1 Goriinto 12:1 - NEAJEEDA EESH BEA BUUNEESSEAN

¹ Fuga eaduupcheewi, asi ghamneawa aba iitta haleanjeeda sugu bea guroorooda, aniini meagassi amoanali.

Bibliyeeda Ghaydit

¹ Fuga eaduupcheewi, asi ghamneawa aba iita haleanjeeda sigu bea guroorooda, aniini meagassi ea moanali.

1 Goriinto 12:1 Mawu Ofanana

Ruumi 1:13

Iiduw fuga eaduupcheewi, geagasayi anala, gideaba iissa geagasayi galeagasean wunooda heedeang'wa, (ak geattealan ea ghoaw ghamneawa), ak abeeda ghaanyaschi haghweega aba heedeang'a, gawuurji gidanyasti aba jeeda Emoojiga.

1 Goriinto 10:1

Fuga eaduupcheewi, geagasayi anala gideaba, gheambaghwanigaasa ghayi gookkwa shamooghooda sean, ak ghoaghaawa sean basooda,

1 Goriinto 14:37

Siida iyeeshsha geaw guwosi sibaneeda gil, ghana ea siida gurorooda, gayghamwas ng'asheesu eang'oorneegwean gideaba gwargu Ng'uttamiida.

2 Goriinto 1:8

Aba gideaba aseasa meegassi adasheahiitta, fuga eaduupcheewi, appadayda sawanadeetta sinyaschi aba ng'eanyiida Asiyahiin; aba gideaba aseasa geewoschi hidaat, gearaanyi eamilikghta ak ghang'aaleasa ea ealagaana earaba eaweaga.

Efeeso 4:11

Hean gageanu mwaatkwa ghoaw giijasoodiga, nea mwaatkwa ghoaw sibanga, nea mwaatkwa ghoaw fuga jea gwarukkwiida giijaasta miy, mwaatkwa ghoaw haghweadoodiga ea ginealshoodiga,

1 Desaloniikke 4:13

Fuga eaduupcheewi asi aseasa meegassi amoanali gil, aba iitteaba fukka nimeewean, ak abeeda ea mogiisandani fuga mandeawana rarooda.

2 Betro 3:8

Asi adofoolli ng'asheanji assagi bea huumwaan, oorjoogeasu abwariinyi, bea gideaba aba heeda Ng'uttamiida eaweechchanjagi gawuurji sea gweannyeew sagalama, nea gweannyeew sagalama gawuurji eaweechchanjagi.