1 Goriinto 2:8 - NEAJEEDA EESH BEA BUUNEESSEAN

⁸ Ea manda aba jeeda fuga ambaliischi aba damani dea nal ng'asheanji; aba gideaba inyeeda heetta ghwanal, abeeda ea maygongoor Ng'uttamiida ghambiidaat.

Bibliyeeda Ghaydit

⁸ Ea manda aba jeeda fuga ambaliischi aba damani dea nal ng'asheanji; aba gideaba inyeeda heeta ghwanal, abeeda ea maygoongoor Ng'utamiida ghaambiidaat.

1 Goriinto 2:8 Mawu Ofanana

Mattayo 11:25

Aba damandida gwayi Yeesu, “Geabadiischoweey ea Bwaabwa was Ng'uttamiida humng'eeda ea ng'eanyiida, aba gideaba gufnyi ng'asheesu fuga weaghoodi ea fuga mideawa fughareenga akkihiimsi diibiga manang'i;

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

Lukka 23:34

Ak gwayi Yeesu, “Bwaabwa, eaniiyean samsiina fiisu; aba gideaba mwanala gissin.” Hean geelaja hang'wakkaaschi ak geng'alealleesa.

Yohaana 16:3

Gaygwasmaneegwa ng'asheesu aba gideaba mwanala Bwaabwa ak amwanalan eara aniini.

Yohaana 7:48

Ghoang'ng'wa adaaha earea siyagi gil aba jeeda fuga ambaliischi dea mwas ghana Farisaayu dea mwas niny?

Yohaana 8:19

Ak geeyeeshsha niny, “Ghwandaang'u gwanda yeenu?” Ghwalamda Yeesu ak gwayeeshsha, “Agooga mwoanalaan aniini ghana Bwaabwa; aminyeetta ghwanyawa ghoanallaan aniini, ghwanyawa gajanala eara Bwaabwa.”

Gadiyeeda Giijasoodiga 13:27

Aba gideaba fuga mida Yerusaleemu ea fuga nyaawa ambaliischi, ak ea mwanala niny ghana gwajeeng'u ng'asheega sibanga sissoomani aba giliwas sabatto, hean ghoahiit aba girgweaksiinda.

Gadiyeeda Giijasoodiga 7:2

Ghwasha Stefano ak gwayeeshsha, “Fugeaduupcheewi ea ghweanigeasu, oleeysean iit. Aseetta ghaambiidaat ghayi gabussiinnyi sea ghweandeanya was Abrahaamu, damanda mideewa ng'eanyiida Mesopotamiya, nea mii gawa goobiida Haraani,

1 Goriinto 1:20

Gwandeenu siida was weaghoochcheanda? Gwandeenu ng'oorshoochcheanda? Gwandeenu siida argweaji bea damani? Neada Aseetta ea mii ghwanung' ghoaw lendeeda weaghuumeeda ng'eanyiida?

1 Goriinto 2:6

Nea jeeda fuga nihittiisa heeda aba masaweega ginaali weaghuumeeda, earappeadi mii weaghuumeedeaba damani ghana dea fuga ambaliischi aba damani, was gea jea gammuudean gil.

2 Goriinto 3:14

Iiduw fugheerga nyaawa geanung' gahang'oonyiidi; aba gideaba eara askweareani damanda sissoamwana neajeedeaba garayi, gili sikkwealliisa uhuudean gudugwanda heeda, geaghus egeanda iguuyi siida sea Gristo.

Efeeso 1:17

ak abeeda Aseetta Ng'uttamiideanya was Yeesu Gristo, Bwaabwa gigheambiitta, gagasa gagooneegwa gurooroodaannyi bea weaghuumeeda ea dea gidaheechta jea analana niny,

Efeeso 4:18

ak fughareenga nyaawa ea sunung' gamisaniidi, ak ea sihheelli sea eaweega Aseetta, aba leendeeda mida jeanyaawa nea gwasin hang'ooynachcheeka jeesinga nyaawa;

1 Dimotteo 1:13

Abeeda aniini ghayi amwali nyeesa geanyareesay buuneeda nea geang'eaway, nea geasawanyi ak ghanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.

Yakkobo 2:1

Fuga eaduupcheewi, adiiduw ghoahhiimu shiitmeeda nea ghoong'ng'waanyi masaweega Ng'uttamiideanya was Yeesu Gristo, Ng'uttamiida gigheambiita.