1 Goriinto 4:5 - NEAJEEDA EESH BEA BUUNEESSEAN

⁵ Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

Bibliyeeda Ghaydit

⁵ Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

1 Goriinto 4:5 Mawu Ofanana

Mattayo 10:26

“Asi adoawwalli saawa aba gideaba ng'asheanda funyaat gajeajaat, nea gitta funyaadiin gajeattahaach.

Mattayo 24:30

ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Mattayo 24:46

Ghang'wana soomjeandida ama hidu Siidaannyi hawiin ghwahitta nea gwasinda ng'asheega gidaghayi surukusiindean.

Mattayo 25:21

Gwayeeshsha siitta hawiin, Ghwadoabiiw soomjeanda miy doabiiwaat; nuwosi doabiwaat aba haleanjeeda ng'ayi, gajambala gasaang'a, benni apteada nea gihoosani sea siida haw.

Mattayo 25:23

Gwayeeshsha siidaannyi haw; ‘Ghwahit soomjeandeanyu miy doabiwaat; nuwosi doabiwaat aba haleanjeeda ng'ayi, gajambala gaasaang'a beenni apteada nea gihoosani sea siidaang'u haw.’”

Lukka 6:37

“Adoorgweakkiisi buuneeda, ak ea majeergweakseegwa; adooyeatti ghuussi, buuneeda ak ea majeeyeatteeweegwa ghuussi; asammisiina buuneeda, ak gajeesamseagwa;

Yohaana 21:22

Gwayeeshsha Yeesu niny, “Iyeagasayi gobiida badayda ng'eanyiida ea dabiigu gwasawannyi naaha? Ang'iing'i eanni geeshteanyu!”

Yohaana 21:23

Hean ghaghayda iittida aba jeedeaba oorjookka gideaba ginealaneetta mayghami; nea Yeesu niny ea mii gwayeeshsha, ginealaneani mayghami geaghus gideaba gwayeeshsha, “Iyeagasayi gobiida badayda ng'eanyiida ea dabiigu, gwasawannyiini?”

Yohaana 5:44

Abeeda gajamwastaan, siida nyasa gigheambiitta hichpa siinuut ak ea magassa gigheambiitta leabu heeda Aseetta?

Ruumi 14:4

Ak guwosi ng'eaha ea argweaksiina soomjeamba siinuut? Aba gideaba aba heeda siidaannyi haw adaw gadiyeeda iissa ghamiinaada ghana ghoabeada. Asi, gajeanung' ghamiinaada, aba gideaba ghoammu Siida haw ghwanung' ghamiinaada.

Ruumi 2:1

Asi mondeawani samsiinda, ea siida, neada guwosi ng'eaha, irgweaksi siinuut, aba inyas girgweaksi siida ada abeeda girgweaksi geaw ang'iing'i, aba gideaba ang'iing'eada argweaksa siida, gisni ng'asheanda uurji diitta.

Ruumi 2:16

nea aba eaweettida aba ginnyaashta giijasteanyu miy, goorgweaksa Aseetta macheamuutka buuneeda aba naweeda Gristo Yeesu.

Ruumi 2:29

Niny Yahuudajeanda gil aba gurorooda, ea ghasmeahooda huumwa leabu jeeda guroroooda, ghaydit ak ea meemmaseawa nuut. Nea dumsheesiindaannyi ea maygwaleabu heeda buuneeda gaygwaleabu heeda Aseetta.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

1 Goriinto 1:7

ak abeeda ea mwashoadeewaneegwa haleanjeeda sugu bea guroorooda, nea ghoammuughu giidaheachta Ng'uttamiideanya was Yeesu Gristo;

1 Goriinto 11:16

Amadeeppa gwanda siida gasa ghang'ut foolayda, ghanyea meanali seareeda nuut ghana eara ganiisajeega Aseetta.

