1 Goriinto 14:3 - NEAJEEDA EESH BEA BUUNEESSEAN

³ Nea aba meatkweeda niirja, siida ramoorani gobalool buuneeda aba gidiing'nooda nyaawa nea goomajeek ea geandeayda salagheang'da.

Bibliyeeda Ghaydit

³ Nea aba meatkweeda niirja, siida ramoorani goobalool buuneeda aba giidiing'nooda nyaawa nea goomajeek ea geandeayda salagheang'da.

1 Goriinto 14:3 Mawu Ofanana

Lukka 3:18

Gwareekusa nea goobaloola buuneeda ng'asheega saang'a nea gwarukkwiida Giijaasta Miy.

Gadiyeeda Giijasoodiga 13:15

Iing'atta nea nihit giissoomanda digheanda ea gittaabooda deayeega Muusa ea gea ng'ooruutka sibanga, hean ghang'eat fuga hees bea ghooriida sinealshachcheewa ak geechcheaksa nea geeyeeshsha, “Fuga siduupcheewi, iyoondeawi ng'asheanda ogasayi amusa appadahuukkeaba fiisu ak goomajeek goorugu.”

Gadiyeeda Giijasoodiga 14:22

hean goomajeek guroruunatka ginealanga, nea gobaloola gideaba oppiidana jeeda masaweega, ak gwayeeshsha gajeanyasa sawanaduutka saang'a ijea eweaya jeeda sugoochcheandumeeda Aseetta.

Gadiyeeda Giijasoodiga 15:32

Nea Yuuda ea Sila, abeeda saawa ea sibanga gil, hean goomajeek fuga siduupcheewi aba ng'asheega saang'a ak ghwanung' gamajeekcheewiidi.

Gadiyeeda Giijasoodiga 4:36

Nea Yoseefooda ng'assa giijasoochcheanda gheawunga siyigheawunga siyi Barnaba (nea gideaba, Balleanda jea goomajeek gil), nea niny ea siida Laawi, siida ng'eanyiida Gupro,

Gadiyeeda Giijasoodiga 9:31

Iiduw ganiisa aba jeeda Yudeeyayda sean ea Galilaaya ea Samariya ghwanyas hoyyoo nea gedeegu; hean ghabeawa muuwda aba heeda Ng'uttamiida nea gageanda salagheang'da Gurorooda Ghaydit ak ghoahaada.

Ruumi 12:8

ea siida reekkwiisa buuneeda gil, aba jeeda reekusiindaannyi; ea siida adayyiida haleanjeeda, aba jeedeesh; ea siida weeda buuneeda mideawa doobiiwnatta; siida sina gadiyeeda baydeayda, biissa gahoosani.

Ruumi 14:19

Asi iisunu geang'ng'waanyi ng'asheega weayda ea ng'asheega miyaas jea gwadeekneegwa.

Ruumi 15:2

aba jeedeanya daba siisi ahoosan gischeewoochcheandaannyi aba ng'asheega miyaas ak geemmajeek masaweagaaschi.

1 Goriinto 10:23

“Haleanjeessean ghwahit,” ak ea mii haleanjeessean gil gea jea ghaweat fii, ak ea mii sean gil gea jea gwadeegu.

1 Goriinto 14:12

Gwasnu earaba heedeang'wa; aba gideaba googasayi muuchchi gideaba gajahuuwa fuga mideawa uurda aba Gurorooda, agassa muuchchi gideaba gajandeawana ak ghoadeaschi ganiisa.

1 Goriinto 14:17

Aba gideaba gwadeeppa badiischeesiina muuchchi, iiduu siida niirja eamaloossiina gil.

1 Goriinto 14:26

Fuga eaduupcheewi, asi gajeeyeanaan? Iyoobwachchi geat, gaba siisi mideawa duumda, ea ginealshooda, ea gidaheachta, ea iit nuut, ghana rooppunooda ng'asheega.

1 Goriinto 14:31

Aba gideaba ghoammuuschi oagasean gaba siisi ramoaran, ak abeeda ghwanal sean, nea geemmajeek sean;

1 Goriinto 8:1

Asi ghamneawa aba iitta hamichchoojiga siittaw haleanjeeda mawosa Aseetta; geanalli gideaba “Aseasa easasean gendeawi fughareeda.” Fughareeda iissa ghaghwar geaw, nea bariinyeega iissa gwadeegu.

2 Goriinto 1:4

geanniida salgheang'deanya sean ea sawanadeeda, ak abeeda geammuuschi earaseasa egeandeawana salgheang'da fukka mida jeeda sawanaduutka seaniin, aba salgheang'da geandeawaneasa Aseettean.

2 Goriinto 2:7

hean ghang'wana giyami geaw ak gisamsi nea gigeandeawi salgheang'da, ghana gajiiduw ghwajoar giseaneega ng'waan muuchchi.

Efeeso 4:29

Adagwarinna ghuusigeagwa ng'asheega munyas, inyeessa goobalooli gaamiyaas jea ghaweat gilinyoo ea siida gil, ak ghoadaw dagheerjeandumeeda fuga aleeyseegwa iit.

