1 Goriinto 6:9 - NEAJEEDA EESH BEA BUUNEESSEAN

⁹ Ghana moanali gideaba fuga mii doobiiweadi maygwahearan sugoochcheandumeeda Aseetta? Adeereenganneegwa; fuga munyas searooji gil, ghanea fuga bada haleanjeeda gidamawosa Aseetta, ghanea fuga mealuuli, ghanea fuga ashiigi suurja,

Bibliyeeda Ghaydit

⁹ Ghana moanali gideaba fuga mii doobiiweadi maygwahearan sugoocheanduumeeda ASEETA? Adeereenganeegwa; fuga munyas searooji gil, ghanea fuga bada haleanjeeda sanaamu, ghanea fuga mealuuli, ghanea fuga ashiigi suurja,

1 Goriinto 6:9 Mawu Ofanana

Mattayo 19:29

Nea giliwas sih nung'usa heeda gheeda ghana oorjeeda ghaamwat ghana haweega ghaamwat ghana ghwaan ghana ghamwaat ghana diibiga ghana madameega, appadayda gheawungeasu, gayghwanyas niba bughala ak gwahearan eaweega manda mudeanooda.

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Lukka 21:8

Hean gwayeeshsha, “Ashageada adagahuttaneegwa siida; gwanda fuga saang'a jea ghapkaana gheawungeasu, nea gwayeena, ‘Siida aniini gil!’ Nea ‘Damanda nineekkiit!’ Adoayachchi geeshta.

Gadiyeeda Giijasoodiga 20:32

Ak ghamneawa ghadawjeegwa Aseetta ea ng'asheanda dagheerjeandumeeda, jea ghoammu gwadeekneegwa nea gagooneegwa hearaniischooda aba jeeda fuga sean ghayi simmiidu.

Gadiyeeda Giijasoodiga 24:25

Damanda balool Baulo ak ghwasat ng'asheega doobiiwnatta ea gheadeenda ea iitta girgweaksiinda jea ghwahidu, ghabeal Feliksi ak gwayeeshsha, “Nyoobiikta, iyaanyaschi gheatta gichcha gaydaguurneey.”

Ruumi 1:18

Aba gideaba nyarasta Aseetta sittahaach aba humng'eeda appadayda fuga heawa ea gea munyas amaduw aba munyasnachcheekka nyaawa ghaminighis humeanda.

1 Goriinto 15:33

Adeereenganneegwa, “Baloolda muy iissa gwanuus searoojiga miyaas.”

1 Goriinto 15:50

Gearukuneegwa ng'asheesu, fuga eaduupcheewi: saseeda ea foojeanda maygwahearan sugoochcheandumeeda Aseetta, ghana dea jea ghami mayghoammu gwahearan dea mayghami.

1 Goriinto 3:16

Moanali gideaba agooga goowooschi gheeda sibatta Aseetta bea Aseetta, ea gideaba Guroorooda Aseetta gwanda jeedeang'wa?

1 Goriinto 5:1

Gwanda iitta huumwa nighayda bea gideaba jeedeang'wa gwanda fuga mideawa searoojiga munyas, ak gabiissa ea muy ea manda earaba jeeda Emoojiga; bea gideaba iissa siida gwalluudayi gatmooda ghwaan.

1 Goriinto 5:10

meayeeshshiineegwa eara hay gideaba adooguuyeewi fuga munyas bea jeedeaba ng'eanyiini, ghana fuga geawwi ghaanyan, ea fuga areedi buuneeda haleanjeeda, ghana fuga bada gidamawosa Aseetta, abeeda gwachchi gajea gideaba gagasa ang'amwana jeeda ng'eanyiida gil.

1 Goriinto 5:11

Ak geang'oorneegwa gideaba adoobareannyeewi siida was oorjeeda suguura dea giyeang'wa, iyaadiiy ghana gwaseeja haleanjeeda, ghana ea siida bada haleanjeeda mawosa Aseetta, ghana ea siida ang'eawi buuneeda gil, ghanea siida boogidi, ghana ea siida areedi buuneeda haleanjeeda, siissunu adoamwaschi eara gideaba gajoombucheewana.

1 Goriinto 6:10

ghana mareanghooga, ghana fuga geawi ghaanyan, ghana leeyda, ghana fuga giing'weaka, ghana fuga areedi fii haleanjeeda jea gwahearan sugoochcheandumeeda Aseetta.

1 Goriinto 6:18

Asalda anung'wana heeda mealuuleega. Gilinyoo ea riing'eeda gil sin siida gwanda badayda saseeda; amaduukku siida mealuul gwasin riing'eeda aba saseadaannyi nea gabwageaw.

1 Goriinto 6:19

Ammoanali gideaba sasanuukkeagwa gheeda sibatta Aseetta gil bea Guroorooda Ghaydit mida jeedeang'wa, ghayi gooneegwa Aseetta? Nea sasanuukkeagwa ea mii geagwa gil.

1 Goriinto 9:24

Neada ea moanali gideaba fuga galleada iissa gwasalda sean gang'aleallli, nea siida jea ghwanyas shiipka aagi? Asi agalleada ak ghoanyaschi.

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

Galattiya 6:7

Adereenganneegwa, Aseetta meereenganna, aba gideaba siida gayghwalach gidawassean ghayi hista.

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

Ebraniya 12:14

Gagasa gimiriikta hoyyoo aba heeda buuneessean, aba ghaydidanda nea manda siida jea ghwadaa Ng'uttamiida iimandeawana.

Ebraniya 12:16

nea adagwanda siida sina ng'asheega munyas ghana dea meawalla gheang'da Aseetta uurji Esawu, ghayi shaayda hawundaannyi doobiiwsa aba agiischooda assagi.

Ebraniya 13:4

Geeshshooda dasissiina mureeda buuneessean, nea eara bulaliida gagasa ea mandeawana ririnnyeanda; aba gideaba Aseetta gaygoorgweaksa fuga munyas ea gea mealuuli.

Yakkobo 1:16

Adereenganneegwa, fuga eaduupcheewi abwariinyi.

1 Yohaana 3:7

Diibiga manang'i, adagwareenganneegwa sih; siida sina ng'asheega doobiiweadi gwandeawa doobiiwnatta, gawuurji gidamideayeatta doobiiwnatta.

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.