Romanos 1:1 - Emberá Chamí

¹ Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Romanos 1:1 Mawu Ofanana

Marcos 1:14

Juan chi Boro Eabarii jʉ̃a b̶uasiid̶e Jesús Galilea druad̶aa wãped̶a chi bed̶ea bia Dachi Akõre ʉ̃rʉbena jaradeabachii.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 15:15

Mʉʉba machi makaa mʉ baita bari trajabadaurã awẽe. Chi chibari baita bari trajabariiba ichi chibariba waui kʉ̃risia b̶uu adua b̶uu. Mʉʉba machi mʉ kõpaerorã ai. Mʉʉba machimaa kuitaabiasii joma mʉ Chachad̶ebena ũrid̶a.

Juan 15:20

Kĩrabásturu mʉʉba nau jarad̶a: “Chi chibari baita bari trajabarii ab̶a bid̶a ichi chibari audeara mechiu niiwãe”. Mauba jara b̶uu ẽbẽrarãba mʉ bed̶ea wau panuubʉrã, machi bed̶ea sid̶a waud̶ai. Maamina ãchiba mʉ kachirua waud̶ai baita wãraa panuubʉrã, machi sid̶a kachirua waud̶ai baita wãraad̶ai.

Hechos 13:9

Maabae Saulo, Dachi Akõre Jauri ichi baara b̶uabachiid̶eeba, Elimasmaa apii ichiaped̶a naka jarasii:

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 21:40

Chi kokoroarã aude mechiuba ida berreabisii. Maabae Pablo jʉ̃rʉmetad̶e b̶ari nub̶uuba ichi juaba ẽbẽrarã chũpeabiasii. Chũpeabiasiid̶e hebreo bed̶ead̶e berreasii.

Hechos 22:21

Maamina Dachi Mechiuba mʉʉmaa jarasii: “Wãse. Mʉʉba bichi kaitawẽ judiowãerãmaa bʉii”».

Hechos 22:7

Mʉ jeed̶a b̶aesiid̶e mimi ũrisii. Mauba mʉʉmaa jarasii: “Saulo, Saulo, ¿sakãe mʉ wãraa b̶uma?”

Hechos 26:1

Maabae Agripaba Pablomaa jarasii: —Ara bichi kakua ida berreabiiruu. Ara makʉd̶e Pablo jua jiraped̶a berreasii:

Hechos 26:14

Joma dai jeed̶a b̶aesid̶au. Maud̶e mʉʉba mimi ũrisii. Mau mimiba mʉʉmaa hebreo bed̶ead̶e naka jarasii: “Saulo, Saulo, ¿sakãe mʉ kachirua waui baita wãraa b̶uma? Chi subariimaa ʉ̃rʉ tʉaruud̶e, bichi ara du ab̶a puꞌuai”.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Romanos 1:9

Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

Romanos 11:13

Mʉʉba judiowãerãmaa nau jaraaruu. Mʉ Dachi Akõreba bʉid̶a b̶usii, machimaa jaradeamera. Mau mʉʉba joma biꞌia wau kʉ̃ria b̶uu.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Romanos 15:29

Mʉʉba kuitaa b̶uu machimaa neeruud̶e Cristoba dachi ãrea aid̶ai.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

1 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ iusii Jesucristoba bʉid̶a b̶uamera. Dachi ãba Sóstenes mʉ ome b̶uu.

1 Corintios 9:1

¿Mʉʉba wau kʉ̃ria b̶uu wauwẽa b̶uka? ¿Mʉ Jesucristoba bʉid̶awãeka? ¿Mʉa bid̶a Dachi Mechiu Jesús unusiiwãeka? ¿Machiba mʉʉd̶eeba Dachi Mechiud̶e ijãaped̶aad̶awãeka?

2 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ Jesucristoba bʉid̶abʉ. Dachi ãba Timoteo mʉ ome b̶uu. Nau karta b̶ʉʉruu ẽbẽrarã Dachi Akõred̶erã Corintod̶ebena baita maud̶e joma ichi ẽbẽrarã Acaya druad̶e nuree baita.

