Santiago 5:8 - Emberá Chamí

⁸ Ara mau kĩra joma dauchia jãadua panuud̶eeba esed̶au panásturu maud̶e sõd̶eeba ijãa panásturu, Dachi Mechiu Jesucristo kãꞌãabariwãed̶e neeid̶eeba.

Santiago 5:8 Mawu Ofanana

Lucas 21:19

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Romanos 8:25

Maamina chi dachiba esed̶au panuu wabid̶a wãꞌãe panuud̶eeba joma dauchia jãadua panuud̶eeba kuitaa panuu biawãra adaud̶ai.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Filipenses 4:5

Machi ẽbẽrarã bia nuree, jomaurãmaa unubiásturu. Dachi Mechiu neei ewari ʉ̃rʉ ba b̶uu.

1 Tesalonicenses 1:10

Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

1 Tesalonicenses 2:19

Biawãra dai machi kakua kĩrajʉʉ panuu. Mau awara kuitaa panuu Dachi Mechiu Jesucristo neeruud̶e daiba machi jipa panuu ichimaa unubid̶ai. Maud̶e ichi daad̶e machi kakua dai kĩrajʉʉ panad̶ai.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

2 Tesalonicenses 3:5

Maud̶e kʉ̃ria panuu Dachi Mechiuba kuitaabiai machi ãrea kʉ̃ria b̶uu Dachi Akõre kĩra. Maud̶e kʉ̃ria panuu ichiba karibai Cristoba jãaduad̶a kĩra jãaduad̶amera.

Santiago 5:3

Nau kaad̶ebena ewarid̶e machiba chi nejarra aribia ʉyaa panuu. Maamina machi nee maud̶e parata mokokoro chau b̶uu. Dachi Akõreba ichiaruud̶e machi parata arab̶aud̶e mokokoro chau b̶uuba kuitaabii machiba kachirua wauped̶aad̶a. Maud̶eeba tʉbʉchiaba ãrea biꞌiwãe panad̶ai.

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!