Romanos 3:9 - Emberá Chamí

⁹ Maud̶eeba ¿kãare jarad̶aima? ¿Jarad̶aika dai chi judiorã waabenarã audeara biꞌia nuree? ¡Makawãema! Mʉʉba nau kartad̶e kuitaabiasii judiorãba maud̶e judiowãerã bid̶a kachirua waubadau.

Romanos 3:9 Mawu Ofanana

Lucas 7:39

Mau unusiid̶e Jesús iud̶a fariseoba naka kʉ̃risiasii: «Nau ẽbẽra biawãra Dachi Akõre baita berreabarii bad̶a basirã kuitaai basii kachirua waubarii wẽraba jãka wau b̶uu».

Romanos 1:18

Dachi Akõreba bajãad̶ebena kuitaabi b̶uu kachirua wau nuree maud̶e jipawãe nuree ichi kĩrubid̶eeba mau joma kastikai. Ãchiba kachirua wau panuud̶eeba chi biawãra bed̶ea ida kuitaabid̶akau.

Romanos 11:32

Biawãra Dachi Akõreba joma jʉ̃akuasii ũribabaswãe nureed̶eeba. Maka wausii joma kĩra chuburiai baita.

Romanos 11:7

¿Mau ʉ̃rʉbena saka kʉ̃risia panuma? Israeld̶ebenarãba Dachi Akõre puuru bad̶ai jʉrʉ panasmina makad̶aabasii. Maamina israeld̶ebenarã ãreawãe panuuba ijãasid̶au, Dachi Akõreba jʉrʉ adausiid̶eeba. Waabenarãba ijãad̶ai kʉ̃riad̶aabasii.

Romanos 2:1

Maka b̶uud̶e ab̶auba kʉ̃risiabai b̶uu Dachi Akõre daad̶e nebʉraswãe nii. Chi aude jipa wau b̶uu a b̶uuba maka kʉ̃risiabai b̶uu. Ab̶auba kachirua wau b̶uu a jaraaruud̶e ara ichi ʉ̃rʉbena jara b̶uu, ichia bid̶a ara mau kĩra waubariid̶eeba.

Romanos 3:1

Mʉʉba maka jara b̶uud̶eeba ab̶auba naka kʉ̃risiai: «¿Sakãe judio ẽbẽra mukĩra chi kakua tõoima? ¿Bibuara b̶uuwãeka judiowãe bai mau judio bai bad̶amaarã?»

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Romanos 3:5

Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

Romanos 6:15

¿Mau ʉ̃rʉbena saka kʉ̃risia panuma? Dachi Akõreba ichi sõbiad̶eeba dachi karibasiid̶eeba maud̶e Moisesba b̶ʉd̶ad̶e dachi duanuuwãed̶eeba ¿kachirua waud̶ai panuka? ¡Makawãema!

Romanos 7:14

Dachiba kuitaa panuu Moisesba b̶ʉd̶a Dachi Akõre Jaurid̶eeba neesii. Maamina mʉ nau kakuad̶e b̶uu. Mʉ nedobʉid̶a kĩra b̶uu kachirua baita bari trajabarii b̶uamera.

1 Corintios 10:19

Maamina mʉʉba jarawẽa b̶uu chi Dachi Akõre kuenda juaba ne kaped̶aad̶a biawãrabʉ. Chi maarãmaa kiuru dead̶ad̶ebena kiuru kĩra b̶uu.

1 Corintios 14:15

Makarã ¿sakaima? Mʉ jauriba Dachi Akõremaa ʉtaa id̶ii maamina mʉʉba chi mau kuitaa b̶uu bed̶ead̶e bid̶a ʉtaa id̶ii. Mʉ jauriba Dachi Akõremaa biꞌia karii, maamina chi mʉʉba kuitaa b̶uu bed̶ead̶e bid̶a karii.

1 Corintios 4:7

¿Kaiba machi waabenarã audeara biꞌia b̶usma? Dachi Akõreba dead̶a awara ¿machiba kãare uru panuma? Machiba Dachi Akõred̶ebena ne joma adauped̶aad̶ad̶eeba ¿sakãe ara machi du ab̶a adauped̶aad̶a kĩra berrea panuma?

Gálatas 3:10

Chi Moisesba b̶ʉd̶a wau panuud̶eeba chi Dachi Akõred̶e jipa nuree baara paneed̶ai kʉ̃risia nuree, nebʉra barau a b̶uu. Mau Moisesba b̶ʉd̶ad̶e naka b̶ʉ kub̶uu: «Nau Moisesba b̶ʉd̶a joma wauwẽa nii Dachi Akõreba nebʉra barau ai».

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Filipenses 1:18

Maamina ¿mau sakaima? Kʉ̃risia biad̶eeba maebʉrã kʉ̃risia kachiruad̶eeba jara nibaaduubʉrã, Cristo ʉ̃rʉbena jara panuu. Maud̶eeba mʉ kĩrajʉʉ b̶uu. Maud̶e kĩrajʉʉ b̶uai