2 Corintios 11:5

Chi maka jaradeabadaurã ¿machimaarã, jãarã Jesucristoba bʉid̶arã chi aude bibuararãka? Mʉʉmaarã, ãchi audeara mʉ chi aude kaebeu b̶uwãema.

2 Corintios 11:7

Mʉʉba chi bed̶ea bia Dachi Akõre ʉ̃rʉbena machimaa chi nejarra id̶iyuswãe jaradeasiid̶eeba mʉ machi daad̶e kaebeu kĩra b̶eesii Dachi Akõre ome biꞌia nuread̶amera. ¿Makarã kachirua wauska?

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 2:12

Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Gálatas 1:1

Mʉ Pablobʉ, Jesucristoba bʉid̶abʉ. Ẽbẽrarãba mʉ jʉrʉ adaud̶aabasii Jesucristoba bʉid̶a b̶uamera. Maumaarã Jesucristoba maud̶e ichi Akõreba, ichi biu b̶uad̶a chokae jiradubid̶aba mʉ maka b̶usid̶au.

Efesios 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶abʉ. Mʉʉba nau karta b̶ʉmaa b̶uu joma Dachi Akõred̶erã ẽbẽrarã Jesucristod̶e ijãa nuree Éfeso puurud̶ebenarã baita.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 2:11

Maud̶e jomaurãba Jesucristo jomaurã Mechiu a jarad̶ai maud̶e Dachi Bajãad̶ebena Akõremaa biꞌia berread̶ai.

Colosenses 1:1

Mʉ Pablobʉ. Mʉ Jesucristoba bʉid̶abʉ, Dachi Akõreba mau kʉ̃riasiid̶eeba. Dachi ãba Timoteo mʉ ome b̶uu.

Colosenses 1:25

Dachi Akõreba mʉ ichi ẽbẽrarã baita trajabarii b̶usii. Maud̶eeba ichi bed̶ea joma arakʉd̶e machimaa jaradea b̶uu.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

1 Tesalonicenses 2:8

Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

1 Timoteo 1:1

Mʉ Pablobʉ, Jesucristoba bʉid̶a. Dachi Akõre chi Karibabariiba maud̶e Dachi Mechiu Jesucristoba mʉ naka b̶usid̶au. Ara mau Jesucristod̶eeba dachi biawãra biꞌia nuread̶ai kuitaa panuu. Dachiba Jesucristod̶e ijãabadau maud̶e ichi kakua biꞌia nuread̶ai kuitaabadau.

1 Timoteo 2:7

Mau baita mʉ ichi bed̶ea jarabarii b̶usii. Mʉ ichiba bʉid̶a b̶usii chi biawãra bed̶ea ichi ijãad̶ai panuu ʉ̃rʉbena judiowãerãmaa jaradead̶e wãmera. Mʉʉba biawãra jara b̶uu maud̶e setawãe b̶uu.

2 Timoteo 1:11

Dachi Akõreba mʉ b̶usii mau bed̶ea bia jarabarii b̶uamera, Jesucristoba bʉid̶a b̶uamera maud̶e judiowãerãmaa jaradeabarii b̶uamera.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Hebreos 5:4

Ab̶au bid̶a ara ichi du ab̶a paare mechiu b̶eekau, maumaarã Dachi Akõréburu ab̶a b̶ubarii Aarón b̶ud̶a kĩra.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

1 Pedro 4:17

Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.

Apocalipsis 22:6

Maabae angelba mʉʉmaa jarasii: «Joma nau bed̶ea biawãrabʉ maud̶e biawãra makaaruu poyaa ijãa panuu. Dachi Akõre Mechiuba ichi baita berreabadaurãmaa ichi bed̶ea berreabiabarii. Ichiaburu chi ángel bajãad̶ebena bʉisii ichi baita bari trajabadaurãmaa kuitaabiamera kãꞌãabariwãed̶e makaaruu».

Apocalipsis 22:9

Maamina ichiba jarasii: «Jãka waurã́se, maumaarã Dachi Akõremáturu biꞌia berreáse. Mʉ arab̶aud̶e bichi kĩra Dachi Akõre baita bari trajabariibʉ, ãbarã Dachi Akõre baita berreabadaurã kĩra, maud̶e joma nau kartad̶e jara b̶uu ijãabadaurã kĩra».