1 Goriinto 3:10 - NEAJEEDA EESH BEA BUUNEESSEAN

¹⁰ Aba gitteenna dagheerjeandumeeda goonan Aseetta, ak geawuurjeewi siida geariir haweewa fuga deekshi geasinyi sindeetta, ak gwadeeksheewa siinuut uhuuda. Ak ea daba siisi ng'ula gitteeksheatta aba uhuudeaba sindeedi.

Bibliyeeda Ghaydit

¹⁰ Aba giteena dagheerjeanduumeeda goonan ASEETA, ak geawuurjeewi siida geariir haweewa fuga deekshi geasinyi sindeeta, ak gwadeeksheewa siinuut uhuuda. Ak ea daba siisi ng'ula giteeksheata aba uhuudeaba sindeedi.

1 Goriinto 3:10 Mawu Ofanana

Mattayo 24:45

Nii gajea anasihi was soomjeanda doabiiwaat mideawa weaghumeeda, iin siidaannyi haw uhuudeaba gheannyi ak ghoadaw buuneeda daghwarda aba damandaannyi?

Mattayo 7:24

“Asi siida wassean nyoo ghwayiiy ng'asheegeasu ak gwasin, gajeegala weaghoochcheanda fughareeda, deeksa gheannyi uhuuda harearacheanda;

Lukka 11:35

Asi amilmiliitta adiiduw ghoaw weeshinda mida jeadaang'u misaneeda.

Lukka 21:8

Hean gwayeeshsha, “Ashageada adagahuttaneegwa siida; gwanda fuga saang'a jea ghapkaana gheawungeasu, nea gwayeena, ‘Siida aniini gil!’ Nea ‘Damanda nineekkiit!’ Adoayachchi geeshta.

Gadiyeeda Giijasoodiga 18:27

Iiduw nea gagasa ghoaghaaw gawa Akkaya, gageanu fuga siduupcheewi ak gommajeek niny, ak geeng'waar barawajeanda gaweesa ginealangiga ghwadeapta siisi. Damanda hittaawa hoowa, ghaweat fukkeanji muuchchi ghayi mwas aba dagheerjeandumeedean,

Ruumi 1:5

nea appadaydeaba niny ghayi geanyaschi dagheerjeandumeeda ea giijasoochcheandumeeda ak ghwanyas mureeda ea masaweega aba ghawungaaschi aba jeeda emoojiga sean;

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.

Ruumi 15:15

Ak ghamneawa ghaang'waarji nea ghaamwanyiichchi muuchchi nea geapkeaneegwa aba miyeenooda goonan Aseetta,

Ruumi 15:20

aba jeedeaba gassoodeanyu bea Giijasta miyiin, ea mii aba heeda ghayi surukusa gheawunga Gristo, ak abeeda ea meadeeksheewani uhuuda sindeetta ghayi deas siinuut,

1 Goriinto 3:11

Aba gideaba manda siinuut jea gwasin sindeetta nuut, geaghus diitta ghayi nigeawiit eesiniin, nea Yeesu Gristohi.

1 Goriinto 9:2

Aba gideaba iimeawoosi giijasoochcheanda, aba heeda buuneeda suurja, iiduu geawoschi aba heedeang'wa agooga; aba gideaba agooga goowooschi girooraneeda giijasoochcheandumeedeanyu aba jeeda Ng'uttamiida.

2 Goriinto 10:15

Nea mwajeaghwara geat ea ghwanaawa deascheeda aba sawanadeeda buneessuurja gil; abeeda gendeawi rarooda gideaba gaygwaheedu masaweegeagwa gagasa gwaheedu gadiyeedeanya aba jeedeang'wa,

Efeeso 2:20

sideeksa badayda sindeatta ghayi bea giijasoodiga ea subanga, ak Gristo niny ea lagheaneeda haw washiini,

Golosaayi 1:29

Nea geasawannyi geaw aba nii, nea geamajeekchi aba uurda sinoodeaba gadiyeeni iin jeedeanyuun.

Golosaayi 4:17

Arukusiina Arkipa, “Gideaba ng'ulla muuchchi gadiyeetta goonnyi Ng'utamiidean sina nea gihiidi.”

1 Desaloniikke 3:2

Ng'atta gechcheagu orjeediyya was Dimotteo, was soomjeanda Aseetta bea Giijasta miy bea Gristo, goodiing'u masaweegeagwa ak goomajeegeegwa,

1 Dimotteo 4:16

Ghamwada saseedaang'u ea ginealshoadaang'u. Abiidana jeedeaba ng'asheesu aba gideaba iisini ng'asheanji gajaghuhageaw ea fukka alleeyseey iidiin.

2 Dimoteo 2:15

Milmiliida eadaanyi gideaba nimwasnyi Aseetta, siida gadiyeeda mwabwaspwasa aba gadiyeedaanyi, ak ginaali ng'asheanda huumwa aba gidamisiinda.

Yakkobo 3:1

Fuga eaduupcheewi, adoohuuyi ginealshoodiga saang'a aba gideaba ghoanalli beadi aseaseeni anealshiin jea eanyasa girgweaksiinda haw ea ghwanaawda.

1 Betro 4:11

siida wassean balool, gawuurji dea rukku ng'asheega Aseetta; nea dea wassean sin gadiyeeda, dawuurji dea sin gadiyeeda aba uurda adaw Aseetta; ak abeeda aba haleanjeessean geakghaambiit Aseetta aba naweeda Yeesu Gristo. Gigheambiitta gammiisa niny ea gheambalmeeda ea ghoaw damanda manda muudeanooda. Amin.

2 Betro 3:15

Ak agooga ghwaanali gideaba gidamilighteayda Ng'uttamiideanya gay gwasmaneegwa lealeanooda, ak eara oorjeeda giyeanya subwariiy was Baulo gang'oorneegwa aba weaghuumeetta siitaw ninyiin,

Giidaheechta 21:14

Ak ghamarda mujiini abeeda gwandeawa sindeechcheewi damaniyyeenya, ak badaydeaba sindeechcheekkiga gwanda gheawun damaniyyeenya bea giijasoodikka attamaniyyeeenya bea Dayeenda Gisilleandean.

Giidaheechta 21:19

Nea sindeechcheekka ghamarda mujiini abeeda siittaamdaamwa aba giliwas laghaana haw sheayeat; dea madeeda ea mur, deabiyyeenya gameaji ea oomu, deaba samwagu ea ng'oreadi, deaba ang'wan ea nyawiish,