1 Goriinto 7:34 - NEAJEEDA EESH BEA BUUNEESSEAN

³⁴ nea gidagasa ea nibearshi. Nea gatmooda meegeenna ghana huda iissa gwadeawiit appadayda Ng'uttamiida, gichchea ghoawaatta siida ghaydit aba saseeda ea guroorooda; nea gatmooda sigeena iissa gwadeawiit appadayda haleanjeeda ng'eanyiida, gichchea gohoosanda siyeadaannyi.

Bibliyeeda Ghaydit

³⁴ nea gidagasa ea nibearshi. Nea gatmooda meegeena ghana huda iissa gwadeawiit aba badayda Ng'utamiida, gichea ghoawaata siida ghaydit aba saseeda ea guroorooda; nea gatmooda sigeena iissa gwadeawiit aba badayda haleanjeeda ng'eanyiida, gichea goohoosanda siyeadaanyi.

1 Goriinto 7:34 Mawu Ofanana

Yohaana 10:13

Niny gamng'aw aba gideaba maduuppa ng'asheega gisilga aba gideaba niny siida mushaahara gil.

Ruumi 6:13

Nea adiiduw ghoattaydi sasanuukeagwa ghoaw dabitta jea eesna ng'asheega munyas bea ring'eeda, ghang'wana ghoattawji geat Aseetta nea goowuurjeewi fuga majeekcheewi iing'atta miyeeda, nea ghoattawji Aseetta sasanuukkeagwa ghoaw dabitta doobiiwnatta.

1 Goriinto 6:20

Agooga geashaheagwa. Asi, oakghambiida Aseetta aba sasanuukkeagwa.

1 Goriinto 7:33

nea siida nigeeshshi iissa gwadeawiit aba ng'asheega muunda ng'eanyiida, was gichchea goohoosanda gatmoadaannyi,

1 Goriinto 7:35

Geargu ng'asheanji ak abeeda ghoanyagaadi, ak ea mii gideaba ghaghuumnyeegwa agooga, geagasayi gideaba gajooppiidana jeeda doobiiwanatta ea naweeda miy ak ghaghu mooshteang'wa mabwaasha aba heeda Ng'uttamiida.

2 Goriinto 11:28

Ea mabeachchi ng'asheesu, gwanda eara ng'asha suuk appadaydeanyu bea galeagasean, nea machmajooda ng'ullooda ganiisajeega seani.

2 Goriinto 8:16

Gagasa eebadiischeesa Aseetta iin jeeda Ditto gassoodida eandeawi aniini aba weetteang'wean.

Filippi 1:20

ak ea gidaararji gil gideaba ghaaghuschi muuchchi ak ea maydabwaspwas earahay, ak geawoschi majeek gawuurji gideabeawoojusu ak ghamneawa gwasnu Gristo gajeesissa mureeda appadaydeanyu, inameayi ghana iduudanda.

1 Desaloniikke 5:23

Gagasa ghoammiidu Aseetta mideawa weayda sasanuukkeagwa sean, nea gaba geaw; ak gagasa gahamiyaasiit gamiyeasiidi guroruunatkeagwa ea jeesingeagwa ak geemmajeek nea meerukunana badayda ng'asheega munyas aba damanda hinnooda Ng'uttamiideanya was Yeesu Gristo.

1 Dimotteo 3:5

(aba gideaba siida mwaammu goombal gheanyi gay ghwamustaan ghoahaaghwa Ganiseeda Aseetta?)

1 Dimotteo 5:5

Nea dea was masinung'weanda huumwa, sinung'wa heeda nea gaba geaw, niih ghusoadaanyi niidaw Aseetta ak niny goomajeek mooshta ghawooda ea baditta Aseetta eawa ea askweari.

Ditto 3:8

Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.