1 Goriinto 15:2 - NEAJEEDA EESH BEA BUUNEESSEAN

² amaduu geelealneegwa, aba iyoang'ng'waanyi muuchchi ak geaghus gaba masaweegeagwa mwadaagha.

Bibliyeeda Ghaydit

² amadu geelealneegwa, aba iyoang'waanyi muuchi ak geaghus gaba masaweegeagwa mwadaagha.

1 Goriinto 15:2 Mawu Ofanana

Lukka 8:13

Nea giikka abitpissa badayda harearachcheandean, giikka ama iiy ng'asheanda ghoang'ng'waay nea gahoosaniini; ak ea mandeawana hawungeani, iissa ghamwas gilinuwaas ama duw nea geesimsim gabay gabiikta bwadaw.

Gadiyeeda Giijasoodiga 2:47

iiduw geduumsheesa Aseetta nea ghabwariy buuneessean. Ak ghwanung' Ng'uttamiida ghoahaada monneeda fuga silealu galeagasean.

Gadiyeeda Giijasoodiga 8:13

Simon eara niny iiduw ghamwas, ng'atta giibattiisandaannyi hean goodeayi Filippo. Ak ghwadaa ng'asheega deamdeameadi ea gwadeagwajeega hees sisin, ak ghahamng'eanyi.

Ruumi 1:16

Aba gideaba maydabwaspwas aba Giijasta Miy, ba gideaba uurda Aseetta gil dea eadu lealeanooda aba heeda siida wassean mideawa masaweega, heeda siida Yahuudi ammadeeda ak gabassa siida Yunaani.

Ruumi 11:22

Asi nala ng'eeninda ea ng'weaninda Aseetta: ng'weaninda aba heeda fuga abeada, amaduukku ng'eeninda Aseetta aba headaang'u, gagasa gideaba gawosa ng'eeni; masa gidada earang'iing'i gajeelakseey ng'eanyi.

1 Goriinto 1:18

Aba gideaba ng'asheanda beehiida aba heeda fuga roodeadi leendeeda gil, nea aba heedeanya aseaseeda silealu ea uurda Aseetta.

1 Goriinto 1:21

Nea, aba weaghuumeeda Aseetta, ghanyea mwanala ng'eanyiida Aseetta aba naweeda weaghuumeeda, gohoosan Aseetta aba naweeda lendeetta bea ng'asheega surukkwiidiin ak abeeda geelealu fukka numwasiin.

1 Goriinto 11:2

Asi ghaaghwarjeedwa aba gideaba noapkachchaan aba haleanjeessean ea gideaba noang'ng'waanyi searoojikka ghayi eagoonnyeegwean.

1 Goriinto 15:14

ama Gristo ii mii gwaduudu, abeeda rukkwiideaydeanya bea giijasta gaba mwadaagha ak masaweegeagwa gaba mwadaagha.

2 Goriinto 2:15

Aba gideaba aseasa geewoschi shearooda ng'andit bea Gristo aba madeeda Aseetta, aba heeda fuga lalaan ea heeda fuga nirooda,

2 Goriinto 6:1

Nea aseasa iisisinnyi gadiyeeda sea niny, hean geemuscheegwa gideaba adiiduw ghoanyaschi dagheerjeandumeeda Aseetta mwadaagha.

Galattiya 3:4

Ghoanyaschi sawanadeeda haw sunu mwadaagha? Iimwadaagha gil ea huumwa.

Efeeso 2:8

Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

2 Desaloniikke 2:15

Asi, fuga eaduupcheewi, amiinaada nea gommajeekchi geat, ak ghoang'ng'waanyi ng'asheekka ghayi sinnalleagwean, gaba ng'asheega ghana gaba barawajeanda.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Ebraniya 10:23

Gagasa eang'ng'waanya muuchchi duukkuunooda sirarji nea mwabealbeala, aba gideaba siida rugu nea gohelleesi ea doabiiwaat;

Ebraniya 2:1

Asi gammiiseasa gideaba gajeeng'ulla muuchchi ng'asheega ghayi siyiinyi, ghana esheagiidana.

Ebraniya 3:14

Aba gideaba geguuyeesi Gristo, iisibeachcheewi gideaba geang'ng'waanyi muuchchi gitta sisikteawi ammwadiin ea gagul muudeanooda,

Ebraniya 3:6

nea Gristo ea doabiiwaat aba jeeda gheeda Aseetta nea gawuurji balleanda. Ak geewoschi gheannyi ising'ng'waanyi muuchchi gitta sisikteawiin nea geaghwarji gitta sirarjiin.

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

Yakkobo 2:14

Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweekka ikkaaschiin gayghoammu gwalealu?

Yakkobo 2:17

Asi gwasnu eara masaweega nea gaba geaw iimandeawana gadiyoojiga aanimi.

Yakkobo 2:26

Aba gideaba gawuurji saseeda iimanda gurorooda animi, gwasnu eara masaweega iimandeawana gadiyeeda animi.