Mateo 6:31 - Emberá Chamí

³¹ »Maud̶eeba ãrea kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena.

Mateo 6:31 Mawu Ofanana

Mateo 15:33

Maamina ichi baara nibabadaurãba id̶isid̶au: —Nama ẽbẽrarã wãꞌãed̶e ¿sama unud̶aima kod̶ai baita naka ãrea baita?

Mateo 4:4

Maamina Jesusba panausii: —Dachi Akõre bed̶ead̶e naka b̶ʉ kub̶uu: “Ko b̶uud̶éburu ẽbẽra chokae b̶uabai b̶uu, mau kãyabãra joma Dachi Akõreba jara b̶uu ijãa b̶uud̶eeba chokae nibai”.

Mateo 6:25

»Maud̶eeba mʉʉba jaraaruu: machi saka panad̶ai, ãrea kʉ̃risiarã́sturu. Kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena. ¿Chiko audeara dachi chokae panad̶ai biꞌia b̶uuwãeka? ¿Dachi kakua chi paru jʉ̃badau audeara biꞌia b̶uuwãeka?

Mateo 6:27

¿Kai machid̶ebena ãrea kʉ̃risia niid̶eeba waa chokae nibaima?

Lucas 10:41

Jesusba jarasii: —Marta, Marta, bichiba ne ãrea waui b̶uud̶eeba ãrea jirukaraa b̶uu.

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Lucas 12:22

Maud̶eeba Jesusba ichi baara nibabadaurãmaa jarasii: «Machi saka panad̶ai kʉ̃risiarã́sturu, kod̶ai ʉ̃rʉbena maud̶e paru jʉ̃d̶ai ʉ̃rʉbena.

Lucas 12:29

Maud̶eeba jʉrʉrã́sturu kod̶ai ʉ̃rʉbena maud̶e dod̶ai ʉ̃rʉbena. Maud̶e ãrea kʉ̃risiarã́sturu.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.

1 Pedro 5:7

Machiba ãrea kʉ̃risia panuu Dachi Akõremaa joma jarásturu, ichiba machi nu b̶uud̶eeba.