Romanos 11:9 - Emberá Chamí

⁹ Maud̶e judiorã rey Davidba mau ʉ̃rʉbena Dachi Akõremaa jarasii: «Ãchi kĩrajʉʉ kobadau ewarid̶e komaa panuud̶e bichiba kastikaabai kʉ̃risiabiáse. Maka ãchi du ab̶a setaa kũruad̶ai ãnimara enabed̶e b̶aeduu kĩra. Maud̶e ãchi kastikase.

Romanos 11:9 Mawu Ofanana

Mateo 16:23

Maamina Jesusba waya ichiaped̶a Pedromaa jarasii: —¡Satanás, mʉ jãkaabena ãyaa wãse! Mʉʉba waui b̶uu bichiba ida kabiwẽe. Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu.

Lucas 12:20

Maamina Dachi Akõreba ichimaa jarasii: “¡Bichi kʉ̃risia adua nii! Biawãra nau ẽsabud̶e bichi biui. Maabae bichiba pe nub̶ud̶a uru b̶uu ¿kai baita b̶eeima?”

Romanos 14:13

Maud̶eeba ab̶auba wau b̶uu ʉ̃rʉbena waa kachirua berread̶aabai panuu. Maumaarã sõd̶eeba naka kʉ̃risiad̶ai panuu: dachiba wau panuud̶eeba ãba ab̶a bid̶a kachiruad̶e b̶aebid̶aabai panuu.

Hebreos 2:2

Dachi Akõreba naed̶e waubi b̶uad̶a bed̶ea angelerãd̶eeba deasii. Mau bed̶ea ẽbẽrarãba joma ũribaba waud̶ai panasii. Joma chi mau bed̶ea waud̶aka bad̶a, maud̶e kʉ̃riad̶aa bad̶a sid̶a Dachi Akõreba kastikakuabachii ara chi kachirua wauped̶aad̶a kĩra.