DJESUWALAŊUWUY DHÄWU LUKKUŊ WUKIRRIWUY 2:28 - Djambarrpuyŋu New Testamen

²⁸ Bala ŋayi ŋanya Djimiyandhuny nhäŋala ŋunhiyi yothunhany, bala ḻaw'maraŋala ŋanya, bala dhangi'yurra ŋayi ŋanya waṉaynha nhanukiyingal ŋayi, bala ŋayi buku-gurrpara God-Waŋarrnhany bitjarra gam',

DJESUWALAŊUWUY DHÄWU LUKKUŊ WUKIRRIWUY 2:28 Mawu Ofanana

DJESUWALAŊUWUY DHÄWU MÄKKUŊ WUKIRRIWUY 10:16

Bala ŋayi Djesuynydja marrtjin ḻaw'-ḻawmaraŋala ŋunhiyiny djamarrkuḻi'nhany, bala ŋayi marrtjin goŋ-ŋal'yurra walalaŋgal.

DJESUWALAŊUWUY DHÄWU MÄKKUŊ WUKIRRIWUY 9:36

Bala ŋayi Djesuny gawaw'yurra yothuwnha ga nhirrparnydja ŋayi ŋanya gumurrlil yan walalaŋgal ṉapuŋga'lila, bala ŋayi dhangi'yurra ŋanya, bala ŋayi waŋanan ḻundu'mirriŋuwnydja mala nhanukalaŋaw bitjarr,

DJESUWALAŊUWUY DHÄWU LUKKUŊ WUKIRRIWUY 1:46

Bala ŋayi Meriny waŋanan goŋmirriyinan manapar bitjarra, “Ŋarrany dhuwal dhu wokthundja Garraywun; ga yäku-lakaramany ŋarra ŋanya dhu yindikuman.

DJESUWALAŊUWUY DHÄWU LUKKUŊ WUKIRRIWUY 1:64

Ga dhunupan yan ŋayiny ŋunhi Djakarayany waŋanan, dhärukmirriyinan, bala yan märr-yiŋgathinany God-Waŋarrwuny mirithinan yan dhika.

DJESUWALAŊUWUY DHÄWU LUKKUŊ WUKIRRIWUY 1:68

“Go limurr wokthunna Garraywun, ŋuriki Garraywu ŋunhi ŋayi Waŋarr Yitjuralwu malaw! Go limurr buku-ŋal'yunna nhanŋu, bili ŋayi yarrupthurrnydja räliny limurruŋ muka, bala ŋayi gan roŋanmaraŋala limurrunhany dhipala ŋunhi baḻanydjarratjarralila romlilnydja.

DJESUWALAŊUWUY DHÄWU LUKKUŊ WUKIRRIWUY 2:20

Ga ŋunhi walal warrakan'-djägamirrnydja mala roŋiyinany gan ŋunhi bimbiwalnydja malaŋuwal, bala walal marrtjin ŋunhi wäŋgaŋalnydja lakaranhaminan märr-yiŋgathinan manapar mirithinan, ga yäku-ḏumurruyaŋala God-Waŋarrnhany Bäpanhany. Märr-yiŋgathinany walal marrtjin ŋunhi mirithinan yan, ga wokthurra ŋurikiny ŋunhi walal ŋäkul dhäwu, ga bulu nhakun walal ŋanya yothuny nhäŋal, bili walal maḻŋ'maraŋalnydja bukmak yan nhäny mala ŋunhi ŋayi gan nhaltjarr djiwarr'puyyu dhäwumirriy lakaraŋal walalaŋgal ŋäthil.

DJESUWALAŊUWUY DHÄWU LUKKUŊ WUKIRRIWUY 2:27

Ga waŋganydhuny waluy ŋayi Dhuyu-Birrimbirryu garr'yurra ŋanya Djimiyannhany balan God-Waŋarrwala buku-ŋal'yunamirrilila buṉbulil, ga ŋuriŋiyi bili yan waluy maṉḏany Djawutjipthuny ga Meriynydja gäŋala ŋanya yothunhany Djesunhany ŋunhiwiliyi bili yan buku-ŋal'yunamirrilil buṉbulil, märr maṉḏa dhu ŋanya goŋ-gurrupanna Garraywala goŋlil.

DJESUWALAŊUWUY DHÄWU LUKKUŊ WUKIRRIWUY 2:29

“Garray, nheny gan ŋunhi ŋayathaŋal yan nhuŋuwuy nhe dhawuny', ŋunhi nhe wäwunguŋal ŋäthil. Go märraŋun ŋarrany, nhuŋuwuynydja nhe djämamirriny, ŋarra dhu dhiŋgamany burrmiḏiynha romdhuny.