Romanos 13:9 - Emberá Chamí

⁹ Mau Moisesba b̶ʉd̶ad̶e jara b̶uu: «Junebena miakãid̶a ome kãi b̶eerã́se, mia bearã́se, nechiruarã́se, ab̶auba uru b̶uu kʉ̃riarã́se». Mau bed̶ea maud̶e joma mau Moisesba b̶ʉd̶ad̶e jara b̶uu sid̶a nau kʉ̃risia ab̶ad̶e joma jara b̶uu: «Waabenarã kʉ̃riáse ara bichi kʉ̃ria b̶uu kĩra».

Romanos 13:9 Mawu Ofanana

Mateo 22:39

Maud̶e mawãare b̶uu ara mau kĩra b̶uu. Mauba naka jara b̶uu: “Waabenarã kʉ̃riáse ara bichi kʉ̃ria b̶uu kĩra”.

Marcos 10:19

Bichiba kuitaa b̶uu Dachi Akõreba waubi b̶uu bed̶ea: mia bearã́se, junebena miakãid̶a ome kãi b̶eerã́se, nechiruarã́se, setaa jararã́se waabenarã ʉ̃rʉbena, waabenarã setaa kũruarã́se, bichi akõre maud̶e bichi nawe wapeadee b̶uase.

Marcos 12:31

Maud̶e chi mawãare b̶uu naubʉ: “Waabenarã kʉ̃riáse ara bichi kʉ̃ria b̶uu kĩra”. Mau omed̶ebena audeara chi mechiu wãꞌãe.

Lucas 10:27

Moisesba b̶ʉd̶a jaradeabariiba panausii: —Joma bichi sõd̶eeba, joma bichi jaurid̶eeba, joma bichi poyaad̶eeba maud̶e joma bichi kʉ̃risiad̶eeba bichi Akõre Mechiu kʉ̃riáse. Maud̶e waabenarã kʉ̃riáse ara bichi kʉ̃ria b̶uu kĩra.

Lucas 18:20

Bichiba kuitaa b̶uu Dachi Akõreba waubi b̶uu bed̶ea. Naka jara b̶uu: junebena miakãid̶a ome kãi b̶eerã́se, mia bearã́se, nechiruarã́se, setaa jararã́se waabenarã ʉ̃rʉbena, bichi akõre maud̶e bichi nawe wapeadee b̶uase.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.