Romanos 6:7 - Emberá Chamí

⁷ Biawãra ab̶a Cristo ome biud̶abʉrã, kachiruad̶ebena ena b̶eesii.

Romanos 6:7 Mawu Ofanana

Mateo 11:19

Maumaarã mʉ, chi Ẽbẽra Ba B̶uad̶a, nee b̶uu. Mʉʉba ne joma kobarii maud̶e ne joma dobarii. Maud̶e machiba jarabadau mʉ chi ko ãrea nii maud̶e do ãrea nii. Mau awara jarabadau mʉ kachirua waubadaurã baara maud̶e Romad̶ebena chi aude mechiu nii baita chi nejarra pebadaurã baara nibabarii. Maamina kuitaa panuu Dachi Akõre kʉ̃risia kuitaa jipa b̶uu, mau ijãa panuuba jipa waubadaud̶eeba».

Romanos 6:2

¡Biawãra maka waud̶aabai panuu! Dachi kachiruad̶eeba biusid̶au. Maud̶eeba ¿saka kachiruad̶e nibad̶aima?

Romanos 6:8

Dachi Cristo ome biuped̶aad̶ad̶eeba ijãa panuu ichi ome chokae panad̶ai.

Romanos 7:2

Nau kĩra b̶uu. Mau Moisesba b̶ʉd̶ad̶e jara b̶uu wẽra mukĩra iu b̶uu ichi mukĩra chokae b̶uud̶e ichi ome b̶uai b̶uu. Ichi mukĩra wabid̶a chokae b̶uud̶e mau wẽraba junebena mukĩra adauruubʉrã, Moisesba b̶ʉd̶ad̶e jara b̶uu mau wẽra nebʉra bara b̶uu. Maamina ichi mukĩra biuruubʉrã Moisesba b̶ʉd̶ad̶ebena ena b̶eei. Maud̶e ichiba junebena mukĩra adauruubʉrã, nebʉraswãe b̶uai.

Romanos 7:4

Ãbarã, ara mau kĩra machi Cristo baara panuud̶eeba ichi biud̶akare, Moisesba b̶ʉd̶ad̶eeba biusid̶au. Jãabae machi Cristod̶erãd̶eeba, Dachi Akõre baita poyaa biꞌia waud̶ai.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

1 Pedro 4:1

Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.