Romanos 15:3 - Emberá Chamí

³ Biawãra Cristo bid̶a ara ichiba kʉ̃ria b̶uu waubasii, maumaarã Dachi Akõre bed̶ead̶e b̶ʉ kub̶uu kĩra makasii. Naka b̶ʉ kub̶uu: «Dachi Akõre, ãchiba bichi ʉ̃rʉbena kachirua jarasid̶aud̶e mʉ ʉ̃rʉbena sid̶a kachirua jarasid̶au».

Romanos 15:3 Mawu Ofanana

Mateo 26:39

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, Dachi Akõremaa ʉtaa id̶isii: «Chacha, bichiba kʉ̃ria b̶uubʉrã, nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu waurã́se, maumaarã bichiba kʉ̃ria b̶uu kĩra wause».

Mateo 26:42

Maabae Jesús waya wãped̶a Dachi Akõremaa ʉtaa id̶isii: «Mʉ Chacha, mʉ ãrea biꞌiwãe b̶uai ida makabiwẽebʉrã, bichiba kʉ̃ria b̶uu kĩra wause».

Mateo 27:44

Maud̶e ẽbẽra mia kachirua nuree ichi jãkaa cruzd̶e jirab̶uped̶aad̶a bid̶a ara mau kĩra kachirua berreasid̶au.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 5:30

»Mʉ du ab̶auba ne ab̶a bid̶a poyaa waubai b̶uu. Mʉʉba ẽbẽra nebʉra ichiabarii mʉ Chachaba jara b̶uu kĩra. Mʉʉba jipa ichiabarii. Mʉʉba kʉ̃ria b̶uu kĩra waukau maumaarã mʉ Chacha, chi mʉ bʉid̶aba kʉ̃ria b̶uu kĩra waubarii.

Juan 6:38

Mʉ bajãad̶ebena need̶awãe michi kʉ̃ria waui baita. Maumaarã neesii mʉ bʉid̶aba kʉ̃ria b̶uu waui baita.

Juan 8:29

Chi mʉ bʉid̶a mʉ baara b̶uu. Chachaba mʉ istu b̶ukau, mʉʉba wau b̶uabariid̶eeba ichiba kʉ̃ria b̶uu kĩra.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Filipenses 2:5

Jesucristoba kʉ̃risia b̶uad̶a kĩra kʉ̃risiásturu:

Filipenses 2:8

Makaaruud̶e miichuburi b̶eesii. Dachi Akõreba biui b̶uu asiid̶e ichi makasii. Cruzd̶e ãrea biꞌiwãe b̶uaped̶a biui b̶umina mau makasii.