1 Goriinto 4:10 - NEAJEEDA EESH BEA BUUNEESSEAN

¹⁰ Aseasa geewooschi dasheahi appadayda Gristo, amaduu agooga goondeawi weaghuumeeda appadayda Gristo. Aseasa geewooschi ng'arng'ar, nea agooga goondeawi uurda. Agooga geesinneegwa mureeda, nea aseasa ghanyea meesinneasa mureeda.

Bibliyeeda Ghaydit

¹⁰ Aseasa geewooschi dasheahi aba badayda Gristo, amadu agooga goondeawi weaghuumeeda aba badayda Gristo. Aseasa geewooschi ng'arng'ar, nea agooga goondeawi uurda. Agooga geesineegwa mureeda, nea aseasa ghanyea meesineasa mureeda.

1 Goriinto 4:10 Mawu Ofanana

Mattayo 24:9

Iimuchchu gheeda gajealabeagwa bwadaw eesawaneegwa amaduw geenuuseegwa; gayghwasteagwa Emoojiga sean appadaydeanyu aba gheawungeasu.

Mattayo 5:11

“Ghoang'wani agooga iyang'eawweegwa buuneeda nea geesawaneegwa nea geerukuna badahuukkeagwa ng'asheega munyas sean aba ng'uyyeega appadaydeanyu.

Lukka 10:16

“Siida aleeyseegwa iit, gooleeysean iit aniini, nea dea heawaneegwa, ghaheawanaan aniini, nea dea heawanaan ghaheawa dea ghayi ajeakneani.”

Lukka 18:9

Iiduw gwaruksa galeega fuga hinda geat gilidobiiweadi nea gafool suurja.

Lukka 6:22

Ghoang'wani agoogeeda sideagwa buuneeda, nea gwahistaneegwa nea gong'eawweegwa ak geemmunyasiidi gheawungeagwa, appadayda Balleanda Siida!

Gadiyeeda Giijasoodiga 17:18

Iiduw gwaroannyi sea fuga suguura Eppikuriya ea Stoigi mideawa fughareenga. Hean gwayeeshsha fuga mwaatkwa, “Siisi ajuuriin gagasa gwayiin?” Gwayi mwaatkwa, “Iisung'ulayi ea rabascheanda rukkwiida giijasta aseechcheekka meenala,” aba gideaba gwarukku ng'asheega Yeesu ea ng'asheega dunnooda.

Gadiyeeda Giijasoodiga 17:32

Siyiiy iitta ng'asheega duunnooda miyeeda, hean gwajuuga nwaatkwa; nea mwaatkwa gwayeeshsha, “Geegasayi elleeysiiniit gichcha ng'asheanji.”

Gadiyeeda Giijasoodiga 26:24

Aba damani weada geaw Baulo aba balooldean, hean ghang'eat Festo goojuur nea gwayeeshsha, “Baulo, ang'iing'i gibwageas, gissoomani ittaang'u hawiin ning'ulnyi geeska.”

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

1 Goriinto 1:21

Nea, aba weaghuumeeda Aseetta, ghanyea mwanala ng'eanyiida Aseetta aba naweeda weaghuumeeda, gohoosan Aseetta aba naweeda lendeetta bea ng'asheega surukkwiidiin ak abeeda geelealu fukka numwasiin.

1 Goriinto 1:23

amaduukku aseasa geerukkwiidi Gristoyda ghayi singoor, aba heeda fuga Yahuudi gwaruusa fii nea aba heeda fuga Emoojiga ea lendeeda gil,

1 Goriinto 1:25

Aba gideaba dasheaynatta Aseetta gaburdeawa muuchchi fughareeda buuneeda, nea ng'arng'aranda Aseetta gwandeawa uurda muuchchi ea ghoadaraam buuneeda.

1 Goriinto 10:12

Asi siida eeshsha geaw giminaadi dang'ulla geaw adiiduu ghoabeeda.

1 Goriinto 2:14

Siida maba guroorooda mayghwanyas gida jea ghoadaw Guroorooda Aseetta, aba gideaba aba headaannyi lendeeda gil, ak ea mayghwanal aba gideaba geaghus eanal aba jeeda guroorooda.

1 Goriinto 2:3

Nea aniini ghayi gendeayi nea geawoschi ng'arng'ar ea muuwda sea hirbabandeeda;

1 Goriinto 3:18

Siida adagwareengani geaw. Siida idaah geaw, gideaba gwandeawa weaghuumeeda aba jeedeang'wa aba gweannyeeksu adadashahiida ak abeeda ghwanyas weaghuumeeda.

1 Goriinto 3:2

Aniini ghaabiyeagwa eanooga, meagooneegwa hamitta hang'waay; aba gideaba agooga miyoammuusa; asi eara ghamneawa miyoammuusa,

1 Goriinto 4:8

Asi nihit noolang'uuchchi! Asi nihit noobaruurji! Nea iimeendani ea noahuuyi sugoodiga! Nea appadaydeaba nii ea noombaliischi, ak abeeda geeguuyi gheambalmeeda sea agooga!

2 Goriinto 10:10

Aba gideaba gwayeena, “Barawajeegaaschi eadurmani nea gwandeawa uurda nea saseadaannyi iimida hiji ea ng'arng'ar, nea eara girgweageadaannyi geefool.”

2 Goriinto 11:19

Aba gideaba hooseaneegeagwa ghamilikghta fuga dasheahi, nea agooga gowoschi weaghoodi!

2 Goriinto 11:29

Ak ea ng'eaha gil siida ng'arng'ar, ak amwang'arng'ariidi aniini? Ak ea ng'eaha siida sinung' ghoabeada, ak amwanyareasi aniini?

2 Goriinto 13:9

Aba gideaba geehoosannyi isuwoschi ng'arng'ari ak gondeawi agooga uurda. Gissumwaashchi Aseetta gideaba gagasa amajeegiitta.

2 Goriinto 4:12

Abeeda gagadiyi miyeeda aba sasanuukkaasa, nea gagadiyi eaweega aba sasanuukkeagwa.

2 Goriinto 6:8

aba mureeda ea nyootta mureeda, iisismaneasa ng'asheega munyas ghana eesmaneasa ng'asheega miyaas. Ak geenung' eahuuwa fuga rengani buuneeda nea geerukku huumeanda;

1 Desaloniikke 4:8

Nea siida heawa ng'asheesu, ea mwaheawa siida ghaheawa Aseetta, goneegwa agooga Guroroodaannyi Ghaydit.

1 Betro 4:14

Iisiyeattaneagwa ghuut aba gheawunga Gristo ea ng'wanaweegeagwa gil aba gideaba gurorooda gigheambiitta bea Aseetta gwanda badaydeang'wa.