1 Goriinto 8:1 - NEAJEEDA EESH BEA BUUNEESSEAN

¹ Asi ghamneawa aba iitta hamichchoojiga siittaw haleanjeeda mawosa Aseetta; geanalli gideaba “Aseasa easasean gendeawi fughareeda.” Fughareeda iissa ghaghwar geaw, nea bariinyeega iissa gwadeegu.

Bibliyeeda Ghaydit

¹ Asi ghamneawa aba iita hamichoojiga siitaw ASEETA; geanali gideaba “Aseasa eesa sean geandeawi fughareeda.” “Fughareeda” iissa ghaghwar geaw, nea bariinyeega iissa gwadeegu.

1 Goriinto 8:1 Mawu Ofanana

Gadiyeeda Giijasoodiga 15:10

Asi ghwasaan andagoosimsimnyi Aseetta ak ghoayiinnyi gheatkweakka ginealanga jokki nea eara ghweanigaasa ghana aseasa ameammuusi?

Gadiyeeda Giijasoodiga 15:29

nea gideaba anung'waada hamichchoojiga sighadoawana gidamawosa Aseetta ea foojeanda adoayaaji bannyeega gidasing'ng'waay ghuutta ea hiseadayeandumeeda. Abeeda iyohhelleewi geat haleanjeani abeeda ghoattoabiiwji. Ebeaseayu.”

Gadiyeeda Giijasoodiga 21:25

Ng'asheega badaydeaba fukka was Emoojigean numwasiin, goolla eng'oorsiina barawajeanda gideaba adaghwaak giliwassean sibwara heelga aseechcheekka ng'uyyeega, ea gideaba adeali foojeanda, adeayaak bannyeega diyeayda wassean sing'ng'waay ghuutta, ak geepuut hiseadayeandumeeda.”

Ruumi 11:25

Asi awosa milmili aba ghwarjeedeang'wa, geagasayi anala gili funyaadiin, fuga eaduupcheewi: nihidu hang'ooynatta badahuukka fuga Israeeli, ea ghwahitta monneeda Emoojiga hidu.

Ruumi 12:16

Gagasa andeawana iitteaba geat agooga; adoaghwarji geat muuchchi aba gassooda ng'asheega hees, agassa ng'asheega manang'i. Adoahuuyi fuga jea ghaghuuda geat fughareeda.

Ruumi 14:10

Ama ang'iing'i, ghwasaan anda giirgweaksi oorjeeda giyeang'wa? Ghana ang'iing'i, anda gufooli oorjeeda giyeang'wa? Aba gideaba gajeamiinaada easasean aba madeeda hoorgeeda girgweageeda Aseetta;

Ruumi 14:14

Ghaanalli ak ghaabwadi gideaba neasikteawi muuchchi aba heeda Ng'uttamiida was Yeesu gideaba manda gidamideawa ririnyeanda aba simnoadaannyi; amaduw aba heeda siitta daa gida ak ghwanung' ghoaw gilibea ririnyaaniin, aba heedeaba siisi gili gaba ririnyaan.

Ruumi 14:19

Asi iisunu geang'ng'waanyi ng'asheega weayda ea ng'asheega miyaas jea gwadeekneegwa.

Ruumi 14:22

Masaweekka indeawiin, gagasa mideawana aba jeadaang'u aba madeeda Aseetta; ghang'wana siitta meargweaksiina geaw aba ng'asheandida mwasiin.

Ruumi 14:3

Siida iiyak gida ea adagafool siitta mwaaga, nea eara siitta mwaagaan ea adagoorgweaksa siitta agiin; aba gideaba niny numwas Aseetta.

Ruumi 15:14

Asi neasikteawi aniini iitteang'wa, fuga eaduupcheewi, gideaba earagooga goondeawi alooheeda haw, ak ghwanyiideagwa fughareenga sean, ak ghoammuuschi oattoabiiwa geat.

