1 Goriinto 3:8 - NEAJEEDA EESH BEA BUUNEESSEAN

⁸ Siida hista ea dea iin beega gooyang'deayyi, amaduu gay gaba siisi nyas gimeardaannyi gawuurji gidaghayi sinda gadiyeeda.

Bibliyeeda Ghaydit

⁸ Siida hista ea dea iin beega gooyang'deay, amadu gay gaba siisi nyas giimeardaanyi gawuurji gidaghayi sinda gadiyeeda.

1 Goriinto 3:8 Mawu Ofanana

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Lukka 19:19

Gwayeeshsha nii, ‘Ang'iing'i ambala mujiinaji muut.’

Ruumi 2:6

Imuchchu ghoadaw giliwas siida gitteenna seang'ayda ng'asheega nisin:

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

1 Goriinto 3:14

Nea gadiyeeda sin siida wassean nea gwadeeksa uhuudeaba sindeettida gayghaghu abeeda gayghwanyas gimearda.

1 Goriinto 3:7

Siida hista mii gili ghana siida iin beega geaghus Aseetta arudu.

1 Goriinto 3:9

Aba gideaba aseasa geewooschi fuga sin gadiyeeda Aseetta; agooga goowooschi madamnyeanda Aseetta, nea goowooschi gheeda Aseetta.

1 Goriinto 4:15

Aba gideaba earappeadi ondeawi ginealshoodiga manda moonneeda aba jeeda Gristo, ea moondeawani ghweaniga saang'a. Aba gideaba aniini naahuuyi ghweandeang'wa aba jeeda Gristo Yeesu aba naweeda giijasta miy.

1 Goriinto 9:7

Nii gajea ana shirikaarajean gil jea gawa ng'uchcheeda aba lappiyeadaannyi niny nea gaba geaw? Nii gajea ng'eaha gil siida jea gwahista msabiibu jea ea may ghwaak haghweagaaschi? Nii gajea ng'eaha gil jea gooheagwiischi ak aamwali eanooga haleanjeeda ahaaghwa?

Galattiya 6:4

Ak daba siisi sawsa gadiyeadaannyi nea gabageaw, ak gayghwanyas gichchea ghaghwara geaw niny aba gadiyeadaannyi, nea mii hichpa sii nuut gil.

Galattiya 6:5

Aba gideaba gaygaba siisi sar sareandaannyi nea gabageaw.

Ebraniya 6:10

Aba gideaba Aseetta mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahhiimu appadaydaannyi aba gadiyeesiinda fuga ghaydidi, duu asna eara ghamneawa.

1 Betro 5:4

Iiduw nea geattajiit Jeagiischoochcheanda haw, gajanyasa shiipka giikka mayghaghajaamiit bea gigheambiittean.

2 Yohaana 1:8

Ang'ulla sasanuukkeagwa, adoohutteawayi geanoosinnyi, ak ghoanyaschi gimearda hidaat.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Giidaheechta 22:12

Ng'ulla, ghaawunnyi nea ghaalamwajaanyi, nea geayeadu gichchea daadaw siida, ak ghaadawji giliwas sii giduurji gidaghayi sin.