Efeeso 6:22

Ak ea neajeagu niny heedeang'wa appadaydeaba ng'asheesu, ak ghoanalli gissuwuurjeewi, nea goomajeek jeesingeagwa.

Golosaayi 4:8

Ak ea neajeag'u niny heedeang'wa appadaydeaba ng'asheanji, ak abeeda ghoanalli gissuwuurjeewi ea gideaba gaygoomajeek jeesingeagwa,

1 Desaloniikke 2:11

aba gideaba agooga ghoanalli, gawuurji ghweanda ea diibigaaschi, iissa geamiinnyi gheang'ba giliwas sih nea geemmajeegiideegwa nea gerekuseegwa

1 Desaloniikke 2:3

Aba gideaba gissumuschi maleapna heeda ramaseanda ghana ririnyeanda, ghana eesin aba milmilanda;

1 Desaloniikke 3:2

Ng'atta gechcheagu orjeediyya was Dimotteo, was soomjeanda Aseetta bea Giijasta miy bea Gristo, goodiing'u masaweegeagwa ak goomajeegeegwa,

1 Desaloniikke 4:1

Aba huuydeayda, fuga eaduupcheewi, geemuscheegwa nea geamiinnyi gheang'deang'wa aba jeeda Ng'uttamiida was Yeesu, ak gawuurji gissinnaaldaneagwa aba heedeanya gidanisiindaneegwa oppiideatta nea gohhoosannyi Aseetta, ak gawuurji gidoosindi agooga, ak gagasa agooga asna muuchchi ea ghwanaawa.

1 Desaloniikke 4:18

Asi ageandeawana geat salgheang'da aba ng'asheesu.

2 Desaloniikke 3:12

Asi ghamneawa gajeattawa fiisu digheanda nea geamiinnyi gheang'da aba naweeda Ng'uttamiida was Yeesu Gristo dasna gadiyoojiga nyaawa nea ghwasiinda ak ghwanyas hamitta nyaawa jea ghwaak.

1 Dimotteo 1:4

Ak ea adagang'ulla ng'asheega ghwasildeanga ea iitooda gheambaghweaniga mamudeana jea gweadu sheangnyeeda ak ea mwalooda gil nea mii gheambalmeeda Aseetta mida jeeda masaweega, asi sindunu.

1 Dimotteo 4:13

Damani jea doonaan, milmiliida aba giissoomanda nea gireekusi buuneeda nea ginaali.

1 Dimotteo 6:2

Ak soomjoogiga was meanang'oodiga nyaawa fuga masaweegean adagafool aba gideaba oorjookkeennyaawa ghang'wana gagadiyeesa muuchchi aba gideaba suu weat soomjooga aba gadiyeeda nyaawaan niiw fuga masaweega ak ghabwariiy. Ng'asheesu anaala nea gireekusi.

2 Dimoteo 4:2

rukwiida giijasta wosa hidaat (damanda miseey ea damanda mamiiseey), awoowsiina ajuursiina nea gireekusi aba milighteayda sean ea ginealshooda.

Ditto 1:9

nea ghoang'ng'waay muuchchi ng'asheanda gawuurji gissinnaalda, ak abeeda ghoammu ghoadayda ng'asheega gichchea eabeeda aba ginealshooda huumwa nea ghwajoar fukka heawaan.

Ditto 2:15

Ruksiina buuneeda ng'asheesu, reeksiina nea giiwoowsi aba gheambalmeeda indeawi sean. Ak ea adiidu gafoolnyi siida.

Ditto 2:6

Ak gireekusi eara gheareemanga gwandeawa gheadeenda.

Ditto 2:9

Ging'ng'oonyanga gamiisa gideaba gaygwasiisa meanang'oodiga nyaawa mureeda, nea gahaguwsa aba halanjeesean, ak adagwasheaha ng'asheega,

Ebraniya 10:25

nea adeanung'waadi badoodeaba geat, ak geesinnyi seareeda fuga mwaatkwa, gidabal gaba siisi amajeek nuut, nea aba sean ghoadaayi gideaba Eaweettida girgweaksiinda nineekkiit.

Ebraniya 13:22

Geamuscheegwa, fuga eaduupcheewi, oang'ng'waanya ng'asheandeanyu jea goomajeegeegwa, aba gideaba ng'asheesu geang'oorneegwa nea ghanuwaaschi.

Ebraniya 3:13

Daba siisi amajeek nuut galeagasean, aba hiji duueeguura “ghamneawean,” ak ea manda jeedeang'wa siida jea ghoahang'waay aba reengaweega ring'eeda.

1 Betro 5:12

Geang'oorneegwa barawajeanji nea ghaweadan Silwaano, niny ghaadaayi oorjeediyya doabiiwaat gil, ak geang'ayiichchi ng'asheesu bea reekusiindean nea geargu gideaba nii dagheerjeandumeeda huumwa gil bea Aseetta; amiinaada appadaydeaba nii nea gowoschi majeekcheewi.

Yuuda 1:20

Nea agooga, fuga abwariinyi, amajeegiitta appadayda masaweegeagwa ghaydidi muuchchi; nea ghoamwaashchi Aseetta aba Gurorooda Ghaydit;