1 Goriinto 5:10 - NEAJEEDA EESH BEA BUUNEESSEAN

¹⁰ meayeeshshiineegwa eara hay gideaba adooguuyeewi fuga munyas bea jeedeaba ng'eanyiini, ghana fuga geawwi ghaanyan, ea fuga areedi buuneeda haleanjeeda, ghana fuga bada gidamawosa Aseetta, abeeda gwachchi gajea gideaba gagasa ang'amwana jeeda ng'eanyiida gil.

Bibliyeeda Ghaydit

¹⁰ meayeeshiineegwa earahay gideaba adooguuyeewi fuga munyas bea jeedeaba ng'eanyiini, ghana fuga geawi gheanyan, ea fuga areedi buuneeda haleanjeeda, ghana fuga bada sanaamu, abeeda gwachi gajea gideaba gagasa ang'amwana jeeda ng'eanyiida gil.

1 Goriinto 5:10 Mawu Ofanana

Lukka 18:11

Ghang'eat Farisayajeanda ak ghamwaashtunu Aseetta aba jeadaannyi, ‘Ea Aseetta, geabadischoweey aba gideaba aniini meawurjeewani buuneeda suurja, fuga areedi buuneeda haleanjeeda, ea fuga miidoobiiweadi, ghana fuga mealuuli, nea meawuurjeewani eara siisi ang'ng'oonyi gwadiin.

Yohaana 15:19

Inyeetta ghwanyawa gobeayi ng'eanyiida, gwachchi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaloachcheagwa aba jeeda ng'eanyiida, aba sareani ghwasteagwa ng'eanyiida.

Yohaana 17:6

“Naanung' ghwanalnyi fukghayi igonnyean aba jeeda ngeanyiida; ghayi fugaagu gil amaduw gugonnyean aniini ghoaw fugeasu, ak ghamneawa saawa ea ning'ng'waay ng'ashandaang'u.

Yohaana 17:9

Ghamwaashchi Aseetta aba saawa; mwamwaashi Aseetta aba ng'eanyiida ghamwaashchi appadahuukka fuga igonnyean, aba gideaba gaagu;

Yohaana 8:23

Gwayeeshsha saawa, “Agooga goleabu heeda hing'aada nea aniini gealeabu heettiyeada, gobeayi ng'eanyiini, aniini meabeahi ng'eanyiini.

1 Goriinto 1:20

Gwandeenu siida was weaghoochcheanda? Gwandeenu ng'oorshoochcheanda? Gwandeenu siida argweaji bea damani? Neada Aseetta ea mii ghwanung' ghoaw lendeeda weaghuumeeda ng'eanyiida?

1 Goriinto 10:27

Asi iguurneey siida mandeawana masaweega hamitteaba shing'ada ak gigasayi beatta, aga gidawassean sugoonnyi nea adinyaashti ng'asheanda wassean aba gidamwachmwach fughareeda.

1 Goriinto 5:11

Ak geang'oorneegwa gideaba adoobareannyeewi siida was oorjeeda suguura dea giyeang'wa, iyaadiiy ghana gwaseeja haleanjeeda, ghana ea siida bada haleanjeeda mawosa Aseetta, ghana ea siida ang'eawi buuneeda gil, ghanea siida boogidi, ghana ea siida areedi buuneeda haleanjeeda, siissunu adoamwaschi eara gideaba gajoombucheewana.

1 Goriinto 5:9

Geang'oorneegwa aba barawajeanji itteanyuun, gideaba adooguuyeewi fuga mealuuli;

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Filippi 2:15

ak ea meerukunana badaydahuukkeagwa ng'asheega munyas nea ghoahuyi fuga manda giidinyeanda, diibiga Aseetta meerukunana badahuukka ng'asheega munyas mida bugusta seaygeeda gwaneadi bea ng'ooweatta, ak ghoayeatti weeshinda, aba jeannyaawa aba jeeda ng'eanyiida,

1 Yohaana 4:5

Suu gaba ng'eanyiida, ak gabaloola ng'asheega ng'eanyiida, ak goleeysiit ng'eanyiida saawa.

1 Yohaana 4:7

Oroogeasu abwariinnyi, ebariinya geat aba gideaba bariinyeega gwaleabu heeda Aseetta, ak giliwas sih mideawa bariinyeega gwajiilu Aseetta, ak ghwanal Aseetta.

1 Yohaana 5:19

Aseasa geanalli gideaba geebeayi Aseetta, ak ng'eanyiissean goombal diitta muyiin.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.