Santiago 2:18 - Emberá Chamí

¹⁸ Maamina ab̶auba naka jaraaruu: «Bichiba Jesucristod̶e ijãa b̶uu abarii maud̶e mʉʉba biꞌia waubarii». Mʉʉba nau jaraaruu: bichiba biꞌia wauwẽa unubise, Jesucristod̶e biawãra ijãa b̶uu. Maud̶e biꞌia wau b̶uud̶eeba mʉʉba unubii Jesucristod̶e biawãra ijãa b̶uu.

Santiago 2:18 Mawu Ofanana

Romanos 14:23

Maamina chi «Nau koobai b̶uu» a kʉ̃risia b̶uuba mau kooruubʉrã, ichi sõd̶e kachirua b̶eei, mau kachirua waui b̶uu kʉ̃risia b̶uud̶eeba. Biawãra chi dachiba wau panuu jipa b̶uuwãe a kʉ̃risia panuubʉrã, maka wauduud̶e, kachirua wau panuu.

Romanos 3:28

Dachiba jaradea panuu Jesusd̶e ijãa panuud̶éburu, Dachi Akõreba dachi chi ichid̶irã jipa nuree baara duanui. Maka jarakau Moisesba b̶ʉd̶ad̶e ijãa panuud̶eeba.

Romanos 4:6

Ara mau kĩra Davidba jarasii: Dachi Akõreba chi ne wauwẽa b̶uu chi ichid̶irã jipa nuree baara b̶uuruubʉrã, ãrea biꞌia b̶uai.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

Romanos 9:19

Mau bed̶ea ʉ̃rʉbena ab̶auba naka jarai: «Dachi Akõreba maka waubariid̶eeba ¿sakãe dachi nebʉra bara panuu a b̶uma? ¿Ichiba dachi b̶ud̶a kĩra panuuwãeka?»

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

Tito 2:7

Joma biꞌia wau b̶uud̶eeba jomaurãmaa unubi b̶uase saka nibad̶ai panuu. Kʉ̃risia biꞌia jipa jaradea b̶uase.

Hebreos 11:31

Israeld̶ebenarã omeeba Jericó puuru saka b̶uu kuitaai baita ichiad̶e wãsid̶aud̶e wẽra aud̶uabarii Rahaba Dachi Akõred̶e ijãa b̶uasiid̶eeba ãchi biꞌia irsibisii. Maud̶eeba chi mau puurud̶ebena Dachi Akõre ũribabaswãe nuree joma kenasid̶aud̶e chi mau bead̶aabasii.

Hebreos 11:33

Dachi Akõred̶e ijãa panasiid̶eeba chi nureeba drua poyaasid̶au, chi nureeba ãchi drua jipa uru nureasii maud̶e chi nureeba drua nau iujãad̶e Dachi Akõreba deai jarad̶a irsibisid̶au. Dachi Akõred̶e ijãa panasiid̶eeba chi nuree Dachi Akõreba imamamaa ida kobiabasii.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Santiago 2:14

Ãbarã, ab̶auba Jesucristod̶e biawãra ijãa b̶uu aaruubʉrã, maamina biꞌia wauwẽa b̶uubʉrã, ¿mau aid̶ai b̶uka? ¿Mau biawãra karibai b̶uka?

Santiago 3:13

Machi kʉ̃risia kuitaa nuree maud̶e ne kuitaa nuree kʉ̃risia panuubʉrã, unubiásturu biawãra maka nuree, machi biꞌia nibabadaud̶eeba. Chi mechiu nuree kʉ̃risiad̶awẽa kʉ̃risia kuitaad̶eeba biꞌia waud̶ai panuu.