammu eergu.

1 Yohaana 4:19

Aseasa geabwariinyi, aba gideaba goosheeda niny ghabwariinyeasa.

1 Yohaana 4:7

Oroogeasu abwariinnyi, ebariinya geat aba gideaba bariinyeega gwaleabu heeda Aseetta, ak giliwas sih mideawa bariinyeega gwajiilu Aseetta, ak ghwanal Aseetta.

Giidaheechta 2:13

“Ghaanalli heediibiitti, heeda mida hoorgeeda gheambalmeeda Shattaani gil; ak ang'iing'i ea ning'waanyi muuchchi gheawungeasu, ak ea mii heawana masaweegeasu eara damandida bea Antiippa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiitta Shattaaniin.

Giidaheechta 2:19

Ghaanalli gadiyoojigaagu, ea bariinyeegaagu ea masaweegaagu ea gidigadiyeatti ea milikghteaydaang'u nea giihang'waanyi, ak gichcha gadiyoojigaagu huydean ghangal gea ghayi bea madeeda.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.