1 Goriinto 4:9 - NEAJEEDA EESH BEA BUUNEESSEAN

⁹ Aba gideaba naapkaachchi gideaba Aseetta ghayi gwasneasa aseasa giijasoodiga eahuuwa fuga huydeana sean, ewuurjeewana fuga sirgweaksiina miyeeda; aba gideaba suhuuyi meagheang'da aba ng'eanyiida, ea aba heeda malaykajeega ea heeda buuneeda.

Bibliyeeda Ghaydit

⁹ Aba gideaba naapkaachi gideaba ASEETA ghayi gwasineasa aseasa giijasoodiga eahuuwa fuga huuydeana sean, eewuurjeewana fuga sirgweaksiina miyeeda; aba gideaba sihuuyi meagheang'da aba ng'eanyiida, ea aba heeda malaykajeega ea heeda buuneeda.

1 Goriinto 4:9 Mawu Ofanana

Gadiyeeda Giijasoodiga 19:29

Hean ghwadaakghuyan buuneeda sean bea mujiini; ak geetkwealsa ak geeng'waay Gayo ea Aristago saawa abeeda fuga ng'eanyiida Makkedoniya nea gaba bwaranagi sea Baulo, hean geesaldeawa ea eehitta heeda sideanganna.

Gadiyeeda Giijasoodiga 19:31

Ak goojeaksa Baulo fuga hees bea Asiya was fugaaschi ghayi duupchi, ak geemus nea geeyeeshsha, adiidu guwi heeda sideanganna.

Ruumi 8:36

Gawuurji gidaghayi sung'waarda, “Apwadaydaang'u geenuuseasa askwearda sean, sinung' eewuurjeewana gisilga jea eenuuseada.”

1 Goriinto 15:19

Aba gideaba aba jeedeaba eaweesu bea ghamneawean isindeawi rarooda aba heeda Gristo, gidabal geabwaydaneasa ea ealaabwana hoowa buuneessean.

2 Goriinto 11:23

Saawa soomjooga Gristohi? Gharaanyi aniini, geabalooldi siida geeska, biissa gaba gadiyeeda haw, gharaanyi muuchchi aba ghealooniga, bea bayiiga meammu eyiida, nea ghariikghti aba miyeeda galeagasean.

2 Goriinto 6:9

ak geewuurjeewi fuga meanala, nea geanaleasa muuchchi; ak geewuurjeewi fuga meewa nea gung'ulayi geewoschi majeekcheewi; ak geewuurjeewi fuga siyaaga ghoorjooda, ak ea menuussa;

1 Desaloniikke 3:3

ak siida ea adagwahirbaban aba sawanaduussu, aba gideaba agooga ghoanalli beadi sugooneasa ng'asheanji.

Ebraniya 1:14

Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?

Ebraniya 10:33

nea hich iissa geng'ng'ewweegwa nea geesawaneegwa, nea hich gokkuuyi geadi sea fukka sisma ng'asheesuun.

Ebraniya 11:36

Mwaatkwa gwasawana aba shikkooda ea bayiiga, nea ghabwada geeratta munyaloalajeega aba ghealooniga.