1 Goriinto 6:12 - NEAJEEDA EESH BEA BUUNEESSEAN

¹² “Haleanjeessean aba heedeanyu ghwahit,” ak ea mii sean gil gea doabiiw. “Haleanjeessean ghwadoabiiw aba heedeanyu,” ak aniini ea meagassi gideaba gayghoaw soomjeanda gidawassean.

Bibliyeeda Ghaydit

¹² “Haleanjeeda sean aba heedeanyu ghwahit,” ak ea mii sean gil gea doabiiw. “Haleanjeeda sean ghwadoabiiw aba heedeanyu,” ak aniini ea meagassi gideaba gayghoah soomjeanda gida wassean.

1 Goriinto 6:12 Mawu Ofanana

Yohaana 5:10

Iiduw gwayeeshsha Fuga Yahuudi siitta sihhabiin, “Askweareani eaweetta Sabatto gil, ak ea mammiiseey gideaba gaysareana muundaang'u.”

Ruumi 7:14

Aba gideaba geanalli beadi deaweeda gaba gurorooda; amaduukku aniini geawooschi siida beachchi saseeda, sishaaydaawa jeeda ring'eeda.

1 Goriinto 8:4

Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

1 Goriinto 9:12

Asi iinyas buuneeda suurja haleanjeeda doabiiw aba heedeang'wa, abeeda amearaanyani aseasa? Iiduu, ea meagasi aseasa gideaba gajeatoabiiwdunu, iissa geamilikghti haleanjeassean ak ameatteali Giijasta miy bea Gristo.

1 Goriinto 9:27

aba sareani geasawannyi saseedeanyu nea geagadiiyi, ak amwahuuwi siida rukkwiisa giijasta buneessuurja, amaduu ghaahuuyi aniini siida jea eaheawa.

2 Desaloniikke 3:9

Nea meakna gideaba meendeawani uurda gil, geebaysiini gideaba geegasayi ghoaw searoojigaasa gichchea agalana ak gotteascheewi.

Yuuda 1:12

Suu geeyeatta ghuussi aba ghweelmajeegeagwa, aba damanda leeshoodeang'wa iyoabwachchi geat, nea iissa goong'ulayi geat; shamooghuutka manda beega, nea iissa ghwaat jeammeeda; geediga manda haghweega doomeelda shing'da, nimeewa deabiyyeenya, ak gealoatta;