Santiago 2:20 - Emberá Chamí

²⁰ ¡Bichi kʉ̃risiaswãe nii! Chi Jesucristod̶e ijãa b̶uu a b̶uuba biꞌia wauwẽebʉrã biawãra ijãawẽa b̶uu. ¿Mʉʉba bichimaa kuitaabii b̶uka?

Santiago 2:20 Mawu Ofanana

Romanos 1:21

Maarãba Dachi Akõre kuitaa panasid̶amina ichimaa biꞌia berread̶aabai maud̶e ichíturu kid̶ibai ad̶aabasii. Maumaarã kʉ̃risiaswãe nuree kĩra paneesid̶au. Maka paneed̶aped̶a pãriud̶e paneesid̶au.

Romanos 3:28

Dachiba jaradea panuu Jesusd̶e ijãa panuud̶éburu, Dachi Akõreba dachi chi ichid̶irã jipa nuree baara duanui. Maka jarakau Moisesba b̶ʉd̶ad̶e ijãa panuud̶eeba.

Romanos 9:20

Maamina ¿chi maka berrea b̶uuba Dachi Akõremaa maka berreai b̶uka? ¿Chokoba chi kabariimaa naka jarai b̶uka: «Bichiba sakãe mʉ jãka kasma?»

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.

1 Timoteo 1:6

Maamina waabenarã o ãyare wãsid̶au. Maabae barikia dachi aid̶akau bed̶eáturu berreabadau.

Tito 1:10

Mʉʉba maka jara b̶uu biawãra bed̶ea kʉ̃riad̶akaurã, dachi aid̶ad̶akau bed̶ea jaradeabadaurã maud̶e waabenarã setaa kũruabadaurã baraud̶eeba. Maarãba dachi mukĩra chi kakua tõod̶ai panuu abadaurã.

Santiago 1:26

Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.

Santiago 2:17

Ara mau kĩra chi Jesucristod̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Mauba ijãa b̶uu a b̶uu, ẽbẽra biud̶a kĩra nii.

Santiago 2:26

Biud̶a jauri wãꞌãe nii. Ara mau kĩra Dachi Akõred̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Ichiba ijãa b̶uu a b̶uu ẽbẽra biud̶a kĩra nii.