1 Goriinto 1:5

ak aba naweadinga sean geepparureegwa aba jeedeaba niny aba weaghuumeeda ea fughareeda sean.

1 Goriinto 10:15

Geabalooldaneegwa fuga mideawa fughareenga; asi otteemsheesiina agooga ng'asheesu earguun.

1 Goriinto 10:28

(Ama deeppa gwayeeshshineey sih, “Gili geattaydaawa lukghumajeega,” iiduu nea mang'ulleey siida ghwanyawa rukuneey, ea aba gidamwachmwach fughareeda,

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuuwa diibiga aba ng'asheega munyas, nea aba fughareengeagwa ghoahuuyi fuga hees.

1 Goriinto 15:34

Anung' ghwadoabiiw fughareengeagwa, ak ea adagudoosinnyi riing'eeda. Aba gideaba buuneeda mwaatkwa mandeawana fughareeda Aseetta. Geergu ng'asheesu ak abeeda ghoabwaaspwaaschi.

1 Goriinto 4:10

Aseasa geewooschi dasheahi appadayda Gristo, amaduu agooga goondeawi weaghuumeeda appadayda Gristo. Aseasa geewooschi ng'arng'ar, nea agooga goondeawi uurda. Agooga geesinneegwa mureeda, nea aseasa ghanyea meesinneasa mureeda.

1 Goriinto 4:18

Asi buuneeda mwaatkwa nung'ut ghwarjeeda nea ghaghay gilimaydoan heedeang'wa.

1 Goriinto 4:6

Ak geamuschi haleanjeani seaniin sea Appolo ak abeeda ghoanyagaadi, fuga eaduupcheewi, ak abeeda ghoanaalaneasa ea moannaawani gitta ghayi sung'waariin, ak abeeda ea mwaghwara geaw sih aba jeedeang'wa aba giduuksiideaba geaw bea siinuut.

1 Goriinto 5:2

Ak ghoaghwarji geat! Gwachchi mang'wana gogiisannyi? Siida nisin ng'asheanji oang'ng'aamwana jeedeang'wa.

1 Goriinto 5:6

Ghwaroodeang'wa bwaageat miimiy. Moanali gideaba gidamwanang mwattaw ghoammu ghoamwattawiit murmurjeanda seani?

1 Goriinto 8:2

Siida iighay gili nal ng'asheanda, siisi mwanala eara gil eara ghamneawa, mwanalda gidagwachchi haguuw ghwanalda.

1 Goriinto 8:4

Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

1 Goriinto 8:7

Eara gwasa, mii sean gil gea mideawa fughareani. Geaghus suuh ng'ay, aba gideaba nineaji haleanjeeda mawosa aseetta, nea fughareenga nyaawa, ng'arng'ari, ea sung'uda ririnnyeanda.

Efeeso 4:16

niny googuuyi saseessean ak ghwanung' ghoang'ng'waay geat robuutka, ak ghoadaw gilinyoo ea roobadeeda gil gichchea gwasinda gadiyeadaannyi muuchchi ak aba sareani gwaheedu saseessean nea ghwadeas geaw aba barinyeega.

Golosaayi 2:18

Asi adaghaweadaneegwa sih gil, aba giimajeekta eatteaba geaw bea ng'eanyi ea ghadoowanda malaykajeega, nea ghamiinaada aba giidaheachchteaba geaw, nea ghaghwar geaw mwadaagha aba fughareadaannyi bea saseeda,

Giidaheechta 2:14

Ak geandeawi ng'asheesu ng'ay appadaydaang'u: gideaba gindeawi fiisu ng'ay aba hoowa aat geeshta ginealshooda Balaamu, niny ghayi ghoanaal Balakki ak gwaruusa balloojiga Israeeli ak ghwanung' ghwaak hamichchoojiga siyaat lukghumajeega siittaw haleanjeeda mawosa Aseetta ea biissa mealuleega.

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.