Romanos 7:8 - Emberá Chamí

⁸ Maamina «kʉ̃riarã́bad̶e» asiid̶eeba kachirua wau kʉ̃ria b̶uud̶eeba mʉʉba ne joma aude kʉ̃riasii. Biawãra Moisesba b̶ʉd̶a wãꞌãe basirã aude kachirua wau kʉ̃riabai basii.

Romanos 7:8 Mawu Ofanana

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Romanos 4:15

Mau Moisesba b̶ʉd̶a jara b̶uu kĩra wauwẽa panuud̶eeba, Dachi Akõreba dachi kastikai. Biawãra Moisesba b̶ʉd̶a wãꞌãe bad̶a basirã, nebʉra baraa panad̶aabai basii.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Romanos 7:11

Moisesba b̶ʉd̶ad̶e jara b̶uu kakua mʉʉba kachirua aude wau kʉ̃riasii. Maabae kachiruaba mʉ setaa kũruasii kʉ̃risiamera Moisesba b̶ʉd̶aba jipa b̶uai. Maamina ũrikaud̶eeba biui b̶uasii.

Romanos 7:13

Makarã ¿Moisesba b̶ʉd̶a biꞌia b̶uuba mʉ biubiska? ¡Makawãema! Maumaarã kachirua wau b̶uu kakua mʉ maka biui b̶uasii. Mʉʉba kachirua wau b̶uu kakua mau Moisesba b̶ʉd̶a biꞌia b̶uuba jara b̶uu mʉ biui b̶uu. Maka arakʉd̶e unubi b̶uu chi kachirua saka b̶uu. Mʉʉba kachirua wau b̶uu biawãra ãrea kachirua b̶uu.

Romanos 7:17

Maud̶eeba ara mʉʉba kʉ̃ria b̶uud̶eeba kachirua wau b̶uwãema, maumaarã kachirua mʉ sõd̶e b̶uuba maka waubibarii.

Romanos 7:9

Naed̶e mau Moisesba b̶ʉd̶a adua b̶uasiid̶e mʉ jirukaraayuwãe b̶uabachii. Maamina kuitaasiid̶e mʉʉba kachirua wau kʉ̃riasii. Maabae kachirua kakua biui b̶uasii.

1 Corintios 15:56

Moisesba b̶ʉd̶aba kuitaabi b̶uu dachiba kachirua waubadau. Kachirua waubadaud̶eeba biud̶ai.