Marcos 8:18 - Las Escrituras en Ashéninka Ucayali del Sur

¹⁸ Eeniwitacha poki tee piñaantzi. Eeniwitacha pikempita tee pikemi. ¿Tema pikenkishireero noshekyaantakawori owanawontsi?

Marcos 8:18 Mawu Ofanana

Marcos 4:12

ari okantyaa Eero iñaantawo ikemayi-witari. Okantawitakyaa ikemijante, eero ikemathatziro, Ari okantyaa eero ipiya-shiretantaa, tema eero ipeyakoe-teeri rirori.”

Juan 12:40

Riitaki Tajorentsi mawityaaki-takaa-kiriri, Imajontzi-takaa-yitakiri, Rootaki eero ikowichaa-tanta, Eero ikematha-tantawo. Ari okantyaa eero ipiyashi-tantaana naaka, Nowawijaa-kotan-teeyaariri.

Roma-jatzi 11:8

Rootaki rojankinee-tantakari, ikanteetzi: Tajorentsi kantakaawo reempa-shiretan-teetari. Eeniwitacha rooki teemaeta iñaantzi. Eeniwitacha ikempita teemaeta ikemi. Roojatzi ikanta nimaeka.

2 Tesalónica-jatzi 2:5

Tema nokaman-tayita-kimiro iroka nojeeki-motanta-paentzimiri paerani.

2 Pedro 1:12

Rootaki eero nookantawo nokenkishiryaakaa-piintemiro okaatzi akenkithata-kotakiri, okantawitaka aritaki piyoyiwitakawo, poejokirotawo kyaariperori riyotahae-takimiri.