1 Goriinto 4:4 - NEAJEEDA EESH BEA BUUNEESSEAN

⁴ Aba gideaba aniini mwaanali gidawassean appadaydeanyu, ak ghanyea meesiksean. Ng'uttamiida dea jea goorgweakseani.

Bibliyeeda Ghaydit

⁴ Aba gideaba aniini mwaanali gida wasean aba badaydeanyu, ak ghanyea meesiksean. Ng'utamiida dea jea goorgweaksean.

1 Goriinto 4:4 Mawu Ofanana

Yohaana 21:17

Gabiikta ghoanyaash deaba samwagu, “Simon, balleanda Yohaana, gibwarinyaani?” Gagiisan Betro aba gideaba geannyaash deaba samwagu gideaba “Gibwariinyaani” Gwayeeshsha niny, “Eah, Ng'uttamiida; ang'iing'i ginali haleanjeessean, ang'iing'i ginali gideaba aniini ghabwarinyeay.” Gwayeeshsha Yeesu, “Ahaaghwana gisilgeasu.

Gadiyeeda Giijasoodiga 23:1

Hean gang'ula Baulo fukka bea girgweageedean muuchchi ak gwayeeshsha niny, “Fugeaduupcheewi, aniini geabiideawi gurorooda miy aba madeeda Aseetta ea ghoaw ghamneawa.”

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda Aseetta, geaghus fukka sina deaweeda jea eattaw doobiiwnatta.

Ruumi 4:2

Asi abeeda Abrahaamu iinyas doobiiwnatta aba gadiyeeda, abeeda gwandeawa gichchea ghaghwara geaw, ak ea mii madeeda Aseetta.

1 Goriinto 4:3

Nea aba heedeanyu nii ea ng'asheanda mwanang' gil gideaba goorgweaksean agooga ghana girgweageeda wassean bea buuneeda. Ak aniini ea mii deargweaksa geaw.

1 Goriinto 4:5

Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

2 Goriinto 1:12

Aba gideaba aseasa geaghwari geat ng'asheanji, nea gitta muuwwu fughareengaasaan gil ak ghoaw gissibeadi aba jeeda ng'eanyiida, ak gabiissa ghwaraanya muuchchi aba heedeang'wa, aba ghaydidanda ea baditta Aseetta bea huumwa, nea mii aba weaghumeeda ng'eanyiida gil geaghus aba dagheerjeandumeeda Aseetta.

2 Goriinto 5:10

Aba gideaba gajeahitta eesasean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gitta ghayi sin aba saseedean.