Romanos 5:8 - Emberá Chamí

⁸ Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Romanos 5:8 Mawu Ofanana

Juan 15:13

Ẽbẽra ichi kõpaero karibai baita biuruubʉrã, ab̶au bid̶a mau audeara poyaa kʉ̃ria b̶uabai.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Romanos 3:5

Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

Romanos 4:25

Ichiba Jesús b̶usii dachi kachirua kakua biumera. Maabae biud̶ad̶ebena chokae jiradubisii dachi chi ichid̶irã jipa nuree baara duanui baita.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Romanos 5:6

Dachiba ara dachi kachiruad̶ebena poyaa karibad̶awẽa panasid̶aud̶e ewari araa baaruud̶e Cristo dachi chi kachiruarã kakua biusii.

Romanos 5:7

Ẽbẽra b̶aꞌãra bid̶a wãꞌãe ab̶a jipa nii kakua ara ichi beabii. Maamina ẽbẽra biꞌia nii kakua ¿ab̶auba ara ichi beabii b̶ubaaka?

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Efesios 2:7

Mau joma wausii kaad̶ebena ewarid̶e ichi ãrea sõbia nii unubii baita. Maud̶eeba dachi chi Jesucristo ome panuurã karibasii.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

1 Timoteo 1:16

Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

Hebreos 8:3

Dachi Akõreba joma paare mechiurã b̶ukuabarii ichimaa ne kaebea dead̶amera maud̶e ãnimara baa dead̶amera. Maud̶eeba dachi Paare Mechiu nii bid̶a ne kaebea deai b̶uasii.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Juan 3:16

Naud̶eeba dachiba kuitaa panuu dachi ãbarã kʉ̃riabadau: Jesucristo dachi kakua biusii. Ara mau kĩra dachi sid̶a kʉ̃riad̶eeba ãbarã baita biud̶ai baita nuread̶ai panuu.