Romanos 7:7 - Emberá Chamí

⁷ ¿Mau ʉ̃rʉbena saka kʉ̃risia panuma? ¿Moisesba b̶ʉd̶a kachirua b̶uka? ¡Makawãema! Mau Moisesba b̶ʉd̶a wãꞌãe basirã mʉʉba adua b̶uai basii kãare kachirua b̶uu. Moisesba b̶ʉd̶aba «ab̶auba uru b̶uu kʉ̃riarã́bad̶e» ad̶awãe basirã, mʉʉba ãibenaba uru b̶uu kʉ̃riai kachirua b̶uu adua b̶uai basii.

Romanos 7:7 Mawu Ofanana

Mateo 5:28

Maamina mʉʉba machimaa jaraaruu: mukĩra ab̶aba wẽra ichiaped̶a kʉ̃riaibʉrã ab̶aed̶e mau wẽra ome ichi sõd̶e kachirua wausii.

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Lucas 20:16

Araa wãped̶a maarã joma kenaped̶a ichi uva uu nub̶uu waabenarãmaa deai nud̶amera». Chi aria panuurãba mau ũrisid̶aud̶e jarasid̶au: —¡Mau makaabasirã ara b̶uas!

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

Romanos 13:9

Mau Moisesba b̶ʉd̶ad̶e jara b̶uu: «Junebena miakãid̶a ome kãi b̶eerã́se, mia bearã́se, nechiruarã́se, ab̶auba uru b̶uu kʉ̃riarã́se». Mau bed̶ea maud̶e joma mau Moisesba b̶ʉd̶ad̶e jara b̶uu sid̶a nau kʉ̃risia ab̶ad̶e joma jara b̶uu: «Waabenarã kʉ̃riáse ara bichi kʉ̃ria b̶uu kĩra».

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Romanos 3:5

Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

Romanos 4:1

¿Kãare jarad̶aima dai judiorã nabẽraed̶ebena Abraham ʉ̃rʉbena?

Romanos 4:15

Mau Moisesba b̶ʉd̶a jara b̶uu kĩra wauwẽa panuud̶eeba, Dachi Akõreba dachi kastikai. Biawãra Moisesba b̶ʉd̶a wãꞌãe bad̶a basirã, nebʉra baraa panad̶aabai basii.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Romanos 6:15

¿Mau ʉ̃rʉbena saka kʉ̃risia panuma? Dachi Akõreba ichi sõbiad̶eeba dachi karibasiid̶eeba maud̶e Moisesba b̶ʉd̶ad̶e dachi duanuuwãed̶eeba ¿kachirua waud̶ai panuka? ¡Makawãema!

Romanos 7:11

Moisesba b̶ʉd̶ad̶e jara b̶uu kakua mʉʉba kachirua aude wau kʉ̃riasii. Maabae kachiruaba mʉ setaa kũruasii kʉ̃risiamera Moisesba b̶ʉd̶aba jipa b̶uai. Maamina ũrikaud̶eeba biui b̶uasii.

Romanos 7:13

Makarã ¿Moisesba b̶ʉd̶a biꞌia b̶uuba mʉ biubiska? ¡Makawãema! Maumaarã kachirua wau b̶uu kakua mʉ maka biui b̶uasii. Mʉʉba kachirua wau b̶uu kakua mau Moisesba b̶ʉd̶a biꞌia b̶uuba jara b̶uu mʉ biui b̶uu. Maka arakʉd̶e unubi b̶uu chi kachirua saka b̶uu. Mʉʉba kachirua wau b̶uu biawãra ãrea kachirua b̶uu.

Romanos 7:5

Dachi nau kakuaba wau kʉ̃ria b̶uud̶eeba nibasid̶aud̶e Moisesba b̶ʉd̶ad̶e jara b̶uu kakua kachirua aude wau kʉ̃riasid̶au. Maud̶e kachirua waud̶ai panuu kakua biud̶ai panasid̶au.

Romanos 7:8

Maamina «kʉ̃riarã́bad̶e» asiid̶eeba kachirua wau kʉ̃ria b̶uud̶eeba mʉʉba ne joma aude kʉ̃riasii. Biawãra Moisesba b̶ʉd̶a wãꞌãe basirã aude kachirua wau kʉ̃riabai basii.

1 Corintios 15:56

Moisesba b̶ʉd̶aba kuitaabi b̶uu dachiba kachirua waubadau. Kachirua waubadaud̶eeba biud̶ai.

Efesios 5:3

Machi ẽbẽrarã Dachi Akõred̶erãd̶eeba machi kakuaba barikiu kachirua waud̶aabai panuu, kĩra nejasia waud̶aabai panuu maud̶e waabenarãba uru b̶ee kʉ̃riad̶aabai panuu. Mau ʉ̃rʉbena ab̶au bid̶a b̶istĩika bid̶a berread̶aabai panuu.

Colosenses 3:5

Maud̶eeba joma nau iujãad̶ebena kʉ̃risia machi sõd̶e b̶uu ida b̶ústuru. Dachi kakuaba barikiu kachirua waurã́sturu, mia kĩra nejasia waurã́sturu, ne mia pera waurã́sturu, kʉ̃risia kachirua kʉ̃risiarã́sturu, maud̶e ne kaebea ãrea uru panad̶ai kʉ̃ria panarã́sturu. Chi ne kaebea ãrea kʉ̃ria b̶uu, Dachi Akõre kuenda juaba ne kaped̶aad̶ad̶e ijãa b̶uu kĩra nii.

1 Tesalonicenses 4:5

Nau kakuaba kachirua wau kʉ̃ria b̶uu waurã́sturu Dachi Akõre unud̶akaurãba waubadau kĩra.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.