1 Goriinto 1:2 - NEAJEEDA EESH BEA BUUNEESSEAN

² Heeda ganiiseeda Aseetta mida Goriinto was fuga ghayi simmiidu aba jeeda Gristo Yeesu, ghayi suguursa ghoaw fuga ghaydidi, sea fuga sean guriisa gheawunga Ng'uttamiideanya was Yeesu Gristo aba heeda wassean. Niny Ng'uttamiida nyaawa gil, ea deanya.

Bibliyeeda Ghaydit

² Heeda ganiiseeda ASEETA mida Gorinto was fuga ghayi siimiidu aba jeeda Gristo Yesu, ghayi siguursa ghoah fuga ghaydidi, sea fuga sean guuriisa gheawunga Ng'utamiideanya was Yesu Gristo aba heeda wassean. Niny Ng'utamiida nyaawa gil, ea deanya.

1 Goriinto 1:2 Mawu Ofanana

Gadiyeeda Giijasoodiga 10:36

Ak ghoanalli ng'asheanda ghayi ajeaksa fuga Israeeli, bea rukwiideayda giijasta miy bea hoyyoo aba naweetta bea Yeesu Gristoohiin, (nea niny ea Ng'uttamiida buuneessean,)

Gadiyeeda Giijasoodiga 15:9

ak ea masna shiitmeeda aba aseasa ea saawa, ak goohuun guroruunatka nyaawa aba masaweega.

Gadiyeeda Giijasoodiga 18:1

Ng'atta ng'asheesu ghang'eat ghabeawa Adeene ak gawa ng'eanyiida Goriinto.

Gadiyeeda Giijasoodiga 22:16

Ghamneawa gimuughu naaha? Ng'eada eppattiisannyi, ak geehhuun ring'eegaagu, nea giguursi gheawungaaschi.’”

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Gadiyeeda Giijasoodiga 9:13

Ghwasha Anania nea gwayeeshsha, “Ng'uttamiida, naayiinyi ng'asheegeaba siisi aba heeda fuga saang'a, ak eara ng'asheega munyas nisma fugaagu ghaydidi aba Yerusaleemu;

Gadiyeeda Giijasoodiga 9:14

ak ghamneawa gwandeawa gheambalmeeda adaw ashoohoodiga hees bea gideaba gayghwoong'ng'waay ak gwajaksa ghealooniga fuga rukku gheawungaagu.”

Gadiyeeda Giijasoodiga 9:21

Ghahamng'eanyi buuneessean alleeysiit, nea geeyi, “Siisi miidea ghayi las uhuuda buuneeda aba Yerusaleemu was fuga rukku gheawung'su? Ak ghwahidu hiji nea gagasa ghoong'waay buuneeda ak gwarada ak gweassa ashoohoodiga hees.”

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Ruumi 10:12

Aba gideaba manda gidaheeleetta siida Yahuudi ea dea Yunaani; aba gideaba niny Ng'uttamiida buuneessean gil, bissa gwandeawa baruureega appuneessean guuriisa niny.

Ruumi 3:22

ak ea doobiiwnatta Aseetta gil, aba naweeda masaweega mida jeeda Yeesu Gristo aba heeda buuneessean mideawa masaweega. Aba gideaba maheelli;

Ruumi 8:28

Ak geanalli gideaba aba jeeda ng'asheega sean iissa gwasin Aseetta gadiyeeda miy sea fukka bwariiy ninyiin, fukka ghayi suguursa aba gidagassiida ninyiin.

1 Goriinto 1:30

Niny gumdooda eaweegeagwa gil aba jeeda Gristo Yeesu, ghayi nung' Aseetta ghoaw weaghuumeedeanya, ea doobiiwnatteanya ea gimmiinnooda, ea lealeanooda;

1 Goriinto 10:32

Adoanung' goodiiy fuga Yahuudi ghana gea Yunaani ghana ganiiseeda Aseetta,

1 Goriinto 12:27

Asi noahuuyi saseeda Gristo nea gaba siisi was roabadeadaannyi.

