1 Goriinto 4:6 - NEAJEEDA EESH BEA BUUNEESSEAN

⁶ Ak geamuschi haleanjeani seaniin sea Appolo ak abeeda ghoanyagaadi, fuga eaduupcheewi, ak abeeda ghoanaalaneasa ea moannaawani gitta ghayi sung'waariin, ak abeeda ea mwaghwara geaw sih aba jeedeang'wa aba giduuksiideaba geaw bea siinuut.

Bibliyeeda Ghaydit

⁶ Ak geamuschi haleanjeeni seaniin sea Apolo ak abeeda ghoanyagaadi, fuga eaduupcheewi, ak abeeda ghoanaalaneasa ea moanaawani gidida ghayi sing'waariin, ak abeeda ea maghwara geaw sih aba jeedeang'wa aba giiduuksiindeaba geaw bea siinuut.

1 Goriinto 4:6 Mawu Ofanana

Gadiyeeda Giijasoodiga 18:24

Ghayi gwanda siispa Yahuudi suguura Appolo sijiilsa ng'eanyiida Aleksandariya, ghwahidu ng'eanyiida Efeeso. Siisi abeeda baloolaneeda gil, ak gabiissa ghwanal muuchchi ng'ooruutka ghaydidi.

Gadiyeeda Giijasoodiga 19:1

Damanda mideewa Appolo Goriinto, hean ghang'atta Baulo nea gwasik jeeda ng'eanyiida ea ghwahitta Efeeso hitta ghwanyasa hoowa ginealang'su ng'ay.

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.

1 Goriinto 1:12

Asi gideargu nii gil gideaba giliwassih aba heedeang'wa iissa gwayi, “Aniini geabeayi Baulo,” ghana, “Aniini geabeayi Appolo,” ghana, “Aniini geabeayi Geefa,” ghana, “Aniini geabeayi Gristo.”

1 Goriinto 1:19

Aba gideaba geang'waar, “Gaydanyarja weaghuumeeda fuga weaghoodi, nea fughareenga fuga mideawa fughareeda gaydaheawa.”

1 Goriinto 1:31

asi gawuurji gidaghayi sung'waarda, “Siida ammu ghaghwar geaw, daghwara geaw appadayda Ng'uttamiida.”

1 Goriinto 13:4

Bariinyeega iissa ghamilikghta nea innya jih; bariinyeega mandeawana lachng'eanyiida ghana ghwarjeeda;

1 Goriinto 3:19

Aba gideaba weaghuumeedeaba ng'eanyiini leendeeda gil aba heeda Aseetta. Aba gideaba geang'waar, “Siida ang'ng'oonyi siida weaghoot aba jeeda milmilanda nyaawa,”

1 Goriinto 3:21

Asi siida wassean adagagwarsa geaw buuneeda. Aba gideaba haleanjeessean geagwa gil,

1 Goriinto 5:2

Ak ghoaghwarji geat! Gwachchi mang'wana gogiisannyi? Siida nisin ng'asheanji oang'ng'aamwana jeedeang'wa.

1 Goriinto 5:6

Ghwaroodeang'wa bwaageat miimiy. Moanali gideaba gidamwanang mwattaw ghoammu ghoamwattawiit murmurjeanda seani?

1 Goriinto 8:1

Asi ghamneawa aba iitta hamichchoojiga siittaw haleanjeeda mawosa Aseetta; geanalli gideaba “Aseasa easasean gendeawi fughareeda.” Fughareeda iissa ghaghwar geaw, nea bariinyeega iissa gwadeegu.

1 Goriinto 9:23

Ak geasinyi haleanjeessean appadayda giijasta miy, ak abeeda geeppareanyi ghawooda sea buuneeda suurja.

2 Goriinto 10:12

Mii gideaba geegasayi eebadaksiina eahhaadana geat fuga gwara geadi ghana eegalana geat fuga adiing'ng'u geat gil. Hean nea gaba siisi adeena geaw niirja, ak gaba siisi gala geaw niirja, ak ghanyea manda ginnal.

2 Goriinto 10:15

Nea mwajeaghwara geat ea ghwanaawa deascheeda aba sawanadeeda buneessuurja gil; abeeda gendeawi rarooda gideaba gaygwaheedu masaweegeagwa gagasa gwaheedu gadiyeedeanya aba jeedeang'wa,

2 Goriinto 10:7

Ang'ulla haleanjeeda mida madeeda gheanyangeagwa. Siida iirar gideaba gaba Gristo ea dapkaattunu niny gideaba niny siida Gristo, adabeeda earaseasa gewoschi.

2 Goriinto 11:4

Aba gideaba iihidu siinuut ak gwarukuneegwa Yeesu nuut nyoo ea mii dea ghayi sirukuneegwa, ghana oang'ng'waanya guroroonnuut mawosa dea oang'ng'waanyi, ghana iyoamwaschi giijasta miy nuut mawosa dea ghayi oamwaschiiin, abeeda goosissi mureeda gitta.

2 Goriinto 12:19

Ghoang'ng'wa apkaada gideaba geefurji geat aba heedeang'wa? Nii ammadeeda Aseetta geebaloolli aba jeeda Gristo, nea aba sean gedeegu bariinyeegeagwa, fuga abwariinyi.

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

2 Goriinto 12:6

Aba gideaba inyeeda ghwanyawa geagasayi daghwar geaw, gwachchi ea maydawos dasha, aba gideaba gaydargu ng'asheega huumwa. Iiduw ghang'ng'waanyi geaw, ak abeeda ea manda siida jea ghoapkaat gil appadaydeanyu ea ghang'al gitteaksa heedeanyu ghana gwayiing'sa heedeanyu.

2 Goriinto 4:15

Aba gideaba ng'asheega sean gaba badahuukkeagwa nea gidahadaatta dagheerjeandumeeda muuchchi, ghoahaada badiischeesiinda aba heeda fuga saang'a, aba gigheambiitta Aseetta.

Golosaayi 2:18

Asi adaghaweadaneegwa sih gil, aba giimajeekta eatteaba geaw bea ng'eanyi ea ghadoowanda malaykajeega, nea ghamiinaada aba giidaheachchteaba geaw, nea ghaghwar geaw mwadaagha aba fughareadaannyi bea saseeda,

1 Desaloniikke 1:5

bea gideaba giijasteanya miy mwahinna heedeang'wa nea geaghus ng'asheanda akghwahit, ghabwada gwandeawa uurda, ea Gurorooda Ghaydit nea geesikteawi muuchchi. Ak ghoanalli siisi sirguun giduurji jea goobiida heedeang'wa, appadahuukkeagwa.

2 Dimoteo 2:10

Ak aba sareani geamilikteaysi ng'asheega sean aba badayda fuga loat Aseetta, gideaba eara saawa ghwanyas lealeanooda mida jeeda Gristo Yeesu ea giigheambiitta ea eaweega manda mudeanooda.