1 Goriinto 11:26

Aba gideaba iyoayaaji mukkatteheeni nea ghoaleaydi bayoogi, goorukkwiidi miyeeda Ng'uttamiida ea ghwahitta eaweeda jea ghwahinna.

1 Goriinto 15:23

Ak gaygaba siisi siittuudu aba badiida Aseetta: Nea Gristo ea haghweega madeeda gil, nea damanda jea ghwahinna gayghwaan heeda fuga was gea Gristo.

1 Goriinto 3:13

abeeda gajeattajiit gadiyeemba giliwas sih; aba gideaba gayghoahiimu Eaweettida, aba gideaba gajeattaajiida beasta, ak abeeda gwasin beasta gadiyeeda ghayi sisin giduurji.

1 Goriinto 3:14

Nea gadiyeeda sin siida wassean nea gwadeeksa uhuudeaba sindeettida gayghaghu abeeda gayghwanyas gimearda.

1 Goriinto 3:8

Siida hista ea dea iin beega gooyang'deayyi, amaduu gay gaba siisi nyas gimeardaannyi gawuurji gidaghayi sinda gadiyeeda.

2 Goriinto 10:18

Aba gideaba mii siida gwarageawiini gil jea eamwas geaghus siitta jea ghaghwar Ng'uttamiidean.

2 Goriinto 10:9

Meagasi eadaah gideaba geagasayi deamuuweagwa aba barawajeega.

2 Goriinto 4:2

Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

2 Goriinto 5:10

Aba gideaba gajeahitta eesasean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gitta ghayi sin aba saseedean.

1 Desaloniikke 5:2

Aba gideaba agooga ghoanalli beadi eaweetta Ng'uttamiida gayghwaanda gidawunniida mareanghweanda eawa.

Ebraniya 4:13

Ak ammadeadaannyi ea manda gidaghayi sisin jea afunyaat, amaduw adaach haleanjeessean ea dawiiri nea daach aba madeeda gheanyangaaschi nea dea jea gorgweakseasa.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Yakkobo 5:7

Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

Yakkobo 5:9

Fuga eaduupcheewi, adonnikkiisi geat, aba gideaba gajiiduw gergweakseegwa; ang'ulla siida laja girgweaguutka ghamiinaada aba gidaghuudajeega.

1 Betro 1:7

ak abeeda aba simsimda masaweegeagwa miyaas ng'al lagheanga meangmeang'i jea gwarooda, earappeadi iissa geesim aba beasta, ak abeeda geadaah gideaba gwandeawa dumsiinda ea gharbeeda ea mureeda aba gidaheachta Yeesu Gristo.

1 Betro 5:4

Iiduw nea geattajiit Jeagiischoochcheanda haw, gajanyasa shiipka giikka mayghaghajaamiit bea gigheambiittean.

2 Betro 3:12

ng'atta ghoammuughu nea ghoanung' ghwalamwajaan hinnooda askwearjeanda Aseetta, aba gideaba humng'eeda gajeayyeat ak geenyarja, ak haleanjeeda gayghwanyar aba beasta!

2 Betro 3:4

nea gwayi, “Gwandeanu gissiheelleatta ghayi bea hinnoadaanyi? Aba gideaba ghang'eada damandida iimeewa gheambaghwaanigaasa, goobiideatta haleanjeessean gideawoojusu ghang'eada deaghayi subwada ng'eanyiida.”

Yuuda 1:14

Appadaydeaba suu Enokki aba seaygeedeaba ispwa ng'eada Adamu gayghwaramoaran, nea gwayi, “Ng'ulla, Ng'uttamiida ghwaan nea goodeana malaykajeagaaschi meammu eyiida, gwanuuseada aba girgweaksiinda,

Giidaheechta 1:7

Ng'ulla, ghwaan nea godeana shamooghuutka, ak gayghwadaa niny giliwas gheang'da, ea giliwas sii ghayi ng'ut niny; ea emoojiga sean bea ng'eanyiida gaygaguuttu heareagaaschi. Asaha. Amin.

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.