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

2 Goriinto 1:1

Baulo, was giijasoochcheanda Gristo Yeesu aba gidabwariiyda Aseetta, ea Dimotteoyda was orjeediyya. Heeda ganiiseeda Aseetta mida Goriinto, sea fuga ghaydidi sean mida jeeda ng'eanyiida sean bea Akkaaya:

2 Goriinto 4:5

Aba gideaba meerukkuuni ng'asheega badahuukkaasa aseasa geerukku gideaba Gristo Yeesu Ng'uttamiida, ea gideaba aseasa geewoschi soomjoogeagwa appadayda Yeesu.

Galattiya 1:2

ea oorjooga giyeanya sean eandeawi, Aba heeda ganiisajeega mida Galattiya:

Efeeso 5:26

ak abeeda gabaysiina gimminoadaannyi nea goohuun aba beega ea ng'asheanda.

1 Desaloniikke 1:1

Baulo, ea Silwaano, ea Dimotteo, Heeda ganiiseeda Desaloniikke mida heeda Aseetta was Bwaabwa ea heeda Ng'uttamiida was Yeesu Gristo: Gagasa anyasa dagheerjeandumeeda ea hoyyoo.

1 Desaloniikke 4:7

Aba gideaba Aseetta maguurneasa eppiidana jeeda ririnnyeanda was ng'asheega munyas, gagasa eppiidana jeeda ghaydidanda.

2 Desaloniikke 1:1

Baulo ea Silwano, ea Dimotteo, ea ganiiseeda Desaloniikke mida jeeda Aseetta was Bwaabwa sea Ng'uttamiideanya was Yeesu Gristo.

1 Dimotteo 2:8

Asi geagasayi gwandeawa headiga geattinga miyaas, biissa ea manyareessa, biisa ea masheangdooschi. Abeeda headiga sunu ea dagatgada geattinga nyaawa googeal humng'eeda galeagasean damanda mooshta ghawooda.

1 Dimotteo 3:15

Ama deeppa dashingda ginali gidamiisa gibinda fuga gheeda Aseetta was Ganiiseeda Aseetta majeek, wa sindeetta ea Lagheaneeda akar gheeda bea huumwa.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

2 Dimoteo 2:19

Ak sindeetta ghayi inni Aseetta ea nimiinaada nea majeek, nea uhuudaanyi geengoorsa ng'asheesu, “Ng'uttamiida ghwanal gea was gaaschi.” Ak gicha gilinyoo gwarukku gheawunga Ng'uttamiida adanung'waada ng'asheega munyas.

2 Dimoteo 2:22

Asi mang'wana ng'asheega munyas bea gheareemaneandumeeda wa geawunda gheang'da, aada geeshta ng'asheega doobiiwnata ea masaweega ea bariinyeega ea hoyyoo sea fuga sean guurriisa Ng'uttamiida aba jeeda miy.

Ebraniya 10:10

Ak abeeda aba gitta gasean abeeda gajeammiinneasa aba naweeda haleanjeeda sisappa geadi was saseeda Yeesu Gristo nibwagi ak ea majeebiikta.

Ebraniya 13:12

Eara Yeesu gwasawana aba madeettooshta ak abeeda ghoammiidu buuneeda aba foojeandaannyi.

Ebraniya 2:11

Aba gideaba dea ammiidu ea gea simmiidu gwaleabu sean hijagi. Ak ghoaw gidamwabwaspwasana iguureewaneegwa fuga eaduupcheewi,

Yuuda 1:1

Yuuda, soomjeanda Yeesu Gristo was oorjeeda geennyea Yakkobo, Heeda fuga suguursa, abwariinyi aba jeeda Aseetta was Bwaabwa ak geettiiwsa Yeesu Gristo:

Giidaheechta 19:16

Ak badayda hang'daannyi ea gibeestaannyi geeng'oorsa, gheawunga Sugoochcheanda sugoodiga ea Ng'uttamiida ng'uttamoojiga.